شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   فيزا شنغن (https://www.arabtrvl.com/vb/f32.html)
-   -   تجربتي في استخراج فيزا(السويد) من الكويت (https://www.arabtrvl.com/vb/t39153.html)

opera_kw 04-01-2019 11:20 AM

تجربتي في استخراج فيزا(السويد) من الكويت
 
السلام عليكم

حبيت انقل لكم تجربتي في استخراج فيزا شنقن للسويد من دوله الكويت

بعد حجز التذاكر والفنادق .. بديت ابحث عن مكان استخراج الفيزا لانه ماعندنا سفاره سويديه بالكويت

ومن خلال البحث .. كل المواقع اللي طلعتلي بمحرك البحث قوقل كلها مكاتب .. وانا ما ابي اتعامل مع مكتب

سالت وللاسف محد عنده خبره


بعدها سالت احد خبراء السفر الاخ العزيز (Gunner) وخلال ثواني عطاني الاجابه

ان السفاره الهولنديه بالكويت وكيله عن السويديه

وبالفعل دخلت موقع السفاره وشفت انه مكتوب


حجزت موعد وكان الوقت داهمنا خلاص باقي اسبوعين للسفر


الموعد كان بتاريخ ٥-١٢-٢٠١٨
وتاريخ السفر ب ٢١-١٢-٢٠١٨



و بكل سهوله تم تقديم الابلكيشن و اخذ البصمات

فقال لنا الموظف ان الفيزا تحتاج اقل شي ١٥ يوم عمل .. :21:

ممكن اكثر


قالناله شلون واحناسفرتنا خلال اسبوعين وهذا مايعتبر موسم سفر مو مثل الصيف

واحنا دايما نطلع الشنقن خلال ٤ لي ٥ ايام تكون خالصه ما تطول

قالنا هذي الاجراءات


طلعنا من عندهم وسلمنا امرنا لله

بعد اسبوع تقريبا اتصلنا على الرقم المكتوب للتاكد من اجراءات الفيزا

نفس الكلام ردت علينا الموظفه بانه تحتاج وقت لانه المكتب يبعث الجوازات الى السفاره الهولنديه والسفاره تخاطب الموكلين في هولندا ومنها الى السويد و ينطرون الرد و الرد على مايرجع منشخص لي شخص

المهم قالت لنا لا تحاتون تراهم ينتبهون لموعد السفر

يعني بيطلعونها لكم قبل السفر

تطمنا شويه


وفعلا خلال ١٠ ايام وصل لنا مسج انه الجوازات جاهزه


استمناهم والشي الجميل انه الفيزا صالحه لمده ٥ سنوات



:64:


الحمدلله



وصلنا السويد بالسلامه

و اول شي سالتنا موظفه الجوازات ليش مو مطلعين الفيزا من السفاره السويديه


جاوبناها انه ماعندنا بالكويت والهولنديه موكله نيابه عنهم

هزت راسها بالقبول كانها كانت تختبر معلماتنا

وشي ثاني شوي وقفونا عليه

احنا كانت عندنا فيزا صالحه لتاريه ٢٤-١٢-٢٠١٨ و الفيزا الجديده تبتدي من تاريخ ٢٥-١٢-٢٠١٨


فصار شوي ربكه لانه الدخول بفيزا والخروج بفيزا ثانه


بس الحمدلله تسهلت الامور وسافرنا السويد

آخـــرفـــرصـــة 04-01-2019 08:07 PM

تجربة جميلة
تساعد كثير من اهل الكويت
لان استخراج تاشيرة السويد غير واضحة لعدم وجود سفارة


شكرا على طرح التجربة
الله يسعدك


:e032:

عبدالله_220 05-01-2019 12:37 PM

شكرا على مشاركتك لتجربتك وان شاءالله تنفع ناس كثير

السفاره الهولنديه شكلها تحب مواطنين الخليج :6:
انا قدمت وايضا عطوني 5 سنوات :58::58:

الايمان 29-08-2019 11:32 AM

شكرا لنقل تجربتج يا ام بدر


الساعة الآن 04:17 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO