|
تجربي في المكتب الموحد لاستخراج التأشيرة النمساوية الاسبوع الماضي كان موعدي في مكتب التأشيرات الموحد VFS في مدينة الرياض لأصدار تأشيرة شنغن من سفارة النمسا الموعد كان الساعة 10:00 صباحاً ، حضرت الساعة 8:20 صباحاً والحمد الله كنت من اوائل الحضور وكان رقمي الـ3 مجهز جميع الاوراق المطلوبة ، ضروري كل الاوراق المطلوبة تكون مصورة وموزعة على عدد طالبين التأشيرة " حجوزات فنادق طيران سيارة ، تعريف الراتب ، فيزا ..." الساعة 9:10 قدمنا اوراقنا عند موظفة سعودية كانت مميزة وهادئة طلبت اوقع على عدد من النماذج وكذلك طلبت نسخة للتوقيع الشخصي الموجود في دفتر الجوازات الساعة 9:40 بعد الانتهاء والتأكد من صحة الاجراءات طلبت أسدد 529 ريال عن شخصين عند كونتر السداد بنفس المكان وجلسنا مدة 15 دقيقة وصوتت على اسمي واسم زوجتي عشان نبصم عندها ولا يحتاج ندخل الغرف المخصصة للتبصيم وبالاخير قالت موفقين ملاحظات منوعة : - صورت عندهم 5 اوراق بـ 12 ريال - في حال هناك تنقلات بين المدن الاوروبية مثلا زيلامسي و ميونخ لازم يكون هناك حجز سيارة - الرصيد لا يقل عن 20 الف ويحسب على حسب افراد العائلة - زحمة مو طبيعية لكن الحمد الله بسبب القدوم المبكر انتيهت وتسهلت كل الامور - وقفت بالمواقف امام المكتب وطلع الموقف غلط وجتني مخالفة مروريةâک¹ï¸ڈ - مكتب الشنغن فوق الدور الثاني واستلام الارقام قبل الدخول للمكتب - لاحظت الكثير يجي الاوراق غير مكتملة نهائيا رغم وضوح الطلبات - عند الانتهاء من كافة الاجراءات وصلتني رسائل SMS تفيد بستلام الطلبات الشكر اولا لله ثم للمنتدى المميز لأني فعلاً استفدت كثير من تجارب الاعضاء وتجارب المشرفين الاعزاء على استفساراتي أعتذر عن الأطالة وحبيت اطرح تجربتي ممكن تفيد الباحثين عن هذي المعلومات |
مشكور أخي djooo على مشاركتك لنا تجريتك في أستخراج التأشيرة و أن شاء الله رحلة موفقة |
رحله موفقه بأذن الله |
اخوي هل تم تصويرك انا رحت لهم وسويت كل شي وبصموني فقط . سمعت ان فيه تصوير لكن ماقالوا لي عن التصوير النمسا طبعاً |
اقتباس:
|
موفق يا غالي ملاحظات مهمة اللي ذكرتها الاجراءات سهلة لكن كثير يجي أوراقه ناقصة وبالتالي يأخر نفسه و يأخر غيره لذا الاستعداد المبكر و تجهيز الطلبات و ترتيبها مهم جدا قبل الموعد |
شكرا ماقصرت |
الأخ العضو djooo السلام عليكم ورحمة الله سؤال عن كم مدة استخراج تأشيرة النمسا؟ وكم الرسوم؟ وشكرا. |
اقتباس:
|
متى قدمت اوراقك بالظبط؟ وهل تغيير شيء معك في حالة الطلب؟ عندي حالة الطلب under process من 7/21 ماتغييرت |
يعطيك العافية ومشكور على المعلومات ممكن تزودنا بقائمة الطلبات اللي انت قدمتها ايش اخذو منها وايش رجعوا موعدي الاحد القادم |
اقتباس:
وكلمة ياريت ما تعمر بيت بطريقك للمركز فيه مواقف بفلوس ليت باقي الاعضاء يقرأون المواضيع قبل لا يروحون امس رحت اخذ جوازي بالقوة طلعت ع بالي العالم واقفه عند الاشارة طلعوا واقفين قدام المركز وكأني سمعت السكيورتي يقول الموظفين اذا مالهم مواقف بالمركز يوقفوا بالفندق ( موظفين المركز ) لكن ما ذكرت كم المدة الي اعطوك اياها سنة او اشهر ؟ |
السلام عليكم انا استخرجت فيزا سويسريه.. وراح انزل في مطار جنيف.وراح اسكن في الجانب الفرنسي اول ليلتين بعدها بطلع لانترلاكن 3 ليالي وباقي المده بألمانيا 7ليالي.... هل فيه مشكله عند دخول المطار مع العلم بأني لم اقوم بحجز فاندق المانيا الا بعد دخول سويسرا |
بالتوفيق لك ف رحلتك â¤ï¸ڈ |
اقتباس:
نصيحه خذ معاك حجوزات وهميه او تلغيها بعد ماتختم الجوزات وتكون مدة اقامتك في سويسرا اكثر عشان ماتصير لك مشاكل مثل اللي نسمعها |
لابد من التحضير الجيد قبل تقديم الاوراق |
اقتباس:
يعني طلعت من السفارة والان في المكتب الموحد... فمريتهم اليوم في الخبر. قالوا بكره ان شاء الله تستلمها... |
ماشاء الله بالتوفيق |
مساء الخير عندي حالة الطلب under process من 7/28 الى اليوم 8/16 ما تغيرت حاولت اتواصل معهم بس ما عرفت شلون الطريقة اتصلت على المكتب يقولون لي في السفارة بس ما ادري شلون اتواصل مع السفارة هل هذا التاخير طبيعي ؟ سفارة النمسا |
اقتباس:
|
اقتباس:
من خلال هذا الرابط وتدخل رقم التتبع الي اعطوك ويبين حالة الطلب |
تعريف الراتب هل يكون مترجم ؟ لان عطوني اياه بالنسخة العربية |
اقتباس:
وذا ما فيه لغة انجليزية روح لمكاتب الترجمة يترجمونه ويختمون عليه |
اقتباس:
|
سفرة موفقه ان شاء الله.. سؤال خارج الموضوع عندي رحلة بعد كم شهر جدة ميونخ والعودة ايضا ميونخ جده لكن ماراح اجلس في ميونخ الا يومين وقارمش في المانيا 3 ايام والباقي 10 ايام راح اقضيها بمشيئة الله في النمسا بين زيلامسي وكابرون وسالزبورغ سؤالي في هذه الحالة استخرج شنغن نمساوي ولا الماني |
| الساعة الآن 11:38 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO