|
تجربتي دخول سويسرا بفيزا ألمانيا بسم الله الرحمن الرحيم أول استخدام للفيزا .. رحلتي كانت لسويسرا مطار زيورخ بتاريخ 27 / 8 / 2018 وكامل الرحلة بزيورخ الفيزا من المانيا .. تحملت المخاطرة وتوكلت على الله رغم التحذيرات عند الدخول سألتني موظفة الجوزات كم سؤال أيش عندك بسويسرا وليه جاي وكم يوم بتجلس طبعا جوابتها رايح على المانيا ميونيخ وكنت مجهز حجوزات فنادق وهمية في ميونخ بس ما طلبتها الموظفة على الكونتر وللأسف كنت مرتبك بعض الشيء على غير عادتي بسبب تعب الرحلة وسألتني بأيش بتروح ميونخ هنا أنا تفاجأت والمفروض محضر نفسي للإجابة بس قلتها لسه ما قررت يمكن قطار ويمكن سيارة هنا لا مشكلة المشكلة الأكبر اني قلت لها جاي بزنس لميونخ بعد ما طولت معاي وطفشتني واللخبطة صارت لأني فعلا جاي مهمة عمل على زيورخ بس المفروض ما أقولهم لأني فيزتي سياحية وليست عمل .. المهم قالت لي جنب على جنب بطريقة معصبة وكريهه كأني إرهابي والحمدلله اعطيتها ابتسامة وكل الامر بيد الله .. رفعت السماعة وكلمت المكتب الداخلي .. المهم جلست يمكن دقيقه وجات وحده ثانيه ( كويس اني طحت بالبنات ولا رحت وطي ) ولابسه لبس عسكري اعتقد بكل أنواع الأسلحة واخذت جوازي من موظفة الجوازات ورحت معاها إلى مكتب وسألتني نفس الأسئلة وأهم سؤال سألتني إياه ليه جاي بزنس وركزت عليه .. هنا انا بديت اسوي المجنون وجلست الخبط باللغة وهم أصلا لغتهم الانقليزية ضعيفة وقلت لها مافهمت ايش تقصد موظفة الجوازات على بالي تقول أيش رحلتك على أي درجة وقلتها بزنس كلاس .. هنا ابتسمت الموظفة وطلبت مني حجوزات ميونخ واعطيتها زيادة حجز زيورخ الي لو دققو حصلوه كل المدة الي بجلسها والتأمين الطبي .. راحت عني يمكن 10 دقايق لوحدي بمكتب وهي دخلت .. والعشر دقايق هذي أتمنى محد يجربها لأني عشت بتوتر قليلا لكن الحمدلله الأمور مرت بخير ورجعت لي جوزاي بعد 10 دقايق مختوم وقالت حياك .. وحياك بعد ايش .. نصيحة إلى معاه عائلة لا يخاطر .. سؤالي لأهل الخبرة .. عندي رحلة لألمانيا إن شاء الله .. هل هناك مشكلة لو شافو ان جوازي تم استخدامه أول مره من سويسرا |
. . صباح الورد ،،، والحمد لله عدت على خير ،،، السؤال الأول لا هنت ،، دامك طالع على سويسرا مباشرة ، ليش مقدم الفيزا على الألمانية ؟ سؤال شاطح بس ودي اعرف ليش ما نكون واضحين ونريح أنفسنا يا صديقي الجواب لسؤالك ،،، مافيه أحد ممكن يسألك الآن ،،، أنت دخلت رسميا لأحد دول شنقن ،، والسفر بينهم سواء طيران أو بالقطار أو بالسيارة يعتبر وكأنه داخلي ، ما في أحد يسأل احد وثانيا ، أنت دخلت بشكل نظامي ، بغض النظر عن بلد الدخول ،،، النظام يقول البلد الأكثر إقامة ، وأنت قدمت إثباتات للألمانية بأنك راح تسكن في ميونخ وعشان كذا عطوك الفيزا ،،، النصيحة يالأمير لي ولك ولكل من يقدم على فيزا شنقن ،،، السفارات والقنصليات حاليا ، صارت متشددة بسبب تصرفاتنا نحن واخطائنا وموضوع حبيبي أبوغسان خير شاهد على ذلك ،،، نعم بعض السفارات أكثر تعقيدا من غيرها وبعضها أغلى لكن بشكل عام إمشي عدل ، يحتار عدوك فيك ،، موفق خير يالحبيب |
اقتباس:
استخرجتها من الألمانية لتوحيد توقيتنا أنا وصديق لي سيسافر معي لألمانيا لحجز الموعد والتبصيم لأننا خارج مدينة جدة وحجزنا على الألمانية سويا قد يكون السبب تافه لكن الحمدلله عدت على خير .. والله يعيننا على حوسة الشنقن |
الحمد لله على السلامة اخوي مفيد شكل كل الكلام اللي كنت محضره برأسك عندما يجي دورك أمام موظف الجوازات طار وبعدها ارتبكت. بس زين انك تداركت الموقف بالأخير. بالنسبة لسؤالك. ما عندك أي مشكلة مع المانيا حتى وان كان دخولك عن طريق سويسرا. بس لا تنسى التأمين وحجوزات الفنادق والعودة. سؤال ! هل طلعت لشلالات الراين ؟ |
اقتباس:
نعم زرتها ومشاهد لا توصف جلست عندها ساعتين وأيضا قمة Uetliberg اعلى قمة في زيورخ بالقطار من المحطة الرئيسية 20 دقيقه شي يفوق الخيال .. والحمدلله ربي سهلها ورحت انترلاكن Grindelwald بالقطار من زيورخ روعه وطبيعة شي يفوق الخيال لم اكن أتوقع ان الطبيعة هناك بهذا الشكل سبحان الخالق عز وجل .. وان شاء الله لها زيارة أخرى والتجول بالسياره هناك من أروع ما يكون .. وميزة القطار بأن تكون متفرغ بالتمتع بالطبيعة بشرط الجلوس بالجهة الصحيحة بالقطار المطلة على المناظر |
الحمد لله عدت على خير لو كنت مكان الموظفة الثانية لطلبت البوردنق باس حقك و القاك طالع اقتصادي وجنب الجناح اعطيك رفض فوري على البزنس ههههههه ضروري الواحد يكون حريص لان عندهم خبرة كبيرة بالتعامل مع مثل هذي الحالات و يمر علهم يوميا الاف المسافرين وعندهم نفس المشكلة بس هم يحاولون يتساهلون قدر الامكان ثق تماما انهم شافوا حجوزاتك و راجعوها بس بالنهاية عدوها لك لذا المرة الثانية لا تعطيهم هذي الفرصة ممكن تطيح مع موظف او موظفة مستقبلا يدقق عليك شكرا على طرح تجربتك يا غالي رحلة سعيدة |
اقتباس:
|
بزنس هاه |
������������انت تمثلني اني مرات اعرف اني مجازفه واكمل لكن نقول الله يسر لنا وصراحه ماتنحسد ع العشر دقائق الي كنت تنتظر فيها اتوقع مرت عليك افلام براسك ايش راح يصير فيك�� |
اقتباس:
اقتباس:
|
| الساعة الآن 07:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO