استفسار ..
 

السلام عليكم ورحمة الله وبركاته ..
قبل اسبوع عملت الابلكيشن لي ولاهلي وعددنا 5 اشخاص وحددنا موعد للتبصيم بيكون بعد 4 ايام ان شاء الله
في الابلكيشن حطيت تاريخ السفر 23 اوقست للجميع وفعلياً نية السفر كانت بهالتاريخ
لكن اكتشفت بعدين اننا ماراح نقدر نسافر بهالتاريخ وحددناها على 7 سبتمبر وحجزنا خطوط الطيران
السؤال : ايش الافضل اجيب معي صورة من الحجوزات كدعم لي ولا ممكن تكون ضدي بسبب اختلاف التواريخ بينها وبين اللي كتبته بالابلكيشن ؟

ثاني شيء مثل ماذكرت عددنا 5 اشخاص 3 كبار و2 صغار
طالبين كشف حساب ابوي عنده حساب اللي ينزل فيه راتبه وراتبه جيد ولله الحمد 20 الف تقريباً ينزل له شهرياً
هل يحتاج رصيد كبير ولا الغرض منه بس انه يعرفون اذا الحساب نشط او لا ؟

ممكن تعدل تاريخ السفر عندهم هناك تبلغها وتكتب التاريخ بتخليك توقع عنده
اللي اعرفه اهم شيء حركة الحساب والراتب ينزل عليه

انا اشوف ان الحجوزات مالها داعي ماعمري ارفقتها
4 مرات افيز ولا عمرهم عقدوها

أهم شي كشف الحساب والتعريف بالراتب وصور للأبلكيشن وبلعاده ماياخذون الا اول صفحه بس
حتى كشف الحساب مرات يكون حسابي فاضي

كشف الحساب اخر 6 شهور + تعريف من العمل " مو شرط تعريف بالراتب ، لو تجيب بس تعريف انك موظف في الجهة الفلانية يمشي ، وعن تجربة هذا الكلام "

وبالنسبة لكشف الحساب ، اهم شئ يكون نشط..

واما حجوزات الطيران لا ترفقها ولا شئ ، مو مهمه ، والتاريخ الي حاطه من اول لا تعدله واتوكل على الله

وبالتوفيق لكم ،

يعني تشوفون من الافضل اني ماحط الحجوزات
بتوكل على الله واسمع كلامكم
والله يعجل بها

ايوه عادي .. مو ضروري التذاكر ترفقينها
وبعض المرات حتى لو عطيتيهم .. ما يستلمونها منك

انا اكتشفت انهم على المزاج الموظفين الاخوان هنا يقولون لازم تعريف بالعمل والى اخره انا جبت هذا كله معي وش قالي الموظف ؟ هات كشف حساب وهات تذاكر الطيران !! قلت بس ؟ قال ايه قلت طيب والاوراق الباقيه تعريف بالعمل والراتب قالي مايحتاج توني اليوم استلمت جوازي فيه الفيزا جهزي احتياطاتك لكل شيء جيب معك كل الاوراق وقولي له وش تحتاج على فكره زميل لي بنفس يوم تقديمي اخذ منه كل الاوراق اللي قلتوها + تذاكر الطيران حبيت افيدك بس

باخذ كل الاوراق واللي يطلبونه اعطيهم اياه
مابتفلسف وارفق التذاكر
مع اني قلت ممكن تدعمني لكن بديت اخاف تكون ضدي

ماعندي حجز فندق بس تذاكر 😧
بأي مدينة قدمتي ؟