|
الفيزا الكندية .. تجربتي السلام عليكم ورحمة الله وبركاته صباح / مساء الخير على الجميع حبيت اشاركم تجربتي مع الفيزا الكندية والخطوات قد تفيد البعض وربنا يسهل للجميع في البداية كان اختياري لفيزا السياحية طبعا واخوي فيزا (تدريب) لانه طالع على حساب الجامعه لمدة شهر ونصف وبإذن الله السنه القادمه يرجع للماستر وانا طالع على حساب جيبي :3: طبعا كان فيه تخوف :27:من تعبئة البيانات واتفقت مع شخص واخذ فقط على كل جواز 150ريال فقط واعتقد انه مبلغ بسيط مقابل تعبئة البيانات بدقه وتفعيلها طبعا انا دققتها بالاخير .. بالنسبه لبعض الاخوان يعبيها بنفسه وبصراحه هي مافيها صعوبه لكن قلت ابعد عن القروشه والقلق والمبلغ بسيط الحمدلله المهم رحنا للمكتب الموحد في مدينة جده الساحلية الرائعة ياحبي لها >>>> اقول اخلص بس تتفلسف علينا :16: تمت مراجعة الاوراق والبيانات في الكوفي جنب المكتب الموحد واخوي كأنه رايح اختبار تربية بدنية :17: من القلق رايح جاي لين خلصنا الاوراق دخلنا واعطونا الارقام وانتظرنا وقت بسيط وطلع رقمي ورحت عند وحده من الاخوات السعوديات الله يوفقها فعلا تعامل راقي وسرعة انجاز والمساعدة في بعض البيانات وشفت واحد عنده نواقص قالت روح كملها وارجع لاتشيل هم طلبت التالي : ايوه ايوه اخيرا وصل للمهم ابثرنا بالبربرة :59::(123): 1/ جواز السفر 2/ كشف حساب 6 اشهر حديث ومترجم (غريب امرهم كنديين ومايتكلمون عربي) <<< ياصبر الارض:28: من 3 بنوك واحد منهم 59 صفحه :24: علشان يقولون اعطوه وفكونا من اوراقه :13: 3/ الابلكيشن كامل (6 صفحات) و ابلكيشن (العائلة) ودققت التعبئة لانه لو ناقص شي تطلبك تكمل الله يجزاها خير تقول علشان حرام تروح اوراقك ناقصه وهم دقيقين 4/ خطاب تعريف من العمل مترجم 5/ بالاخير اي شي يدعم ملفك اعطيتها ...كرت العائلة وبطاقة الاحوال قالت فعلا هذي الاشياء اللي راح تجيبلك الفيزا (الله يخلف عليك شيلها لاتفضحنا :22:) عطنا شي ثاني واعطيتها صورة بطاقات الفيزا من 3 بنوك مانيب سهل :62::72: نجي لطلبات اخوي انا المتكفل برحلته طبعا نفس الطلبات السابقة وزيادة عليها التالي : 6/ خطاب تعريف من الجامعة اللي يدرس فيها 7/السجل الاكاديمي الجامعي 8/ شهادة الثانوية لانه تم تعبئة بيانتها في الابلكيشن 9/ خطاب القبول من الشركة اللي راح يكون فيها التدريب 10/ خطاب بتوقيعي يفيد بتكفلي بالرحله 11/ كرت العائلة ما الومه انه قلقان طلباته كثيره ويقولي خايف تطلعك الفيزا وانا لا قلتله خلاص انا اروح اتدرب عنك :17: جاه شد عضلي من كثر المشي بعد ماطلعنا من المكتب وفزعوا السفارة اللي جنبهم الفرنسيين :14: كل هذا الكلام صار في يوم 2018/04/19 في يوم 2018/04/22 وصلتني رساله تفيد ان الجوازت وصلت للرياص بالسفارة والكنديين اللي مايتكلمون عربي :32:استلموها الله يسهلها لانه لسه بعدها ابغى الامريكية وراح اغثكم من جد :29::yolks00740::yolks00250: |
وعليكم السلام هالحين وش جايبك عندنا ابلشتنا بكثرة اوراقك هههههه المهم مرة ولا تكررها اسلوب جميل لعرض التجربة وان شاء الله تجيكم الموافقة لكن حط في بالك ان الجماعة مطولين من الشهر وحوله بالفعل الاخوات السعوديات يساعدون بكل شي الله يوفقهم على الرغم من ضغط العمل عندهم ما انت سهل 3 بطاقات شكلها مضروبة :32::32: الله يوفقكم وان شاء الله نبارك لكم بالفيزا |
:3: |
اقتباس:
هههههههه الله يسعدك والله ابلشتهم بكثرة الاوراق فعلا البنات ماقصروا جزاهم الله خير لا ابشرك ماهي مضروبة البطاقات امس وصلت رساله ل اخوي تفيد ان الجواز رجع لجده بعد الانتهاء منه في الرياض بالضبط من وقت وصوله الرياض الى ارساله لجده فقط 9 أيام هل معناه تمت الموافقة انا سئلت الشخص اللي ساعدنا في تعبئة الابلكيشن ويقول انه ممكن جدا تكون خلصت فيه حالات كثيره خلصت في وقت قياسي وتمت الموافقة عليها ماهو شرط تطول الاجراءات :13:. افيدونا يا اهل الخبره لانه لازم اطلع استلم الجواز بسبب مراجعة القنصلية الامريكية بعد الانتهاء من الكندية قلللللللق:31: |
اقتباس:
انتظر رسالة المكتب بالحضور لاستلام الجوازات وخلها مرة واحدة مع الامريكية |
اقتباس:
فعلا ننتظرها افضل مشوار واحد لكن مدري عن الكنديه هي خلصت بالموافقة ل اخوي او لا لانها خلصت في وقت قصير جدا 9 ايام :62: اخوي يقول ماهو متطمن يقول لو كانت 15 يوم يمكن ارتاح :200: الله يسعدك متابعة رائعة :e303: وبإذن الله توصل بالموافقة للجميع :e032: |
شكرا لنقل تجربك |
هههههه ان شاءالله تطلع وتكون خالصه والامريكيه بعد ان شاءالله تكون سهاله شكراا لذكر تجربتك |
اقتباس:
الله يسعدك دنيا واخره |
اقتباس:
الله كريم بإذن الله تنتهي بالموافقة للجميع الله يسعدك دنيا واخره |
| الساعة الآن 03:11 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO