|
استفسارات عاااجلة ، موعدنا بعد بكرة " الألمانية " السلااام عليكم أتمنى تكونوا بخيير جميعًا .. :6: السالفة أن فجأة زوجي قرر يطلع إجازة ونسافر ع أوروبا هالشهر ويلا ركض شووفوا موووعد ، وجهزوا أوراقكم موعدنا بعد بكرة ، يوم الثلاثاء في المكتب الموحد بالخبر .. ولكن !!! فيه كم شغلة أبي أتأكد منها قبل نرووح الأولى/ فيه خطأ بالترجمة في ورقة الموعد اللي رسلوها عالإيميل ، بالإنجلش تمام بس بالعربي مكتوب أن الوجهة فرنسا ! فمدري وش شوركم ؟ أتواصل معهم ولا ما يحتاج ؟ الثانية/ بالتجارب اللي كتبوها الاعضاء يعطيهم العافية ، كاتبين مطلوب الجواز موقع من صاحبه في الصفحة الثالثة .. كيف يعني ينفع أكتب شي بالجواز ؟ مو المفروض وثيقة رسمية ما ينفع أكتب شي فيها ؟ ولا القصد بصمة اصبع ولا كيف ؟ الثالثة/ خطاب الكفالة أو تكفل الزوج بالمصاريف ، يُعبأ يدويًا ولا ؟ لأن ما لقيت نموذج تعبأته إلكترونية ! الرابعة والأهممم:28::28::28: / زوجي بعد ما طلب تعريف الراتب من الشركة قالوا له يروح الظهران يستلمها ولما قالهم يرسلوها ع الإيميل قالوا إنه السفارة ما راح تقبله !!! فهل صحيح لازم يروح يستلمها ولا ينفع يرسلوها إيميل ونطبعها ؟؟ وبعععععععد قرأت إن تعريف الراتب إذا من شركة خاصة لازم ختم الغرفة التجارية بس البعض يقول إن التصديق من الغرفة التجارية للشركات الصغيرة فقط ، فهل صحييح هالكلام ؟ زوجي موظف في شركة تابعة لأرامكو و خايفة أن الوقت ما يمديه يستلم ورقة التعريف ويصدقها في ظهرية يوم ..:28: لا تقصروا بالرد ، وادعوووا لنا تتسهل أمورنا يعطيكم العافية:e030: |
وعليكم السلام بالنسبة لموضوع تعريف الراتب الآن كل السفارات تقبل تصديق الكتروني وبالإمكان طباعة التعريف إذا كان مصدق من أي مكان عبر موقع الغرفة التجارية مثال غرفة الرياض من خلال الرابط https://mybusiness.chamber.sa/Login.aspx وهو معتمد لدى جميع السفارات ما عدى سفارة الفلبين والتي لا تقبل التصديق الالكتروني |
أول ما تدخلين على الرابط تدخلين على خيار " سند " وتضعين رقم العضوية ورقم الوثيقة أو حتى يمكن إرسالها عبر الإيميل أو الواتس أب ومن ثم طباعتها |
و عليكم السلام و رحمة الله و بركاته .. الأجابات على تسأؤلاتك كالتالي: الأولى/ فيه خطأ بالترجمة في ورقة الموعد اللي رسلوها عالإيميل ، بالإنجلش تمام بس بالعربي مكتوب أن الوجهة فرنسا ! فمدري وش شوركم ؟ أتواصل معهم ولا ما يحتاج ؟ عادي نفس الشئ حصل معاي في ورقة الموعد طالع فرنسا بس في نظام المواعيد في المكتب الموحد يظهر أن الموعد مع السفارة الألمانية. الثانية/ بالتجارب اللي كتبوها الاعضاء يعطيهم العافية ، كاتبين مطلوب الجواز موقع من صاحبه في الصفحة الثالثة .. كيف يعني ينفع أكتب شي بالجواز ؟ مو المفروض وثيقة رسمية ما ينفع أكتب شي فيها ؟ ولا القصد بصمة اصبع ولا كيف ؟ عادي فيه خانة للتوقيع و مسموح التوقيع فيها الثالثة/ خطاب الكفالة أو تكفل الزوج بالمصاريف ، يُعبأ يدويًا ولا ؟ لأن ما لقيت نموذج تعبأته إلكترونية ! موجود نموذج بحاول أضيفه الرابعة والأهممم " تعريف الراتب" من الشركات الكبرى و الجهات الحكومية ما يحتاج تصديق و الختم الألكتروني يكفي أن شاء الله يابتوفيق |
1 مرفق بالنسبة للشي اللي ما أشير له في ردود الاخوان هو نموذج تكفل بالمصاريف ووضعته كمرفق في الرد . |
يعطيكم العافيية جميييييعًا ���� دعواتكم بالتسهييل �� |
اقتباس:
ماقصروا الاخوان يعطيهم العافيه وبالتوفيق لك اخت سارة وفالك الفيزا ان شاء الله |
ماقصرو |
| الساعة الآن 12:45 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO