|
التقديم على السفارة الألمانية - يونيو 2019 السلام عليكم ورحمة الله مثل ما استفدنا كثير من هالمنتدى، حاب اطرح تجربتي في التقديم على التأشيرة الألمانية وإن شاء الله فيها كم نقطة توضيحية لبعض الإجراءات. تاريخ حجز الموعد : 09 / 06 / 2019 تاريخ الموعد: 18 / 06 / 2019 وقت الموعد: 10 ص نوع الموعد: عادي عدد الأفراد : 2 بالغين، 2 أطفال ( 5 سنوات + سنتين ونصف ) تكلفة الموعد: 505.25 ريال ( اخترت رسائل الـ SMS لي فقط ما دفعتها للمرافقين :17: ) ------------------------------------------------------------------------------------------------ الأوراق المطلوبة: - التشيك ليست ( أخذوها كاملة ) - نموذج التقديم إلكتروني من خلال الموقع ( نموذج الأطفال طلبت مني الموظفة التوقيع من الأب والأم ) ( أخذوها كاملة + آخر ورقة اللي فيها الباركود حطتها في البداية ) - التأمين ( تأمين الكتروني من شركة أسيج للتأمين مطبوع ملون عشان الختم، التكلفة كانت 163 ريال شامل الضريبة لـ 4 أفراد ) ( الموظفة أخذت نسخة وحدة للأب فقط - المتكفل بالمصاريف ) - حجز طيران مؤكد ومدفوع ( الموظفة أخذت نسخة وحدة للأب فقط - المتكفل بالمصاريف ) - حجوزات فنادق قابلة للإلغاء وغير مدفوعة من موقع بوكنق ( جميع الليالي في ألمانيا عدا ليلتين في سويسرا ) ( أخذت نسخة وحدة للأب فقط - المتكفل بالمصاريف ) - حجز سيارة قابل للإلغاء وغير مدفوع من موقع SIXT ( أخذت نسخة وحدة للأب فقط - المتكفل بالمصاريف ) - صورتين لكل شخص - الجوازات وصورة منها ( الصفحة 1 و 2 و 3 ) اللي فيها توقيع صاحب الجواز، جوازات الأبناء يتم التوقيع من الأب ) - أضفت صور التأشيرات القديمة لي أنا وزوجتي عام 2013 من ألمانيا أيضا ( أخذوها ) - تعريف بالراتب مصدق إلكترونيا من الغرفة التجارية ( أخذت نسخة وحدة للأب فقط - المتكفل بالمصاريف ) - كشف حساب بنكي ( قدمت كشفين حساب لبنكين مختلفة، كشف الحساب الثاني لأني حولت راتبي على بنك آخر ونزل آخر راتب عليه ) ( أخذت نسخة وحدة للأب فقط - المتكفل بالمصاريف ) - خطاب تكفل بالمصاريف ( لكل مرافق ورقة وتكون موقعة من الشخص المتكفل بالمصاريف - النموذج أخذته من موضوع الأخ سلام المدينة هنا - خطاب موافقة الوالدين لاصدار فيزا لمن هم دون 18 سنة ( موقع من الأب والأم ) - صورة من بطاقة الإئتمان ( أخذت نسخة وحدة للأب فقط - المتكفل بالمصاريف ) - صورة من بطاقة الهوية وكرت العائلة ( أخذت نسخة وحدة للأب فقط - المتكفل بالمصاريف ) - اعطتني نماذج من عندها وتم التوقيع عليها انا وزوجتي ملاحظة: بخصوص كشف الحساب، الحساب فيه 30 ألف ريال وشوي، الموظفة جلست تناظر شوي بعدين سألتني عن أعمار الأطفال، ولما قلت لها 5 و سنتين ونصف، قالت اوك، فأعتقد لو الأبناء كبار شوي يطلبون مبلغ أكبر ( مجرد توقع ) :e142: ----------------------------------------------------------------------------------------------- وصلت انا وزوجتي هناك الساعة 9:40 دقيقة معاناة مع المواقف وقفت في البرحة اللي جنبها وزحمة مو طبيعية. كانت معي شنطة اللاب توب وفيها اللاب توب واجبروني انزله تحت في قسم الأمانات. دخلت واخذت رقم إنتظار، كان رقمي 37، صاحب الرقم 11 هو اللي كان مخدوم من الموظفين، يعني قدام 26، عرفت وقتها اني مطووووووول شوي ويجيني شخص الله يجزاه خير ويوفقه وين ما كان ويعطيني رقم 16، والحمد لله تقريبا الساعة 10:25 جاء دوري ورحت أعطيتها الأوراق، قالت لي انتظر شوي اناديك عشان تدفع خلال وقت الانتظار معاي رقم 37 وحبيت ابحث عن شخص كبير في السن او اشخص معه اطفال واعطيه رقمي، ناظرت وجت عيني على واحد من رجالنا على الحد الجنوبي الله ينصرهم ورحت سألته وكان رقمه 50، وعطيته رقم 37 المهم الساعة 11 نادتني الموظفة وكملت الاجراءات ودفعت مبلغ 521 ريال رسوم التأشيرة لتشخصيين ( يوجد عندهم شبكة )، سألتني إذا أبي ارامكس توصل الجوازات أو استلمها، وطلبت استلمها من المركز. وقالت لي انتظر عشان التبصيم انتظرت لين 11:15 تقريبا، ونادوني للتبصيم، بصمت انا زوزجتي وبكذا نكون خلصنا. جاتني رسالتين لحد الآن، الاولى استلام والرسالة الثانية انها تحت الاجراء بإذن الله راح أزودكم بالتاريخ عند استلام الحوازات بإذن الله تحديث يوم الخميس 27/06/2019 شيكت على التتبع وطلع لي ان الجوازات جاهزة للاستلام تقريبا 9 أيام مع الويكند، يعتبر شئ جميل وطلعت بسرعة مريت عليهم اليوم واستلمت الجوازات عطوني 3 شهور فقط :2: من يوم السفر بتاريخ 7 اغسطس إلى 19 نوفمبر 2019 الحمد لله على كل حال، |
يعطيك العافيه وفالك تاخذ التأشيرة بأطول مدة عندي كم استفسار 1-الشييك ليست وحده لجميع الطلبات ولا كل طلب خذوا شييك ليست؟ 2- ختم وثيقة التأمين موجود في نفس الصفحة اللي فيها الأسماء لاني أمنت عند تكافل الراجحي طلع لي الختم في الصفحة الثانيو وصفحة الاسماء والبيانات بدون ختم؟ 3- صورة الهوية وكرت العائلة يحتاج ترجمة ولا؟ 4- هل يحتاج حضور الأطفال اقل من 12 سنة ؟ واسف طولت عليك ومشكور |
الله يعطيك العافيه وش هي التشك لست اذا تقدر ترفقها لاني قريب بطلع ومجهز الاوراق بس مامر علي التشك لست هذي اتمنى تفيدني |
ما شاء الله تفاصيل دقيقة و تجربة مفيدة للجميع نشكرك على طرحها برافو عليك مرتب نفسك من بدري و مجهز اروراقك لكن الصيف دايم زحمة زي ما دعيت للي عطاك هو يدعيلك أكيد خدمتهم واجبة ما قصروا رجالنا على الحد الجنوبي الله يسعدك |
اقتباس:
http://www.vfsglobal.com/Germany/Sau...-checklist.pdf |
اقتباس:
الله يعطيك العافيه تسلم والله لكن هل هي مطلوبه من كل السفارات ؟؟ |
اقتباس:
الإجابات باللون الأزرق.. |
اقتباس:
http://www.vfsglobal.com/Germany/Sau...-checklist.pdf يعافيك ربي |
اقتباس:
حفظك الله |
بشرنا اول ما تستلمها ,,,,,,,,,,, |
شكرا لك |
ماشاء الله . وجزاك الله خير على مساعدة اخوك . بالنسبة لي قدمت بتاريخ 11/6 , ولم تصلني اي رسالة لحد الان . لا استلام جواز ولا تحت الاجراء . علماً دافع كل شي . واليوم 22/6 |
يعطيييك العافية ان شاء الله يمديني احجز موعد قريب |
اقتباس:
الطلب إلى الآن تحت الاجراء |
اقتباس:
|
اقتباس:
تابع حالة الطلب من هنا: اضغط هنا دخل رقم الطلب اللي جاك على الرسائل ويطلع لك English:Your Visa Application ref no RIYA/****/****/**is under process. |
اقتباس:
بالتوفيق، غالبا تحصل موعد بعد اسبوع او 10 ايام من وقت الحجز وأنصحك تحجز موعد الصباح عشان تخلص أسرع |
اقتباس:
|
اقتباس:
ترا ناس كثير ما جاءت لهم رسائل و السيستم ما أعطاهم معلونات عن وضع الجوازات و في الأخير صدرت الفيزا و السيستم ما زال نفس الوضع و بدون رسائل أشعار ... |
الله يسهل أمورك أنا قدمت أوراقي من تاريخ 10 / 6 و لين الحين ماجات الموافقه و كل ما استفسرت يقولون للحين الجوازات في السفارة بسالك الحين لازم كشف الحساب لازم يكون من نفس الحساب اللي فيه الراتب ؟ :15: |
اقتباس:
حاول تمر على مكتب التأشيرات وشيك هناك بالنسبة لكشف الحساب انا قدمت كشفين حساب الاول للبنك القديم اللي كان ينزل فيه راتبي، والثاني اللي نزل فيه آخر راتب لي والموظفة أخذت الكشفين انا حطيت الحساب اللي فيه الراتب عشان يبين عندهم الراتب ينزل كل شهر + مقارب لتعريف الراتب والله يوفق الجميع |
يعطيك العافيه حبيبي و الله يسهل امورنا وامورك يارب |
الحمد لله وصلت التاشيرة اليوم و جات الموافقة سنة كاملة |
مبروك . وسفر سعيد بإذن الله . ماشاء الله . من جده والا الرياض. وقت انجاز سريع ماشاء الله. انت قدمت يوم 18/6. وانا 11/6 وللان كل ما اتصل يقولوا في السفاره |
اقتباس:
بالتوفيق وان شاء الله سفرة سعيدة |
تحديث يوم الخميس 27/06/2019 شيكت على التتبع وطلع لي ان الجوازات جاهزة للاستلام مريت عليهم اليوم واستلمت الجوازات عطوني 3 شهور فقط :2: من يوم السفر بتاريخ 7 اغسطس إلى 19 نوفمبر 2019 الحمد لله على كل حال، |
مبرووووك الفيييزا سفرة سعيدة ان شاء الله عندي سؤال بس تعريف الراتب كيف صدقته إلكتروني ؟؟ |
اقتباس:
مبروووك والله واتمنى لك رحلة سعيدة يارب :e50e: |
اقتباس:
مسؤولين الـ HR هم اللي جابوه لي طلبت التعريف وفي نفس اليوم ارسلوا لي ايميل فيه رابط لموقع الغرفة التجارية ورقم زي الباسوورد وبعدها تحمل عندي التعريف هذي صورة للتعريف اللالكتروني الصفحة الثانية ما صورتها لكن بالانجليزي http://www.m5zn.com/newuploads/2019/...fcc95f5d57.jpg |
اقتباس:
|
الله يعطيك العافيه على مشاركتنا تجربتك ، سفره سعيده ان شاء الله .. |
| الساعة الآن 09:34 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO