شبكة و منتديات العرب المسافرون - VISA UK

السلام عليكم..

بدايةً كل الشكر لكم جميعاً، كل اضافة سواءً بتجربة او استفسار او ادلاء بمعلومة كانت مفيدة
من واجبي اكتب تجربتي ب اصدار الڤيزا البريطانية اضافةً على تجارب الاخوان ..

تم تعبئة ابلكيشن الفيزا والدفع بتاريخ ٢٣ جون تقريباً وحجزت موعد بتاريخ ٢٢ جولاي "موعد عادي"
كان وقتها عندي سفره بتاريخ ١٠ جولاي وماحبيت اخاطر واخذ موعد قبل السفره

حجزت موعد الفيزا وحجزت التذاكر بتاريخ ١٠ اوغست

رحت الموعد ٢٢ جولاي الساعه ٩ تقريباً انتظرت ٣٥ د او اكثر بسبب لخبطة الموظف اللي اعطاني الرقم
بالغلط سحب لي بصالة السنقل ورجعت الموظفه الله يسعدها جابت لي رقم غيره

جاء دوري رحت للموظفه طبعاً كان معاي كل مايخطر على البال من اوراق :D

- الابلكيشن
- ايصال الدفع
- صورة الجواز الصفحه الاولى وصفحة التوقيع
- برنت للتذاكر
- صورة جواز زوجي وصفحة التوقيع + خطاب تكفل + تعريف من العمل + كشف حساب "اعرف ماكانت هالاشياء مطلوبه بس الزياده ولا النقصان :D"

طلبت الموظفة كللللل الأوراق اللي معاي .. قالت برفقها مع الطلب أفضل لك

خلصت من عندها وجلست انتظر دوري للتبصيم والصوره ماطولت دقيقتين وجاء دوري خلصت ومشيت،
على الساعه ٥:٤٠ وصلني مسج ان الجواز طلع للسفاره

تاريخ 31 جولاي وصلني ايميل من السفاره فيما محتواه
"you that your UK visa application is now being prepared for assessment by an Entry Clearance Officer."

بعدها ماوصلني ولا شيء وبديت اقلق :D

٧ اوغست الساعه ٤ العصر وصلني مسج ان جوازي وصل المكتب الموحد :e142:

٨ اوغست رحت على الساعه ١٢ واستلمت جوازي الحمدلله :e022:

حصلت الفيزا تم اصدارها بتاريخ ٥ اوغست..
كان فيه شخص جاي يستلم جوازاتهم وامس واصله المسج وشكلهم ماحصلوا جوازاتهم "يارب يكونون حصلوها واستلموها :D"

نصيحه تواصلوا مع احد يشوف لكم وضع جوازاتكم اذا طولوا عليكم

وبس .. شكرا لكم جميعاً