تجربتي الغير جيدة
 

السلام عليكم

المكان مكتب تبع الخبر

قد سبق قدمت على فيزا بريطانيا قبل ينقلون مبناها الجديد في الراكة وكانت اجراءات بسيطه وطلعت خلال 5 ايام ووقدمت الشنجن في المبنى الجديد وكانت اجراءات بسيطه وبكل سلاسه طلعت في 10 ايام لما جيت ابي اقدم على فيزا بريطانيه الاجراءات بعض الاجراءات تم تغييرها ولكن ليس هنا صلب الموضوع انا حجزت وقدمت بياناتي انا وواحد من الشباب وحجزنا موعد عن طريق الاونلاين ودفعنا حول 800 وشوي لكل واحد وطبعنا الحجز وكل شيء وكان موعدنا اخر ناس ورحنا واورقنا كامل دخل خويي قبلي المهم لما دخلت انا بعده اشوف الهندي ينافخ عليه استغربت انا اسلوبه جداً زفت ومستفز لما عرفت السالفه قال لازم تدفعون 350 ريال لان موعدكم بعد الساعه 3 خويي حاول يفهمه ان بالموقع مهب مكتوب انو بعد الساعه 3 ندفع كذا المهم قال تدقع والا مانستقبلك انا طبعي هادي جداً بس كنت احترق من داخل وودي اجلده بس هديت الوضع وجبنا الفلوس وعطيناهم خلونا من هنا نجي لسالفة الاوراق خذوا من خويي كل شيء تعريف بالعمل براتب وبدون راتب وكشف حساب وصورة من الجواز وتذاكر الطيران وحجز الفندق انا خذى مني بس كشف حساب وتذاكر طيران فقط اقوله والتعريف يقول مايحتاج استغربت قلت اكيد قال ايه المهم قالي بعدها تبيني اضبطك خلال 5 ايام ادفع 800 كأنه يبتزني يعني ادفع والا اعطل اجراءاتك :20: المهم قلت لا مايحتاج وانا طالع سألت الاستقبال قلت ما أخذ مني الاوراق المطلوبه قال غريبه ارجع له ليش ما اخذها لازم يأخذها بعض الطلبات تجي رفض عشان التعريف المهم وارجع لهم وعيوا يفتحون الباب ودق عليهم السكرتي وطلع واحد منهم اللي هو المستفز بغيت اجلده قاهرني قسم بالله قلت ابي خويك لينه وراه واقوله السالفه وقال من خلال خبرتي ماعليك ماراح يجي رفض قلت اكيد قال ايه قلت وعدنا بعد 10 ايام ونشوف عاد سفرتي قريبه ماتتحمل رفض جداً سيئ تعاملهم واسلوبهم الغير راقي تحس فيهم حقد دفين وجتني رساله انها راحت وبعدها ماجاني شيء ونشوف وش اخرتها معهم بس ودي اعرف ليش ما اخذ الاوراق كامله طولت عليكم معليش منقهر منهم:63:

والله مابي اضيق صدرك لكن التعريف مهم ومن الطلبات الاساسية هو وكشف الحساب لان التعريف هو اللي يبين فيه وظيفتك ودخلك الشهري وتاريخ بداية عملك.. اما باقي المستندات مثل الطيران والفنادق وصور التاشيرات السابقة وغيرها فهي اختيارية ان بغيت ترفقها للدعم فبكيفك وان مابغيت فماهي مطلوبة...
لكن نقول ان شاء الله يشوفون راتبك ينزل بالحساب ولا يدققون على التعريف وتمشي امورك بإذن الله.
وسالفة انكم تدفعون مبلغ زيادة لانكم جايين بعد 3 فغريبة لانك يفترض ماخذ موعد فلنفرض 3 ولا دخلوك الا بعدها فهذي غلطتهم ومالك ذنب فيها ولا له حق يطلب هالشي نهائي..
اما اذا كنتوا جايين بدون موعد فهذا شي ثاني ولابد تدفعون اعتقد.

من ناحية كشف الحساب فيه مبلغ وقدره مهب قليل مبلغ محترم استغربت من التعريف والله ماطلعت منهم واقولهم خذوه بس اللي يشتغلون الهنود مش ولابد تعاملهم المشكله اذا بغيت تشتكي تروح لمن اجراءاتهم مهب واضحه انا سويت نفس مايبون وجبت الاوراق اللي يبونها كلها ومن ناحية الفلوس اللي خذوها انا مستغرب جداً جداً جداً اول مره يمر علي كذا بس مثل ماقلت لك اروح لمن ؟

امس الاحد

الله يحيك وانا جداً مبسوط لتواجدي في هذا المنتدى العريق ومن ناحية الاستفزاز انا بأكتب للسفاره اذا طلعت فيزتي ان شاء الله واضم صوتي لصوتك.

هل اخذ منكم الابلكيشن كامل او اخذ الورقة الاولى فقط؟
انا كنت مدبس الابلكيشن كامل سحب اول ورقة من كل ابلكيشن ورجع الباقي لنا.. قلت ليه ماتاخذها كلها؟ قال مايحتاج موجودة في النظام وشفت اللي بالكاونتر اللي جنبي نفس الشي.

طيب اش فايدة التوقيع باخر صفحتين اذا ماراح ياخذ الابلكيشن كامل..؟!!!
صراحة شي غريب..
ما ادري هل المسألة خاضعة لمزاج الموظف..؟ ام هي تعليمات جديدة..؟

الابلكيشن ابو 7 اوراق اللي طبعناها خذاها كله وووقعت فيه ثم خذى جوازي وقال عطني كشف الحساب وسكت ثم قلت له تبي التذاكر قال عطني اياها وقلت له ورقة التعريف فيه براتب وفيه بدون قال مايحتاج قلت اكيد قال ايه هذا اللي خذاه بس مع اني جايب كل المتطلبات

انا اليوم كان موعدي
الاجراءات سهله وسريعة الزحمة بدأت على الساعة 11 بعد ماطلعت بس كان كل شيء سريع
متى تتوقعون تطلع سفرتي قريبة في 1 اغسطس
واخذت اجراء عادي ماهو مستعجل