|
استفسار بخصوص تاشيره لمصر لو سمحتو انا ميمنيه مقيمه بالسعوديه وحابه اسافر مصر (الغردقه والقاهره) سياحه وطبعا بسافر لمدينه ثانيع عشان اطلع تاشيره بس حابه اعرف ايش المطلوب مني |
اهلا وسهلا فيكي المطلوب للسفر الى مصر بالنسبه لليمنين هو فيزة (موافقة امنية) بالنسبه للاطفال اقل من 16 سنه بدون فيزة مباشره يسافروا مع ذويهم وايضا الذكور والاناث بعمر فوق 45 سنه بدون فيزة (موافقة امنية) السفر مباشرة طبعا لابد من التاكد من الاستعلامات بالسفاره المصريه لانه ممكن تتغير الطلبات ... وطبعا العمر بحسب الجواز فقط (لاكن ما اتوقع حاليا اتغير شيء) -------------------------------- الاعمار من 16 الى 45 سواء ذكور او اناث لابد من فيزة (موافقة امنية) بسم الله نبداء :3:......... طريقة تقديم الطلب لفيزة الموافقة الامنية :12: اولا (1) :- المطلوب من شخص مخول (الاب الاخ او اي شخص موثوق به شبه متفرغ:24: .. الخ ) الذهاب للسفارة المصرية بالرياض او القنصلية بجدة ومعاه جميع الجوازات الي اعمارهم بين ( 16-45 سنه )وليس المطلوب حضور جميع الافراد تقديم الطلب من الاستعلامات اخذ استمارات بعدد الجوازات وتعبأتها (يتم اعطاء الاستمارات بحسب الجوازات الاصل الي معاكي ) + صورة لجوازات السفر + صورة للإقامات + 20 ريال لكل جواز #ملاحظة عند تعبئة الاستماره سياحة للقاهرة مافي داعي تكتبي بقية المدن - السكن فندق وافضل تكتبوا لايوجد لكم اقارب حتى اذا موجودين وارقام جوال الاب او العائل داخل السعودية فقط والزيارة لمدة اسبوع بعد التقديم عن طريق الشباك المحدد وتسليم الموظف يتم اعطائك رقم للمراجعه بعد اسبوعين ( في الغالب الموافقة تأخذ من 10 ايام الى 15 يوم بالكثير ) واخذ رقم الجوال او الهاتف للسفاره لمتابعة الطلب ( وإذا انتي بجدة في رقم جوال تتواصلي معاهم برقم الطلب عشان تتأكدي ان الموافقة الامنيه جاهزه ) ثانيا (2) :- الحضور مره ثانية ( التاكد بالاتصال او بعد اسبوعين ) و بعد الموافقة ان شاء الله يتم التأكد من وصول الموافقة الامنية من الموظف وإعطائكم موعد بعد 2-3 ايام لتسليم الجوازات (بحسب الزحمه ) الافضل وانتي خارجه خذي استمارات لتعبأتها وتجهيزها (نفس الاستماره السابقة ) واذا مافي زحمة ممكن يتم التقديم للجوازات مباشرة بنفس اليوم بحسب ما يقول موظف السفاره ثالثا (3):- عند يوم التقديم يتم اخذ استماره مره ثانية (الافضل تأخذيها من وقت صدور الموافقة وتكون جاهزه إختصار للوقت والطابور ) + الجوازات الاصل + صورتين شخصية + صورة الجواز + صورة الإقامة ............. وبعد 2-3 ايام يتم استلام الجوازات #ملاحظة مهمه الفيزة لسفرة واحده فقط وغير متعدده ولابد ان يكون سفركم قبل شهر من صدور الفيزة واستلام الجوازات ... يعني مثلا اذا نيتكم السفر بعد شهر ونصف قدموا الى وصول الموافقة ( والتقديم النهائي للجوازات نقطة 3 أخروها شوي قبل سفركم بأسبوعين (لانهم مع الاسف سابقا كانو يعطوا 90 يوم سماحية للسفر بعد اصدار الفيزة الان فقط 30 يوم وهذا طبعا سبب زحمة أكبر بالاضافة انه مافي فيزة متعدده) طبعا في مبشرات اعلامية من فترة أن جميع المقييمين بشكل عام في دول الخليج سيسمح لهم بدخول مصر بدون فيزة لتشجيع السياحة وكما هو معمول به سابقا ..... لاكن مافي اي بوادر على ارض الواقع :20: الاشكالية ليست في المتطلبات لانها بسيطه .... لاكن في زيارة السفاره لعدة مرات واهدار للوقت والوقوف بالطوابير ... وطبعا هم زعماء البورقراطية العربية الممله :20:مع الاسف اتمنى تكون الامور واضحة وممكن في تغيرات حصلت لانه اخر سفر لي كان شهر ديسمبر 2017 يعني تقريبا قبل 3 اشهر بالتوفيق واي استفسار ان شاء الله بفيدك بحسب معرفتي وخصوصا اذا تقديمك من القنصلية المصرية بجدة |
اقتباس:
معلومه متكامله يعطيك الف عافيه |
الوضع الايام دي امان ولا كيف? |
الله يهنيك ان شاء الله يفيدونك |
اقتباس:
أكيد أمان و لا مشاكل تذكر |
| الساعة الآن 12:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO