|
تأشيرة للإمارات مقيم يمني في السعودية السلام عليكم ورحمة الله والدي (مقيم يمني في السعودية) راح يستخرج تأشيرة للإمارت قريبا إن شاء الله وأنا أريد مرافقته (من مواليد السعودية ومقيمة فيها أيضا) لكن سمعت أني لا أستطيع مرافقته وأنه لابد يسافر بالأول وبعدين يستقدمني من هناك!! فهل هذا صحيح؟؟ ..... سؤال آخر مهم جدا .. والدي ناوي يستخرج التأشيرة أون لاين ثم يسافر عن طريق البر .. فهل إجراءاته بهذا الشكل سليمة وراح يُسمح له بالدخول؟ أم لازم يدخل عن طريق الجو؟ وألف شكر لكم |
مع العلم أن والدي مندوب مبيعات وسبق له العمل في الإمارات حوالي 15 عام وأنا طالبة (عمري فوق الثلاثين) |
اذا كفالتك على االوالد للحين فهو يقدم على الفيزا وانتي مرافقة معاه ولازم تسافري معاه ماينفع تسافري لحالك وبخصوص ميناء الدخول فيه خيارات وقت التقديم تحددو فيها ميناء الدخول لكن بالعادة هي عن طريق المطارات بس تاكدو بخصوص البر وشكرا |
مرحبا اختي التقديم اون لاين على هذا الرابط في البدايه تسجيل اكاونت https://www.gdrfa.ae/GCCIND/createVi...ccompany=false وبعدها اختيار اماره أبوظبي والسبب اختيار اماره ابوظبي عشان يطلع لكم خيار المنفذ الحدودي البري الغويفات وبعدها تعبه الطلب عادي وبعدها بتروحين لأرفاق المرفقات - صوره الجواز - الاقامه او البطاقه صالحه لمده 6 شهور - او اي مرفقات شخصيه ممكن تضيفونها لازم تكون صور المرفقات واضحه وقت تحميلها بعد التقديم مباشره تروحون لخيار متابعه الطلب وتحطون تاريخ البحث من و الى يطلع لكم ان الطلب قيد الاجراء وبين فتره وفتره شيكو على الطلب من نفس المكان لان راح يتغير من قيد الاجراء يا مقبول - او رفض - او نواقص ان وجدت نواقص مباشره تروحين لخيار اعاده تحميل المرفقات وتنزلين تحت مكان تحميل المرفقات بتشوفين مكتوب ملاحظات ومن جنب الملاحظات مكتوب النواقص المطلوبه وتعيدين رفعها والنواقص سواء شي مطلوب او مرفق غير واضح وتتابعين الموضوع وهكذا الميزه بالموقع ان كل ربع ساعه او نص ساعه اذا كان في نواقص او تعديل يرسلون مباشره يعني الموقع نشط مايتأخرون خلج متابعه الطلب بشكل مستمر على اساس تخلصون بسرعه بالتوفيق |
| الساعة الآن 07:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO