|
تجربتي في إصدار الفيزا البريطانية بالتفصيل الممل السلام عليكم و رحمة الله و بركاته اليوم راح أشارككم تجربتي في إصدار الفيزا البريطانية:e510: قبل كل شي في أغسطس الماضي قررت أزور بريطانيا لأول مرة بهدف السياحة ومن شدة الحماس حجزت التذاكر بدون ما أفكر في الفيزا أبدا بعد ما حجزت التذاكر تذكرت الفيزا و حكايتها< بدري :16: المهم بدأت أبحث في الموضوع و ما أخفيكم المنتدى هنا فادني كثير فتحت الرابط و بدأت التقديم و للأسف واجهتني مشكلة انه يعلق عند الدفع فتحت الرابط القديم و للأسف انه كان يرجع يفتح لي الموقع الجديد مدري وش المشكلة طبعا هذا كله كان ياخذ من وقتي توجهت لأقرب مكتب سياحي و الحمدلله تم التقديم و أخذ 100 على كل جواز و كان موعد التبصيم بتاريخ 4/سبتمبر قبل الموعد جهزت الجوازات (سعودية) + ورقة التقديم+ بيان بالراتب+ حجز الطيران يوم الموعد 4/سبتمبر الموعد كان الساعة 10 صباحًا في مكتب الاعتماد بجدة وصلت عندهم قبل الموعد بربع ساعة 9:45 تأكدوا من الموعد و علطول دخلنا طبعا فيه مسارين للتفتيش عند المدخل (مسار نساء و مسار رجال) يطابقو الجواز مع الصورة و يطلبو ان الجوالات تكون عالصامت بعدها من الكاونتر أعطونا رقم (عددنا 4 أشخاص) انتظرنا بصالة الانتظار من 5-10 دقايق تقريبا نادونا و أخذو الجوازات و ورقة الموعد فقطططط (لم يطلبو أي شي إضافي) و أخذو مبلغ الرسايل كان شي و أربعين و أفادنا ان استلام الجوازات بعد 10-15 يوم بعدها طلبو منا الانتظار عشان يعبي البيانات و رجعو نادونا بعد وضع الجوازات في مظروف مغلق و أخذنا رقم للتبصيم انتظرنا لأنه كان فيه عدد لابأس به من الناس بس مو زحمة و بعدها نادونا لغرفة التبصيم و التصوير (كل شخص لحال) و فيه حركة ضحكتني و هي انه طلبو منا في غرفة التبصيم اننا توقف بوسط الغرفة و ويتم تصويرك و انت تقول اسمك و تاريخ ميلادك هههههههه الحمدلله تمت الأمور على خير خرجنا من الموعد و كنا ننتظر الرسايل و مر يوم و يومين و ثلاثة و أسبوع و لاحس و لاخبر لم تصلنا أي رسالة لا بالإيميل و لا بالجوال هنا بدأنا نقلق خصوصا ان موعد رحلتنا قرررب استلام الجوازات اليوم العاشر بتاريخ 13 سبتمبر اتوجهنا للمكتب طبعا كالعادة لازم يتم التفتيش عند البوابة و بعدها أخذنا رقم للاستلام انتظرنا و خلال هذي الفترة كان فيه كذا شخص ينتظر و عندهم نفس المشكلة وهي عدم وصول الرسايل :e333: المهم نادو رقمنا سلمنا الإيصالات للموظف و اتأكد من الجهاز ان الجوازات وصلت طلب إثباتاتنا و هنا معلومة مهمة هي اننا شخصين رحنا نستلم و المفترض الأشخاص البقية يكون عندنا تفويض خطي منهم أو انهم يستلمو بإثباتاتهم و لكن في حالتنا سجل الأسرة أنقذ الموقف الحمدلله الحمدلله استلمنا الجواز و تم التوقيع بالاستلام :58: انطباعي عن التجربة -الإجراءات تعتبر أسهل و أقل تعقيدا من الفيزا الأمريكية - رسوم الفيزا مرتفعة مقارنة بالأمريكية الأمريكية بنفس المبلغ تصدر فيزا خمس سنوات اما البريطانية 6 أشهر فقط! - خدمة التواصل و الرسائل عندهم سييييئة جدا و أكثر من شخص عانى نفس المشكلة :59: الخلاصة موعد عادي بمكتب الاعتماد بجدة يوم التبصيم الثلاثاء 4-9-2018 تاريخ إصدار الفيزا 9-9-2018 يوم الاستلام الخميس 13-9-2018 عدد الأيام: 10 أيام و سلامتكم |
عليكم السلام مبروووووووووووك الفيزا و شكراً لك على ذكر تجربتك ونتمنى رحلة جميلة وسعيدة |
مبروك والله يسهل دربكم المشكله عدم ارسال الرسايل حصلت معي |
ما فهمت هل تقصد انك رحت وحصلت جوازك موجود وجاهز بدون ما يوصلك اي رساله او ايميل ؟ |
1000 مبروك تستاهل شكرا على ذكر تجربتك للفائدة ونتمنى لك رحلة سعيدة :e306::e306: |
نفس المشكلة ماوصلني منهم اي مسج مدري ليه سالفه ادفع للرسائل |
اقتباس:
|
اقتباس:
يحجونك انه وصلك رساله ايميل... قلت لهم انا دافع sms مو ايميل قالوا زي بعض مدري وش هالنظام |
اقتباس:
تعبئه النموذج سهله انصحك تجرب |
يعطيك العافية على النقل وسفرة موفقة يارب بخصوص مدة الفيزا الظاهر انت تحدد تبي ٦ شهور او سنتين او خمس الخ يمكن المكتب قدملك على ٦ شهور |
| الساعة الآن 05:33 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO