|
التأخير في الفيزا الأستراليه السلام عليكم و رحمة الله كما هوه واضح في العنوان قدمت للفيزه الأستراليه وتأخرت في تاريخ 5 مايو قدمت للفيزا ومليت الفورمه ، والف شكر للأخ العزيز بو غسان على موضوعه الي ساعد الكثير من الآعضاء في المنتدى حق استخراج الفيزا انه قدمت للفيزا لحالي و زوجتي لحالها يعني كل واحد طلبه بروحه، وذكرت في الفورمه انه اهيه معاي ، ونفس الشي اهيه في الفورمه مالتها ذكرت اني معاها. في تاريخ 10 مايو انه واهيه استلمنه ايميل منهم مطلوب افادات و رساله من العمل وكشف حساب من البنك وهذي الأمور كلها، الأيميل الي ارسلوه لي و لها نفسه بس مجرد اختلاف اسامي الأشخاص الي يباشرون الموضوع. و مذكور في الأيميل بأنه يفضل التواصل بخصوص طلبات الفيزا بالأيميل. وايضا مذكور انه لازم يستلمون اللأشياء مني خلال 28 يوم من تاريخ ارسالهم الأيميل. انه صار عندي تأخير من جهة العمل لي حين ما اصدرو الرساله الي طلبوها و في تاريخ 27 مايو ارسلنا لهم كل المستندات. اي يعني بعد 16 يوم من ارسالهم لي الأيميل. ودخلت على حسابي وكان في زر information provided وضغطت عليه، قلت انه ارسلت لهم الأيميل والطلبات الي يبغونها واحين اضغط هذي الزر حق كتنبيه بأني ارسلت لهم الطلبات، و تغيرت حالة الطلب الى Assessment in progress v v v http://i689.photobucket.com/albums/v...psjuskzcro.png ولكن بعد فتره اكتشفت اني لازم اضغط عليه اذا حملت الطلبات من الحساب نفسه !! واحتاريت ، اقول احين هم في الأيميل مكتوب تواصل معانه بالأيميل و هنا فيه مكان مخصص حق ارسال الطلبات !!! المهم اول ما ارسلت لهم الطلبات على ايميلهم على طول وصلني ايميل اوتوماتيكي منهم Auto reply ، مذكور انهم يردون على الأيميلات خلال 20 يوم، وبكره بصير (20 يوم عمل) :20: طبعا هذي الخطوات بالضبط انه و زوجتي سوينيها نفس الشي محتار و الموضوع طول معانه وباقي شهر و كم يوم على الرحله اليوم اكتشفت انه في مكتب للـتأشيرات الأستراليه عندنه متردد هل آخذ موعد او هل احمل الطلبات عن طريق الحساب او اصبر اكثر ! قلت بصبر بالكثير شهر من تاريخ ارسال الطلبات كحد اقصى والعذر و السموحه على الإطاله عارف انه اسألة التأشيره الأستراليه كثيره في المنتدى بس بديت اتخوف من الموضوع وقلت اخذ رايكم |
اتوقع فيه وقت كافي لإصدار الفيزا قبل موعد رحلتكم لأن كاتبين بموقعهم أن ادنى حد يوم لاصدارها و أقصى حد شهر و لسه ما كملتون شهر يعني فيه مجال لاستلامها قبل الموعد أجل وش نقول احنا تونا مقدمين على الفيزا لعيالنا من يومين و رحلتنا يوم العيد يعني باقي اسبوعين! زوجي على طول طلعت فيزته و أنا ما طلعت و أولادي طبعا بعد ما طلعت لأن مثل قريت هنا بالمنتدى أن تكوا فيزة الاطفال فالله يستر كان ما تروح علينا الرحلة!! |
الله يحييك يا علي يبدو لي والله أعلم أنك تأخرت بارسال الاوراق لكن من عندهم بالكثير اسبوعين و بالنسبة للي ما معهم أطفال الموافقة فورية الآن لاتحمل الطلبات ارسلها على ايميل الهيلب ديسك evisa.visitors.helpdesk@border.gov.au و تأكد أن الحالة تتغير و تفيد انهم استلموا الاوراق طبعاً ارسل لك ايميل و حط فيه رقم مرجعك و ارسل للزوجة ايميل و حط رقم مرجعها و اكتب عنوان الايميل SUPPORTING DOCUMENTS FOR وحط رقم المرجع |
بو غسان بالضبط هذي الي سويته في تاريخ 26 مايو بس اني ماحطيت رقم المرجع... متردد هل اعيد ارسالهم ولكن انتهت فترة ال28 يوم او الغي الطلب واسويه من جديد |
ارسل الايميل للهيلب ديسك خلنا نشوف ردهم واكتب بالايميل " سبق لي ارسال الاوراق بتاريخ 26 مايو " و هذا اعادة ارسال للتأكيد |
بشر ياعلي وش سويت ؟ هل ردوا عليك |
الاستراليين مو معقدين مثل الكنديين يارب سهالات وتطل لك |
قدمت اليوم الطلب عن طريق المكتب VSF global دفعت لهم واخذو بصمات وعطوني رقم التراك قلت لو ارسلت لهم ايميل، يمكن ما يردون مثل مثل اول مره وعلقوني ان شاءالله خير |
الحمدلله اليوم وصلنه ايميل من السفاره الإستراليه في دبي و عطونه الفيزا الف الف شكر لكم جميعا |
اقتباس:
1000 مبروك و رحلة سعيدة يا علي ننتظر منكم تقرير استرالي جديد |
| الساعة الآن 04:08 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO