|
افزعولي بالاجابه تكفووووووون السﻻم عليكم ورحمة الله اسعد الله اوقاتكم جميعا لدي استفسار بخصوص فيزا البريطانيه عندي اخواني بيروحو لاختي ببريطانيا هم تربعه اثنين يدرسون واثنين مخلصين دراسه وبصراحه مدري وش مطلوب منهم وهل يكفي كشف حساب واحد منهم وابين بالابلكيشن ان البقيه رايحين معاه ووش باقي الطلبات ياليت فيدوني الله يجزاكم الجنه ...... |
رد: افزعولي بالاجابه تكفووووووون اقتباس:
كشف الحساب يكون للي متكف بالمصاريف ويكون يكفي الاربعه فترة جلوسهم هناك هل فيهم احد موظف ؟ عموما البريطانيين يدققون في موضوع الفلوس بقوه ولازم كشف الحساب او راتب المتكفل بهم يقنعهم يغطي تكاليفهم هناك وبلاش تقولون انهم رايحين لاختهم هناك ... والطلبات كامله هنا http://www.arabtrvl.com/vb/t5855.html واي شي موب واضح اي احد عنده خبرهنا موب مقصر ان شاء الله ..والمواضيع الموجوده والاستفسارات فيها اجوبة لكثير من الاسئلة بحكم التكرار |
رد: افزعولي بالاجابه تكفووووووون الله يعافيك وبيض الله وجهك ماقصرت ﻻ والله مافيهم موضف والله انا قلت بقول انهم رايحين لاختهم عشان مايسالون عن تكاليف السكن طيب يعني اعطيهم تعريف الراتب حقي وانا ماراح اروح معهم ؟؟ |
رد: افزعولي بالاجابه تكفووووووون الله يسعدك يا بو عبدالله دوم وافي شوف عزيزي مثل ما ذكر أبو عبدالله الناحية المادية مهمة جداً و لابد ترتب أمورك عشان ما يجي أحدهم رفض لا سمح الله طالما ما فيهم أحد موظف تعمل التالي : 1- تعمل خطاب تكفل بالمصاريف لكل واحد منهم ( موجود بالبوابة ) 2- تعطي كل واحد منهم صورة من كشف حسابك 6 أشهر 3- تعطي صورة من جوازك لكل واحد منهم 4- تعمل حجز طيران ذهاب و عودة مؤكد لكل واحد منهم من الخطوط السعودية و اطبعه بس لاتدفع 5- تعمل حجز سكن مؤكد كل اثنين بغرفة من بوكنق بس قابل للالغاء و ترفق نسخة بملف كل واحد 6- تعريف عمل منك لكل واحد منهم 7- صورة واحدة لكل واحد منهم 8- نسخة حجز الموعد لكل واحد منهم بمعنى كل واحد منهم يجهز له ملف كأنه مقدم لوحده فيه النموذج معبأ بدقة + 8 طلبات فوق و الافضل كل واحد يكتب اسمه على الملف عشان ما يكون فيه لخبطة أو الوان مختلفة طيب يجي واحد يقول حجز الطيران و السكن غير مطلوب ليه ذكرته ؟ أنا احاول أوهمهم انهم رايحين سياحة و زيارة اختهم مجرد جزء من جدولهم لو قلنا بيسكنون معها على طول راح يجي ببالهم هذول ما راح يرجعون و الظروف تساعد بوجود أختهم هذي تراها نقطة مهمة جداً و الكثير ينرفض بسببها فنحاول نشتت تفكيرهم رغم انهم بالنهاية يمكن يسكنون معها لا مشكلة نقطة اخرى مهمة : لابد نثبت لهم أنك قادر على اعالة الاربعة خلال تواجدهم هناك دون الحاجة لأختهم دخلك الشهري لابد يكون عالي أولاً فوق 10 الاف و يدعمه نزول الراتب بكشف الحساب لا حجم الرصيد المتوقع أن كل واحد بحاجة لـ 100 باوند يومياً سكن و مصاريف ضرب 4 = 400 باوند 400 باوند ضرب عدد الايام مثلاً 15 يوم = 6000 باوند تقريباً 35000 ريال تكون بحسابك لتقليل المبلغ ممكن احدد عدد أيام أقل ممكن 10 أيام لأنهم بكل الاحوال راح يعطوني فيزا 6 شهور و هذا أفضل و انا أجلس المدة اللي ابغاها حتى لو شهر ما يفرق الهدف من الشرح فوق أنهم يدققون على الناحية المالية كثير فأنت أحسبها صح قبلهم و خلك جاهز لهم الله يوفقهم |
رد: افزعولي بالاجابه تكفووووووون اذا حضر الماء بطل التيمم (اذا غبرنا اصلا :(38): ماعقب ابو غسان راي ...توكل على الله وامش على رأيه |
رد: افزعولي بالاجابه تكفووووووون أخر فرصه. ... قل امين الله يجزاك الجنه ويرحم والديك ويعلي شأنك بالدنيا وبالاخره ووالديك عز الله انك ماقصر ووفيت وكفيت وعلمك هو الي بسويه وباذن الله يتم وراح ارسل تفاصيل اذا تم بالمنتدى. ..... شاكر ومقدر لك من اجتهد معي |
رد: افزعولي بالاجابه تكفووووووون عفوًا ع السؤال ولكن أتمنى المساعدة بما إنه سؤالي قريب من الموضوع أنا حدرس عندهم لغة مدة 8 شهور ، والوالد هو المتكلف بالمصاريف ، فكم لازم يكون بحسابه ؟ علمًا انو 2 من أخواني حيسافرون معايه لمدة شهر سياحة وهو المتكلف بمصاريفهم أيضًا |
رد: افزعولي بالاجابه تكفووووووون اقتباس:
|
رد: افزعولي بالاجابه تكفووووووون اقتباس:
|
رد: افزعولي بالاجابه تكفووووووون اقتباس:
|
| الساعة الآن 04:46 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO