|
تجربتي مع ...فيزا بريطانيا UK في البدايه وقبل كل شي احب اشكر اخوي اخر فرصه ماقصر ابد الله يعطيه الصحه والعافيه :e510::e510::e510: الكثير يتخوف وانا اولهم عن الفيزا وصعوبتها ومتطلباتها .. والله احيانا افكر اغير وجه السفر عشان ما انحاس في الفيزا ان شاء الله بقولكم تجربتي ببساطه يمكن تغير فكر بعض الاشخاص او حتى افيد حتى ولو شخص واحد زي ما انا استفدت منكم . :e510::e510::e510: في البدايه احنا عددنا 7 اشخاص ( ماشاء الله ) في منا طفله وطالبين وعاطله ومتقاعده وموظفين ((( اتوقع كذا ختمت جميع الاحتمالات للفيزه :32: )) طيب الحين كيف بديت وانا ماعرف شي 1- دخلت على المنتدى وقريت كثير من المواضيع عن التقديم اخر فرصه ماقصر كل شي مكتوب هنا ويرد على كل استفسار 2- بديت اجهز الاوراق المطلوبه: المتقاعد: الوالده الله يحفضاها متقاعده طبعت من مؤسسه التقاعد من النت تعريفها الصوره معتمد ( ملونه ) وكشف راتب الي ينزل رابها التقاعدي 6 اشهر مختوم من البنك يالانجليزي وصوره من الجواز مع الاصل. الموظف: نفس السابق الفرق التعريف اصل ومصدق من الغرفه التجاريه اذا شركه طبعا كلهم بالانجليزي ( بالنسبه لي كشف حسابي رايح وطي :11:كذا صورت بطاقه الفيزه ) العاطلين والطلاب والاطفال: لازم نرفق معهم صوره من تعريف ولي امرهم اللي بسافر و بيتكفل بالمصاريف وصوره من كشف حسابه بالنسبه لتجربتي حتى الطلاب بالجامعه ماجبت لهم اي تعريف او اثبات يمكن كانت مغامره مني . 3- تعبئه الابلكيشن والدفع والحجز دخلت على المنتدى ومشيت على كل خطوه من اخوي اخر فرصه وكل واحد عبيتله طلب منفصل وبديت احجز المواعيد ودفعت المبلغ اتذكر 430 ريال وكنت اعرف لازم يكون حجزنا في نفس اليوم كلنا 7 فيزه عائليه لكن واجهتني مشكله انو 2 من اخواني يوم عبيتلهم الطلب تقفل الحجز وحجزتلهم في اليوم الثاني.. 4- رحت لمركز التاشيرات الموحده في الرياض موعدي كان 12 ونص جيتهم قبل الموعد بص ساعه ماكان زحمه ابد كل شي تمام اتام المشكله الي واجهتني اخواني الاثنين موعدهم في اليوم الثاني حاولت اتفاهم معاهم رفضو جميع الحلاول الا انهم يخلون اخواني في اي بي وادفعه لكل واحد 400 وشوي مجبر اخاك لا بطل بس في كلمه قالها لي موظف سعودي قالي كان خليت اخوانك الاثنن حجزهم عادي مدام مافيه عائلي بتدخل بدون اي زياده الحمد الله على كل شي رتبت الاوراق بحيث جل جواز بداخله جميع اوراقه عشان مايكون فيه لخبطه او انسى اي ورقه واستلم مني جميع الاوراق الا الشيك لست رجعها ولا طلب اي توقيع من اي شخص وحتى الصور الشخصيه غير مطلوبه بعدها للتصوير والتبصيم كل شخص يدخل بالاسم يصور ويبصم . ومسموح في التصوير بالحجاب وخلصنا كلنا ممكن في نص ساعه . 5- استلام الجواز جتني رساله على الجوال ان الجوازات رجعت للمركز وتقدر تاخذها رحت بالايصال اللي معاي للمركز اخذ الجوازات الموضوع كله مايتجاوز 10 دقائق والجوازات معاي ماشاء الله والحمد الله ما اخذو الا 3 ايام عمل وانتهى كل شي لله الحمد والشكر :e510::e510::e510: في الختام ودي اقول بعض النقاط عن المركز # التاشيرات الموحده يبي يكسب منك باي طريقه كانت : مثل موقفي اللي صار والمركز فاضي جدا رسائل الجوال لا تشترك الا لشخص واحد فقط ليه تدفع لكل شخص قيمه الرسائل وعلى فكره يرسلولك ايميل اذا ماتبي يجيك على الجوال ثاني شي جب اوراقك مصوره كامله لن كل صوره بريال كانو يقولون لي الوقت عشان يخلص الجوازات 25 يوم تبي مستعجل ادفع فوق 1000 لكل واحد وجميع جوازاتنا طلعت في 3 ايام عمل . ولكم كل الشكر واسف طولت:69: |
ماشاء الله الف مبروك وعليكم بالعافية وسفره موقفه بإذن الله وعقبالنا إن شاءالله أنا أمس قدمت 5 جوازات لمكتب التأشيرات بالخبر وإن شاءالله ماتتأخر ياااااارب |
اقتباس:
|
تستاهل يا فيصل و الف مبروك على الفيزا تفاصيل دقيقة و نقاط مهمة لكل متقدم و فعلاً غطيت كثير من الحالات وهذا يوضح سهولة التقديم و عدم وجود أي صعوبة على الاطلاق شكراً لعرض تجربتك لكي يستفيد الجميع الله يحفظك |
بالبركة يا فيصل وان شاءالله تتسهل سفرتكم مثل ما تسهلت الفيزا |
أولا أشكرك علي ذكر تجربتك حقيقه ورحله موفقه بإذن الله 3 أيام عمل شي طيب ما فيه موسم ليش يبون يخلونك مستعجل استغلال المكاتب اللي تخلص الفيزا مشكلتها تكبر الأمور علي الناس ويصدقونهم |
اقتباس:
:7: |
اقتباس:
متخوف عددنا كثير ماشاء الله شكرا لك استاذي |
اقتباس:
تخيل قبل ما ادخل منتداكم فكرت اروح مكتب يسويها لي وافتك من وجع الراس دلني احد الزملاء عن مكتب سياحي يتعامل معاهم المهم رحت اسالهم الفيزه بكم يخلصونها ويجهزونها ويعطوني الموعد قالي 750 تعبهم +500رسوم=1250ريال للجواز الواحد :8: يعني 7 اشخاص8750 بس فيزا المشكله بس بيعبي الابلكيشن وكل شي انا بجيبه وبروح للموعد يعني نصب واااضح مواضيعكم في المنتدى بجد اغنتني عنهم وسهلتلي كثير شكرا لك |
يا أخي مشكله البعض لا يبحث عن المعلومه..احد الأقارب راح باريس مع عائلته وسألته وين حجزت قال فندق الفلاني لما بحثت عنه كان بمنطقه سيئه قلت هذا قريب كذا وكذا مره ما يصلح قالي نصحني فيه اللي بالمكتب طبعا اللي نصحه ما عمره طلع من بلده الا السعوديه كيف يعرف فرنسا .. لا تسلم رقبتك لهم إلا آخر العلاج |
| الساعة الآن 08:24 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO