|
تجربتي مع طلبات السفاره الالمانيه 26 ذو الحجه السلام عليكم ورحمة الله وبركاته بعرض لكم تجربتي البسيطه مع السفاره الالمانيه وطلب الفيزه بالمكتب الموحد لتأشيرات في جده في البدايه قررت اسوي الفيزه بنفسي وبلاش مكتب يوهقني خصوصا انها رحلة عايليه وياخذ علي مبلغ كبير وماتدري وش كاتب لك في الطلب وغيرها من الاشياء واستفدت من اكثر المواضيع بخصوص التاشيره ... عموما جهزت الطلبات وعبيت البيانات بالموقع وكل شي وخترت الموعد 26/12/1439 الخميس6/9/2018 وقبل الموعد بيوم طبعت جميع الوراق نسختين: حجوزات الفنادق / الموعد/تذاكر السفر/ والابلكيشن / صور الجوازات موقعه/ الهويه /كرت العايله/ وكشف الحساب 3شهور وصورت صور شخصيه المهم الساعه 8 يوم الموعد كنت عندهم لان باقي التامين الطبي اخذت التامين من عندهم لشخصين ب148 ريال اشوف انه قررار ممتاز الضل من تاخذ تامين ويبلشونك عشان ختم علما بان الي خذته مو ختم موجود عليه ختم لمعه الساعه 9 دخلنا واخذت رقم عند العوايل وبعد ساعه تقريبا جاء دورنا اول شي تم رفضه هو الصور الشخصيه لي ولزوجتي بحجة انها بعيده وتحتاجً تغيير الاشياء التي لم ياخذوها: تذاكر الطيران صوره للفيزه الائتمانيه الموعد اكتفو بواحد والاخر رجعوه الاشياء التي دققو فيها : حجوزات الفنادق بشكل كبير الابلكيشن كشف الحساب اول صفحه مختمه والاخيره مختمه وتوقيع الجواز وضروره يكون نفس توقيع الابلكيشن وتعريف العمل صورة الهويه صورة الجواز خذو صورة للفيزة اسبانيه وارفقوها ............... .......................... حصلت خطا بالابلكيشن ( كنا مسجلين فندق في بادن بادن) بعد مادققت بالحجوزات قالت: انتم اول فندق لكم في المانيا بمدينة فوسن ف اول سكن لكم ب المانيا يكون مسجل وتم التعديل فقط هذا الخطا الموجود...... نصيحه: التامين الطبي موجود عندهم نفس الاسعار افضل لك واسهل الصور الشخصيه موجود عندهم مصور فلبيني صور عنده وريح راسك ب33 ريال عندهم مكتب بنفس المبنى يوفر كل شي اخذت من عنده رخصه دوليه ب157 ريال المشكله كانت بصوره لزوجه حصلت على بعد 10 دقايق استديو نسائي بجوار الاحوال المدنيه كانها داخل مجمع يمكن اهل جده يعرفون باي شارع وكانت نفس عمار الي سكنت فيها اسمها شقق ( قاردينيا ان) وانتهت الحفله وبالفعل كان التصوير يفرق خصوصا بالزووم ........ ورجعنا وسوينا البصمه ماتاخرنا قبل الساعه 11 خلصنا وقالو خلال 10 ايام عمل تكون جاهزه وطلبناها عن طريق فيدكس وقالو تتاخر اكثر المهم طلع الحساب لشخصين 614 مع التوصيل من غير رسوم الموعد...... مستغرب اخذو كشف الحساب مدري كيف يشيلونه ..... استفدت من وجود تامين طبي ومصور ومكتب خدمات تخلص امورك الطارئه ....... حجوزات الفنادق اثنين موكده وثلاث الغاء مجاني مزعجً مافيه تصوير نسائي. هذا التجربه والكتابه بالجوال متعبه�� |
هل رسايل الجوال تفيد بانه تم منحك تاشيره ام لا .... يعني يرسلون يقولون تم منحك تاشيره او بس روتين |
وعليكم السلام نشكرك يا غالي على طرح تجربتك فعلا اللي يبغى يريح نفسه يتصور عندهم وياخذ التامين منهم والايام هذي مشددين على الحجوزات عشان كثرة الرفض المفروض الواحد ما يروح الا مجهز نفسه رسائل الجوال ما تفيدك اطا حصلت على الفيزا ام لا فقط لاخبارك بان جوازك جاهز للاستلام |
بخصوص الابلكيشن هل هو حق الفندق ولا ايش |
سؤال ثاني هم يدخلوك على طول على نفس وقت الموعد ولا يأخروك؟ |
مشكور على النصائح والتجربه الجميله فعلا الواحد يسوي تأمين طبي من عندهم افضل مايكون من برا وغير صحيح رحله قادمه موفقه |
اقتباس:
قصده النموذج الخاص بالسفارة |
اقتباس:
عندما توصل على موعدك تأخذ رقم وتنتظر حين يجي دورك. |
اقتباس:
شكرا اخوي على نقل تجربتك مع التقديم في المركز. |
اقتباس:
|
اقتباس:
|
اقتباس:
اقتباس:
|
اقتباس:
|
اقتباس:
|
الان مر اسبوع كامل ولا وصلت لي اي رساله من السفاره �� |
اقتباس:
لا تعتمد على الرسائل النصية فقط فأحيانا لا تصل. تابع وضع الجوازات من خلال موقعهم وراجع إيميلك وكرر الاتصالات مع المركز. |
اقتباس:
لكن مافهمت اي موقع لهم تقصد .. وهل يبين اذا اعطوني ام لا |
يعطيك العافيه |
اقتباس:
اللهم لك الحمد والشكر بعد 10 ايام بالتمام والكمال... تم استلام الجوازات اليوم الاحد16 سبتمبر الموافق6/1/1440 واعطوني سنه كامله من اكتوبر2018 الى اكتوبر 2019 و |
اقتباس:
الف الف مبروك يفضل تكتب تجربتك مع التقديم بموضوع منفصل. •••[emoji336]••• |
من اعقد السفارات |
| الساعة الآن 02:44 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO