|
جحيم السفارة الالمانية !! صباح الخير للجميع !! شاهدت كثير من المتقدمين في المركز الموحد وجوهم حزينه جدا بسبب رفض التاشيره الالمانية !!:19: صراحه ماتفعله السفارة الالمانيه هالايام شي مخجل للاسف هالسفارة رفضت طلبات كثيره جدا وانا اولهم ، من جد معقده وبقوه انا رفضوني بسبب كشف الحساب وان المبلغ غير كافي !! المفروض السفارة اذا رفضت طلبت بسبب ما لابد من الاتصال على صاحب الطلب وابلاغه بالنواقص علشان يكملها ويقدمها للسفارة مره اخرى وليس اخذ موعد اخر في المركز الموحد ودفع مبلغ اخر ومواعيد وكلام فاضي !! او على الاقل اذا رفضوا الطلب يرجعون قيمة التاشيرة للعميل !! المفروض على جميع السفارات ان يحددوا المبلغ المفروض يكون في الحساب على حسب المدة !! مره يقولون لايقل المبلغ عن عشرين الف ومره يقولون كل شخص متقدم 25 الف ، صراحه شي مخجل !! |
أتفق معك أخي الكثير يشتكي. ولكن أعتقد أن مكتب التأشيرات يتحمل أيضاً جزء من المسؤلية، لماذا لايتم التأكد من التزام طالب التأشيرة بكل ماهو مطلوب منه وتنبيهه بذلك قبل اخذ الجواز منه بدل كل هذه الخسائر من رسوم الموعد ورسوم التأشيرة وأيضاً الوقت والجهد وتسحيب العائلة في هالقوايل.. يبدو لي أن السفارة الفرنسية أكثر سماحة وخلال 3 الى 4 أيام وجوازك في جيبك.. أيضاً تركيا بديل جيد وسهل جداً خذ جوازك واطمر للمطار مباشرة بس انتبه لايصيدك حبيب القلب ساهر.. |
انا موعد التبصيم بعد ٤ ايام و الله يستر قال لي مكتب السياحه ان كثير تأشيرات رفضوها السفاره الألمانية لكن انا كشف حساب فيه ٢٥ الف لشخصين تتوقع يرفضون فيزتي و لحد الحين ابحث حجوزات للمطار و الفنادق لازم حجوزات ماكده و اخذها معي للمكتب قبل التبصيم بيوم |
اقتباس:
كلامك سليم جدا المفروض المكتب ينبه العميل !! المفروض الواحد مايروح للمكاتب السياحية الكثير من منهم مايعرفون شي الا المكاتب المعروفه والي تثق فيهم !! حرام الواحد يدفع 800 ريال للمكتب ويجيك رفض وخاصة اذا انتم اكثر من 4 اشخاص يعني خسارة 3200 ريال !! ياساتر |
اقتباس:
انت متاخر كثير في الحجوزات كان من المفروض مجهزه اوراقك بدري !! بس ان شاء الله تتيسر امورك !! ايه لازم حجوزات مؤكده ضبط لك حجز قابل للالغاء بس اهم شي لا تلغي الحجز بعد التبصيم ، الغي الحجز بعد استلامك للجواز لان السفاره تتدخل رقم حجز الفنادق وتشاهد هي مؤكده ام ملغيه !! |
صباخ الخير يا غالي معوض خير ان شاء الله الاكثر تشددا في الوقت الحالي هم الايطالية والالمانية لكن كل سفارات شنغن اصبحت تدقق على اكثر من شغله وهذا توجه من الاتحاد الاوروبي اللي بالطبع المانيا تعتبر فيه القائد ولعلكم تاخذون الاوضاع السياسية الراهنة بعين الاعتبار |
بالضبط لكن صاحب المكتب اللي يستخرج لي التاشيره نصحني بعدم الحجز عن طريق بوكينق قال شوف المسافر او غيره افضل لك |
اقتباس:
ليش كيف هي الأوضاع بالمانيا و سويسرا و النمسا |
اقتباس:
يا فهد ترى مطار جدة فيه ساهر قبل الكوبري حق التفتيش هيا انتبه البعض مسافر ومستعجل ويصيده ساهر قبل المطار وينغص عليه الرحلة كلها ههههههه |
اقتباس:
ما لها دخل بالاوضاع هناك امريكا حطت عقوبات على الشركات اللي تتعامل مع ايران من ضمنها سركات كبيرة المانية وفرنسية و ايطالية لها عقود كبيرة هنا لعلك تطلع على الموضوع اكثر |
| الساعة الآن 06:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO