شبكة و منتديات العرب المسافرون - تجربتي في الحصول على الفيزا البريطانية 5/2016

بسم الله الرحمن الرحيم....

يا جماعه اولا انا مالي في المنتديات.. فاعذروني على اسلوب الكتابه او الكلجات :19: بس زي ما استفدت منكم في التقديم حبيت افيدكم وانقل لكم خبرتي...

في تاريخ 2/5/2016 قدمت على الفيزا لي انا وزجتي... انهيت الابليكيشين الخاص فيا ودفعت الرسوم 131دولار وبعدها جا وقت المواعيد اخترت يوم الخميس 5/5/2016 موعد عادي عوائل الساعه 12 ونص ضهرا وبعدها انتقلت الى ابليكشين زوجتي... تقريبا اخذ معايا نصف ساعه ولمن جيت اختار الموعد اكتشفت انه المواعيد كلها مخلصه ليوم الخميس.. وظروفي ما تسمح ليا اغير التاريخ وابغى اكسب الوقت لانه تاريخ سفري 22/5/2016 فوقتها جربت واخترت لها موعد بريميم عوائل بنفس التاريخ تبعي ولقيت موعد الساعه 2 ضهر يعني بعدي بساعتين

طبعها وقتها انا كنت متخوف... انه يرفضوا دخولنا سوا او يقولوا انت وقتك مختلف عن وقتها وانت حاجز موعد عوائل او مثلا يطالبوني بدفع مبلغ اضافي بحكم انه حدخل مع زوجتي قسم البريميم

توكلت على الله ورحت الموعد يوم الخميس في جده... وفعلا دخلونا الاثنين سوا الساعه 12 ونص طلبوا مننا نتجه لاستقبال مواعيد البريمويم.. طبعا لاحظوا انه انا موعد عادي المفروض وزجتي موعد بريموم.. اول شي طلبوا مننا ندفع مبلغ 430 تقريبا عشان البريموم وهذا رسوم الموعد الخاص لزوجتي وانا قالوا خلاص ادخل معاها عادي. الحمدلله دخلونا وراح الخوف بسسب اختلاف نوع الموعد

طبعا دخلنا الصاله الخاصه... كنب وجلسات فخمه غير القهوه والشاهي وملحقتها وكان قدامنا شخص واحد فقط بعكس اصحاب المواعيد العاديه تقريبا غرفه الانتظار كان فيها 20 شخص . جا رقمنا وسملت الموظفه الاوراق الخاصه.. تعريف العمل وكشف الحساب والابليكيشين فقط حتى صور شخصيه ما يحتاجوا .. طبعا سألتها لو ابغى اعجل الحصول ع الفيزا قالت تدفع 800 ريال ع الجواز الواحد... طبعا قلتها شكرا :41:
___________________

نفس اليوم الساعه 5 الضهر جاني ايميل انه الجوازات اترسلت الى السفاره في الرياض.
بتاريخ السبت 7/5/2016 جاني ايميل انه وصلت السفاره .. ثاني يوم الاحد جاني ايميل من السفاره انهم بدأو في الاجراءات وفي هذا الاسبوع 15/05/2016 جاني ايميل انهم انتهو منها وارسلوها الى جده وقبل امس وصلتني عن طريق ارميكس في ينبع.....

وشكرا لكم .. وسامحوني على التعبير السيئ ههههه

عندي سؤال انا فيزتي مدتها 6 شهور تخلص نص شهر 11.. حصلت ليا ظروف وما اقدر اسافر الاسبوع الجاي.. في كم شخص قلي انه في اخر 3 شهور من صلاحية الفيرا ما تقدر تسافر .. هل هذا الكلام صحيح ؟