|
تجربتي لإستخراج فيزا شنغن ايطاليا 2018 السلام عليكم ورحمة الله وبركاته ,, طبعًا الشرح أخذته من البوابة وهو شرح كافي ووافي ومو صعب وأعتقد سهل للجميع حتى اللي مايعرف انجليزي لأنه مترجم ماشاء الله https://www.arabtrvl.com/vb/t34196.html بدايةً عبينا الطلب لكل شخص الطلبات جهزناها حجزنا موعد بتاريخ ١١ سبتمبر ٢٠١٨ الساعة ٩:١٥ (مركز التأشيرات الموحد في الخبر) عند تقديم المستندات بخصوص مستندات زوجي (تم اعادة صورة بطاقة العائلة المترجمة + ورقة الطلبات اعاد تعبئتها لأن لازم يكونوا الصفحتين في ورقة وحدة يعني وجه وقفا واحنا مع الطباعة طبعنا كل وحدة لوحدها) مستنداتي (تم إعادة نسخة التأمين الطبي الصورة والإكتفاء بالأصل فقط + ورقة الطلبات غير مطلوبة للزوجة حسب كلام الموظف ورجعها لنا) وسوينا خطاب تكفل بالمصاريف والخطاب هذا لقيته بالمنتدى وعدلت عليه وحطيت بياناتي وهذا الرابط اللي فيه خطاب التكفل بالمصاريف https://www.arabtrvl.com/vb/t381.html وخلونا أنا وزوجي كل واحد يوقع على جوازه في نفس اليوم ١١ ستبمبر وصلتنا رسالة إن الجوازات راحت الرياض يوم ٢٤ سبتمبر وصلتنا رسالة إن الجوازات جاهزة للإستلام (يعني اسبوعين) وتم الإستلام يوم ٣٠ سبتمبر ولله الحمد الفيزا موجودة وكل البيانات صحيحة والمدة سنة التقديم بدون فيزا بنكية لأن ماعندنا والطلبات الأخ آخر فرصة كاتبها بالتفصيل يُشكر عليها للي مايعرف انجليزي وهي في قائمة الطلبات نفسها بس احنا رتبنا الأوراق نفس ترتيب قائمة الطلبات عشان نتأكد كل شي موجود مافيه شي مفقود |
هل بطاقة العائلة لازم تترجم؟؟ لأن احتمال اخذها معي + من وين جبتي تأمين طبي؟ قالوا هناك في مكاتب في مكتب التأشيرات نفسه ويعملوا لك تأمين وهالاشياء قلت بروح بدري واطلع واحد بس خفت مافي مكاتب هناك :8: الخطاب حق التكفل كيف عملتيه وضبطيه؟ افكر اسويه في مكتبه هل يحتاج ولا الحاجات بسيطه؟ |
ايش هي ورقة الطلبات ياليت لو تحطي صوره او اي حاجه عشان ما اكرر الغلط |
اقتباس:
تأمين طبي , تأمين دوام زوجي شامل السفر الخارجي ولكن صحيح نفس ماقالوا لك هناك في نفس المبنى أول ماتدخلي يمين تلاقي فيه مكتب استخراج تأمين طبي ومو غالي حسب علمي خطاب التكفل في المصاريف اللي على الرابط فوق نفسه أخذته بس غيرت اسم البلد وحطيت بياناتي هذا الرابط يمكن مانتبهتي له https://www.arabtrvl.com/vb/t381.html خذي أي نسخة وعدليها إذا النسخ الموجودة مو لنفس البلد اللي بتروحيه |
اقتباس:
https://www.arabtrvl.com/vb/t34196.html رقم 4 وكذلك موجودة ضمن المرفقات في الموضوع |
اقتباس:
وعليكم السلام ورحمة الله وبركاته المنتدى وبالأخص اخونا ابو غسان بذل الكثير حتى تكون خطوات التقديم على التأشيرة واضحة وسهلة للجميع. واللي راح يتبع هذه الخطوات راح يحصل على التأشيرة بأذن الله. شكرا لنقل تجربتك. |
اقتباس:
|
اقتباس:
العفو اختي ما سوينا الا الواجب |
سؤال للاعضاء الموقرين اذا تم رفض فيزا فرنسا ماهى المده للتقدم للمره الثانيه مع العلم بوجود فيزا بريطانيا لم تستخدم تم طلبها بعد رفض الفرنسيه |
ماقلتي كم عطوك مدة الفيزا ؟ انا قدمت لزوجتي من المانيا وعطوها ٣ شهور ٣ شهور يالضالمين انا رحت بفيزتي الاسبانيه سنتين |
اقتباس:
أعطونا الفيزا مدة سنة بس يمكن مانتبهت |
اقتباس:
اذا راح تقدم لنفس السفارة لا يوجد مدة محددة. |
وهل استطيع التقدم لغير الفرنسيه ام لا كشنغن لاى بلد اخر شكرا للرد |
ماقصرتو |
السلام عليكم الأخوة الكرام بالنسبة للمقيم ما هي أفضل سفار للتقديم على الشنجن كي أتجنب الرفض؟؟ انا مصري مقيم في السعودية وارغب في التقديم على الشنجن وكنت ارغب في التقديم على الايطالية اليوم، ولكني علقت التقديم بعد قراءة تجربة أحد الأخوة الذي تم رفض تأشيرته؟ انا معنديش ترافيل هيستوري للأسف وخااااايف من الرفض.. السؤال: 1- ما هي افضل دولة بالنسبة للمقيم للحصول على الشنجن بدون رفض؟؟ هل هي الايطالية ام الأسبانية ام الفرنسية؟ أم غيرها؟؟؟؟؟ 2- بماذا تنصحون بالنسبة لحجز الطيران؟ انا كنت حاجز حجز مؤقت يعني وهمي لأني أخاف احجز مؤكد واخسر الفلوس حالة الرفض لا قدر الله. 3- وما هي خطوط الطيران التي تقبل اللاسترجاع المجاني؟ وشكرا لكم.. |
مبروك اختي الفاضله بخصوص الابلكيشن هل تم تعباته يدويا ام بالكمبيوتر |
اقتباس:
|
السلام عليكم ورحمة الله.... لاهنتم واللي متاكد مية بالمية يرد بالتفصيل.. ابغى مساعدتكم انا رحلتي يونيو ظ§ رياض - روما- انزل ثلاث ساعات واقلع ثاني الى زيورخ ورجعتي من جنيف ... اسوي موعدي مع ايطاليا او سويسرا اللي اعرفه انه اذا بلد وحدة : اطلع الفيزا منها اذا اكثر من دولة ؛ اطلع من الدوله الاكثر ايام واذا تساوت الايام فاطلع من اول دوله انزل لكن انا بس بانزل روما ثلاث ساعات اغير رحلة وراح امر على الحجوازات اخاف يقعدولي اذا كانت سويسرية والعكس اخاف اوصل زيورخ ويقعدولي لانها ايطاليه الرجااااااااااء الرد بحكم تجربة والله يسعدكم جميعا |
الترانزيت ثلاث ساعات في روما |
اقتباس:
السلام عليكم اخي الكريم اكتب استفسارك في موضوع مستقل حتى يراه الجميع وتحصل على رد أن شاء الله وليستفيد الجميع. |
مايمديني لاني مسجل جديد ولازم عشر مشاركات عشان اقدر انزل موضوع جديد...شكرا لك لكن نزلت الموضوع في الصفحة المثبتة للفيزا الايطاليه وان شاء الله الجميع مايقصر |
| الساعة الآن 08:24 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO