صباح الخير

بيوم 20/6/2016 رحت لمركز التأشيرات بجدة عشان التبصيم وكان نوع الفيرة دراسية (short term) والحمدلله مشى كل شي تمام لكن فيه عدة اسئلة اتمنى تفيدوني فيها :

1- التقديم كان يوم الأثنين 20/6 وما وصلني اي رسالة بالإيميل عن استلام الجواز الا بتاريخ 30/6 تفيد انه بهاليوم تم استلام الجواز ، يعني راح تاخذ 15 يوم عمل من تاريخ التقديم ولا من تاريخ وصول الرسالة ؟

2- تقديمي كان في جدة وطلبت ارسالة عن طريق ارامكس للقصيم ، حسب ما سمعت ان الابلكيشن ينقل للسفارة في الرياض للموافقة والاعتماد وبعدها يرجع لجدة وبعدها جدة ترسلة للقصيم هل هذا صحيح ؟

3- سفرتي بتاريخ 16/7 ومثل ما تعرفون انه ما قدامهم الا اسبوع عمل واحد بعد اجازة العيد ، والشحن راح ياخذ وقت ، رأيكم أعدل حجز الطيران ولا راح تطلع قبل ان شاء الله ؟

4- طلبت خدمة الرسائل النصية ، وطبعاً ما وصلني اي رسالة منهم ، ايش المشكلة ؟

5- حسب ما سمعت من اللي قدّموا انه احياناً مكتب التأشيرات يخطئ ويترك الجواز عنده وما ينتبه ان العميل طالب خدمة الشحن عن طريق ارامكس ، لو قدّر الله وحصل معي هالشي كيف اقدر اتواصل مع مكتب التأشيرات عشان اطلب منهم ارسالة ؟

المشاركة الأصلية كتبت بواسطة آخـــرفـــرصـــة (المشاركة 246372) أهلين يا غالي السنة هذي البريطانية زحمة غير متوقعة لذا المتوقع تتأخر الجوازات هذي السنة عندك الى 13 جلاي ما جاك ايميل ولا رسالة الافضل تغير حجوزاتك عشان ما تخسرها

المشاركة الأصلية كتبت بواسطة ملك الكبدة (المشاركة 246451) انا اليوم رحت لهم وتقديمي كان يوم 23/6 ورحلتي 10/7 .. طبعاً ما خلص باقي .. قالوا لي تعالنا يوم 10/7 يوم رحلتك الصباح وتحصله جاهز .. واذا ماحصلته نعطيك ورقة للسفارة وتروح لهم وتاخذ تذاكرك معك وبيخلصونك .. لأن رحلتي بالليل