اسعد الله اوقاتكم بكل خير
كنت اليوم بالسفاره الأثيوبيه بالرياض
بخصوص التأشيره ممكن اي واحد يقدم الجواز والمتطلبات كاالآتي جواز سفر ساري المفعول اقل مده 6 شهور صورتين من الجواز وصورة حجز الطيران وصورتين شخصيه 4×6 خلفيه بيضاء والفيزاء تبداء من اول ماتختم بالجواز
طبعأ انا قلت صورتين للجواز صوره يأخذونها للتأشيره وصوره يأخذها منك مكتب يسوي لك حجز فندق وياخذ منك 100 ريال
انا كنت حاجز عن طريق بوكنج والمده كامله اللي ابجلسها هناك والمبلغ مدفوع وغير مسترد وكنت مرفق صوره لحجز الفندق ورفض الموظف اللي بالمكتب الزجاجي الخارجي ووريته الحجز ببوكنج نفسها والأيميلات بيني وبين الفندق وانه غير مسترد ورفض وعلى فكره ماكنت انا لوحدي بل كل الأجانب الموجودين عندهم واعني العرب سعودي يمني سوداني الى آخره لما احرجته بكل شئ قال عطني صورة الجواز وعطيته واخذ مني الميه ودبسها مع صورة الجواز وقال رح للموظف اللي على الشباك علشان الفيزه وقال ارجع لي وهو ماسوى ولا شئ رحت وخذ الجواز والأوراق وطلب 150 ريال وقال وعطاني كرت برقم قال تعال استلم جوازك الساعه 2 الظهر بكره .
رجعت للي بالمكتب الزجاجي الخاجي قال لي اخذت كرت قلت نعم قال خلاص !!!!!!!!!!!!!!!!!!!!!
كيف خلاص وهو آخذ مني 100 ريال يدعي انه يبي يحجز لي غرفه في فندق هناك لأن حجزي ماهو مقبول بينما اللي على الشباك قبله
اللي فهمته انها حرمنه ونصب عينك عينك وداخل حرم السفاره خوش سفاره حراميه بطريقتهم ولا يعطيك لاوصل لهذه الميه ولا حجز ولاغيره كل ما بالأمر انه يدبس الميه مع صورة الجواز واخر الدوام يتقاسمونها .
لاكن انا ارشح اللي عنده حجز فندق وطيران وصورة الجواز والصور يأخذ الأستماره من المكتب الخارجي الزجاجي ويطلع برى المكتب ويعبي الأستماره وفيه وحده جالسه هناك برى على مكتب يأخذ منها الدباسه ويدبس اوراقه والصور ويسلمها للشباك على طول دون الرجوع للمكتب الزجاجي اللي برى لأنها المسأله حرمنه واموره تبي تمشي حبيت اوضح للأخوه الأنتباه لهذي النقطه لألا يقعو بالفخ اللي وقعنا فيه كل الموجودين .