كيف إجراءات فيزا الترانزيت ؟
 

السلام عليكم

احتمال أحتاج إلى فيزا عبور ( ترانزيت) لأني حاجز على الخطوط البريطانية في رحلتي إلى ميلان و بيكون فيه تبديل للطائرة في مطار هيثرو.

و عندي كم سؤال ,, إن شاء الله ألقى أجوبتها :

1 - كيف إجراءات فيزا الترانزيت لو بطلعها من مكتبهم في الرياض و كم يوم تاخذ علشان أستلمها ؟

2 - كانت عندي فيزا بريطانية سابقة و لما جيت أطلعها أخذو البيانات الحيوية ( البصمة ) , فهل أحتاج أروح أبصم من جديد ؟

يعطيكم العافية

نفس اجراءات الفيزا السياحيه بس سعرها اقل تقريبا ٣٥٠ ريال ..

حياك الله يبو غسان

نعم اشتريت التذاكر على الخطوط البريطانية و علشان كذا فيه ترانزيت في مطار هيثرو ,,,, للأسف ما انتبهت لاحتمالية احتياجي لفيزا إلا بعد عملية الشراء و التذاكر غير قابلة للاسترجاع ,,,

أنا الحين لسى أنتظر الجوازات من سفارة النمسا و بعدها راح أقدم على الفيزا البريطانية ( لو كانت إلزامية) و إن شاء الله يمديني لأن السفرة 2 سبتمبر ,,,

فهل أحتاج أرجع أبصم عندهم من جديد مع العلم إني طلعت فيزا بريطانية من قبل و أخذو البيانات الحيوية ؟

الترانزيت في نفس المطار ؟
اذا في نفس المطار لا داعي

هذا اللي أنا أعرفه ,,, لكن حصل تغيير في الأنظمة سنة 2014 و صارو يقسمون مسافرين الترانزيت إلى

Airside transit و Landside transit

بعض الجنسيات تحتاج فيزا مهما كان نوع الترانزيت ,,,, و بعضها تحتاج لو كان Landside transit فقط

الاختلاف بين النوعين يعتمد على مرور الشخص من Border control نقطة إدارة الحدود ( يعني حتى لو كان الشخص في داخل المطار و لا بيطلع منه ,, يعتبر دخل الأراضي البريطانية) ,,, و هذا اللي ملخبطني في الموضوع ,, أنا مني عارف هل أحتاج أمر على هذي النقاط و لا ما يحتاج ,,, بحكم إن الشنط الصغيرة بتكون معي أثناء فترة الترانزيت اللي هي 3 ساعات ,,,

للأسف راسلتهم على موقعهم الرسمي ,, لكن الجواب يرجعني على اللي مكتوب في الموقع يعني مافادوني بشي ,,, لأني لو عرفت الجواب من الموقع ماكنت راح أسألهم أصلا ,,,

عفوا ماهي الجنسية

سعودي

هو يعتمد انت راح تواصل سفر على نفس الخطوط يعني ماتحتاج تغير خطوط و تيرمنالز ؟

راح تستخدم اي خطوط من والى لندن و من لندن الى وجهتك الاخيرة
عشان نعرف راح تغير ترمنال او لا

و هذا الموقع رسمي ممكن تتاكد منه
https://www.gov.uk/check-uk-visa

https://www.gov.uk/government/world-...-via-the-uk.ar

هذا رابط من وزارة الخارجية البريطانية فيما يخص فيزا الترانزيت


اخوي اذا انت تبديلك للطيارة من نفس مطار هيثرو يعني ماتحتاج تمر على موظفين الجوازات فماا اتوقع انه فيه داعي للفيزا لانك راح تكون داخل حدود التيرمنال اما اذا كانت الرحلة من مطار ثاني فعندك مشكلة لازم تسوي الفيزا لانك بمجرد ماتمر من موظفين الجوازات انت دخلت حدود بريطانيا حتى لو انك بالمطار بس. نظام بريطانيا ممكن مختلف شوي لو تقرا الرابط بدقة راح تعرف انك تحتاج او لا وشكرا

يعطيكم العافية إخواني ,,,

تفاصيل رحلتي كالتالي : الرحلة كلها على الخطوط البريطانية

يوم 2 سبتمبر : مغادرة من الرياض الساعة 00:30 إلى هيثرو تيرمنال 5 الساعة 5:35

في نفس اليوم: مغادرة من هيثرو تيرمنال 5 الساعة : 7:50 إلى ميلان 10:45

بالنسبة للإخوان اللي حطو الروابط ,,, أنا قريت موقعهم لكن لسى ماقدرت أحدد ( هل راح أمر على Border control و لا لا ؟) و منها راح يتحدد هل أحتاج فيزا ترانزيت أو مايحتاج

ممتاز ،، معناته ما يحتاج فيزا ،،،
بيض الله وجهك يبو غسان و ما قصرت

و لبقية الإخوان اللي تفاعلوا مع السؤال ،، الله يعطيكم العافية و ما قصرتوا

ماقصر ابو غسان على الشرح الوافي
دامك على البرتش و في تيرمنال 5 مابتحتاج

اخوي اخر فرصه انا وضعي زي وضع اخونا ممكن تشوفلي وضع رحلتي
Departing Flight 21-6-2017
BA0262 RHU to London
BA1504 London to Dallas
BA6749 Dallas to Kansas

Return flight 2-8-2017
BA5152 Kasnas to chicago
BA0296 Chicago to london
BA0263 London to RHU

تتسهل

دامك بمطار هيثرو مافي مشاكل
اما اذا عند رحلة من مطار اخر مثل قاتويك او لندن سيتي او غيره
هني معناته انك راح تغادر المطار و هني الفيزا ضرورية

اما وضعك الان سليم