ترانزيت مطار هيثرو
 

سلااام

انا مبتعثه بروح امريكا ومعي فيزا امريكا

وبمر من مطار هيثرو

رحله ترانزيت

ومكتب المسافر قال اني ممكن احتاج فيزا بريطانيه

وايضا راح استلم الامتعه واقص بوردنق جديد ع مطار شيكاغو بامريكا
بمطار هيثرو راح استلم الامتعه وارجع اشحنها بالمطار:
مدة الترانزيت 8 ساعات بالمطار

هل احتاج اسوي فيزا بريطانيه
او فيزا عبور
انا سعوديه ف الي عنده علم يفيدني وشكرا

اي عندي ارقام الرحلات

بريطانيا تسمح للسعوديين اللي عندهم فيزا أمريكا ورايحين الى أمريكا بدخول بريطانيا بدون فيزا لحد منتصف الليل ثاني يوم بعد الوصول فالمفروض ما تحتاجي فيزا بريطانيا اذا رحتي الحدود البريطانية ووريتيهم تذكرة شيكاغو والفيزا الامريكية والI-20 وقلتي لهم إنه بتاخذي الشنط وتحطيها مرة ثانية. هنا شرح القوانين في هذا الرابط:

https://www.gov.uk/guidance/immigrat...ut-visa-scheme

لكن اذا تبغي تتطمني أفضل طبعًا انه تطلعي اعفاء الفيزا الالكتروني EVW ومع انه القانون اللي فوق موجود للترانزيت بدون فيزا وضباط الهجرة في بريطانيا يعرفوه، موظفي شركة الطيران يمكن ما يعرفوه ويمكن ما تطلع عندهم المعلومة هذا في اجهزتهم ويمكن في هالحالة ما يخلوك تدخلي الطيارة. فالافضل تطلعي الEVW عشان تضمني وضعك.

هذي المعلومة اللي المفروض تبين لموظفي الطيران:

TWOV (Transit Without Visa):
Nationals of Saudi Arabia transiting through London (LHR) with a confirmed onward ticket for a flight to a third country on the same calendar day. They must stay in the international transit area of the airport and have documents required for the next destination.
Nationals of Saudi Arabia making a landside transit with a confirmed onward ticket for a flight to a third country that departs before 23:59 the next day. They must:
- have a visa issued by Australia, Canada, New Zealand or USA, and
- be traveling to the country that issued the visa, and
- clear immigration, and
- have documents required for the next destination.

سويت فيزا اعفاء احتياط حسيت غباء وانا اسويها لكن نقول ان شاء الله الوضع يتحسن مو معقول كذا ماتقدر نمر من الدول ندفع

نايف
اخر فرصه

شكرا لكم :e303:

هي بس بريطانيا من بين كل الدول الغربية اللي عندها قانون زي هذا يسمح بدخول البلاد بدون فيزا لبعض الجنسيات اللي تتطلب فيزا وهذي المعلومة مو الكل يعرف عنها. يعني لو كنتي مضطرة تسوي كذا في المانيا مثلًا كان لازم اما فيزا شنقن للسياحة او الترانزيت في الحالتين فيها تكلفة بعد.

لكن انتي وحظك بالنسبة لموظفي الطيران نفسهم فكان التصرف كويس إنه قدمتي على الإعفاء لأن لو استقعد لك موظف طيران كان ممكن تتوهقي. وانا اعرف كثير في مواقف مشابهة توهقوا مع الموظفين بالذات في الدول العربية لانهم ما يعرفوا هذي القوانين واما رفضوا يعطوهم بوردنق، او ما سمحوا لهم يدخلوا الا بعد ما طلبوا يكلموا احد مدرائهم عشان يمشوهم.

وان شاء الله يمشي حالك مع السفرة والترانزيت وتوصلي بالسلامة.