|
استفسار عن الفيزا الكندية ( اونلاين) مساء الخير على الجميع باذن الله قررت أقدم م على الفيزا الكندية الأسبوع القادم هل الاونلاين أسرع من التقديم العادي؟ والا نفس المدة؟ هل فيه أحد م هذا العام؟ تجربتكم أنا بحاجة لها شكرا للجميع |
هلا و مرحبا اخوي هي اساسآ الفيزا مالت كندا اونلاين - واذا تقصد العادي بأن تروح بروحك و تقدم بالسفارة هذا زمان الحينه كل شي اونلاين .. وبعد خطوة الاونلاين .. تروح لمركز اسمه VSF تبمصم عندهم و ياخذون الجواز منك و بعد اسيوعين توصلك النتيجة بالموافقة و منح الفيزا الكندية بإذن الله او غير ذلك بس هي فيزا صعبة او صعبة شوي في فهم طريقتها شوي .. طبعآ انا الآن استعد مثلك لإستخراج الفيزا الكندية بإذن الله تعالى بعد ما استلمت الامريكية ولله الحمد و موفق يا الحبيب و ربي يسهلها |
اقتباس:
هلا بك يا الغالي بالسعودية الى الان في الطريقتين العادية و الانلاين ( انت اللي تختار اللي تبي) قررت اقرم بالعادية لانهم ياخذون الجواز مرة وحده |
اقتباس:
اذا تم استخراج الفيزا اطرحوا هنا تجاربكم |
اقتباس:
والله ممتاز - جان زين طبقوا عندنا نفس الشي .. كان بالاول اسهل كنا نروح للسفارة و نعبي الابليكيشن و ندفع الرسم و نحصل الفيزا بنفس اليوم و بدون مقابلة بعد ... اما الان مع اونلاين والله تعقيد و متطلبات و صور و سكنر و بي دي اف و فايل و تروح تبصم في مركزهم و تتريا اسبوعين .. والله قصه الكندية |
التقديم اونلاين بالنسبه لنه البحرينيين ماعندنه سفاره كنديه، التقديم اونلاين مع تحميل كل المستندات المطلوبة مثل رسالة من جهة العمل و عقد الزواج و شهادة الراتب، الخ الخ، و بعد رفع كل المستندات المطلوبه ادفع قيمة 100 دولار كندي للشخص، وبعد مدة 10 ايام تقريبا ارسلو لي رسالة الكترونية فيها رقم الطلب و bar code حق ارسل الجوازات عن طريق ارامكس للسفارة في ابو ظبي،ارسلت الجوازات وخلال 5 ايام استلمت الجوازات مع الفيزا، الخطوات سهله اونلاين لكن موقعهم فيه خلل فني بعد ماتسوي لك حساب كل مره تدخل اسمك و كلمة المرور ترجع نفس الصفحة الرئيسية لازم تحاول مره ومرتين وثلاث واكثر حق تدخل ماعرف شنو سبب هذب الخلل الغريب في موقعهم. بالتوفيق |
جهزت كامل أوراقي وبإذن الله الأحد التقديم ( أحب يوم الأحد لأنه بداية الأسبوع) أوراقي : 1- الابلكيشن 2-صورتين 3- حجزت تذكرة طيران والمبلغ غير مسترد ( مخاطرة) ( غير مطالب فيه لكن اجتهاد مني) 4- حجزت فندق من Booking ( غير مطالب فيه لكن اجتهاد مني) 5- كشف حساب 3 شهور و تعريف الراتب 6- تأمين طبي ( غير مطالب فيه لكن اجتهاد مني) 7- صور الاختام السبابقة والفيز 8- ارفقت جواز صديقي الكندي وهويته وقلت أن لي صديق في كندا . بإذن الله تطلع الفيزا على خير و أكتب لكم تجربتي مع العلم أني زرت كندا 3 مرات من قبل. تحياتي للجميع |
طالما عندك فيز سابقة لكندا هذا يسهل عليك كثير بس دايم ما افضل ذكر اي صديق هناك لان الاعتقاد دايم يروح للهجرة ويبدون التدقيق عليك وعلى الصديق حلو انك حجزت تذكرة طيران هذا يبين لهم انك جاد تجهيز الطلبات جميل جدا حدث الموضوع عشان نعرف ايش صار معاك وان شاء الله تحصل على الفيزا وتطرح لنا تجربتك بشكل كامل |
ذكرت أن لي صديق لأن في حال رفضت الفيزا لا قدرالله ممكن هو يفيدني هناك بمحامي أو اي شي. واذا ما ذكرته من الأن و رفضت الفيزا لا قدر الله بعدين يقولون ليش ما ذكرت في الابلكيشن من البداية |
طيب ليش تفكر بالرفض وأنت حاصل على الفيزا من قبل اذا جاء رفض لا ينفعك محامي ولا غيره أصلاً التقديم من جديد أرخص من تكاليف المحامي الباهظة ممكن ذكر الجنسية ؟ |
| الساعة الآن 05:55 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO