|
ماهي إجراءات مركز التأشيرات الموحد؟ ليت أحد الإخوان - جزاكم الله خيرا _ يصف لنا ماهي إجراءات مركز التأشيرات الموحد للفيزا البريطانية .مالمطلوب ؟ وهل نراجعهم قبل الموعد بيوم ايستعرضوا أوراقنا ويتأكدوا من اكتمالها . موعدنا الأحد القادم . وفقكم الله . |
لا مايحتاج تراجعهم فقط خذ معك النموذج كامل + كشف الحساب + تعريف راتب و برنت الموعد اول ماتعدي الامن تتوجه للاستقبال يشوف موعدك و يعطيك رقم واذا جاء رقمك تقدم الاوراق ثم يحولك للتصوير و التبصيم ويعطيك وصل استلام عشان تراجع فيه هذا كل مافي الامر |
اقتباس:
تجيهم قبل موعدك بربع ساعة على الاقل ما يحتاج تروح لهم اليوم اللي قبل لأنهم ماراح يستقبلونك اصلاً وتكون مجهز اوراقك ووثائقك بحسب التأشيرة اللي انت طالبها اذا هي سياحية فالمطلوب: جوازاتكم طبعاً ويكون تاريخ صلاحيتها باقي فيه 6 شهور على الاقل من تاريخ العودة. الابلكيشن اللي عبيته اون لاين تطبعها كلها (لكل واحد ابلكيشن خاص فيه). ورقة الموعد لكل الاشخاص (كل شخص له ورقة موعد خاصة فيه). كشف الحساب البنكي اللي ينزل فيه راتبك ل 6 اشهر باللغة الإنجليزية ويكون اسمك فيه مطابق لاسمك في جواز السفر ويكون مطبوع على اوراق البنك الرسمية وجديد. تعريف بالراتب من العمل باللغة الإنجليزية للمتكفل بالرحلة (اللي هو انت اذا انت الاب واللي معك افراد اسرتك) ويكون حديث وموضح فيه اسمك كما هو في جواز السفر وراتبك ويكون مطابق للي ينزل بحسابك البنكي ومسمى وظيفتك وتاريخ التحاقك بالعمل وانك ما زلت على راس العمل. هذي هي الاساسيات المطلوبة فقط.. واذا تبي ترفق معها اوراق او وثائق لدعم طلبك فهذي اختيارية.. ان ارفقتها كويس وان لم ترفقها فهي غير مطلوبة مثل حجوزات الطيران.. السكن..صور التأشيرات السابقة ان وجدت مثل التأشيرات البريطانية او الشنقن او الامريكية او غيرها هذي هي طلباتهم بحسب علمي واذا فيه حاجة ثانية فالاخوان ماراح يقصرون وبالاخص الاخ اخر فرصة والله يسهل امرك |
ماشاء الله عليكم أخوي الكريمين ( آخر فرصة ) و( وقت مستقطع) : أجابات شافية ووافية , الله لايحرمكم الأجر . معنى هذا , سألغي موعدي الأحد القادم وآخذ موعد جديد للجميع بعد تعبئة طلب (أبلكيشن) عن كل واحد من أسرتي . |
طيب - الله يرضى عليكم - حنا دفعنا الآن بالفيزا 133 دولار , يعني باقي أيضا ندفع 133 دولار * 5 يعني المجموع : 798دولار . طيب : هل سندفع مبالغ أخرى يوم المقابلة ؟ جزاكم الله خيرا ياأحباب . |
اقتباس:
واذا طلبتوا خدمة وصول الجواز عن طريق ارامكس راح تدفعوا 70 ريال أعتقد. |
الله بجزاكم خير ارجو الرد سريعا هل جرب احد يعبي النموذج الجديد لاني بديت اعلي وماظهر في الصفحة التعبئة عن شخص اخر ارجوكم افيدوني Sent from my iPhone using Tapatalk |
*بديت اعبي Sent from my iPhone using Tapatalk |
اقتباس:
تقريباً نفس الموجود عبيته كامل مع الشرح و راح انزله قريب ان شاء الله |
اقتباس:
ماتدفع شي غير 10 ريال قيمة رسالة واحدة يعني اطلب خدمة الرسائل على جوازك فقط ( 10 ريال ) و اذا وصل يعني وصلت معاه البقية |
| الساعة الآن 01:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO