شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   فيزا شنغن (https://www.arabtrvl.com/vb/f32.html)
-   -   تجربتي في استخراج فيزا شنغن ايطالية من المركز الموحد بالرياض (https://www.arabtrvl.com/vb/t42366.html)

Muatha 03-08-2019 12:46 PM

تجربتي في استخراج فيزا شنغن ايطالية من المركز الموحد بالرياض
 
السلام عليكم ورحمة الله وبركاته
اخباركم ؟؟
اول شي امسي عليكم بالخير :63:
ثاني شي بسردلكم تجربتي في استخراج الفيزا الايطالية والمتطلبات ..

في البداية كان الي بيسافر فقط انا وولد خالي طبعا الصملة ما جت الا قبل شهر تقريبا وفي يومين من الصملة حجزنا الموعد والتأمين في تاريخ 28 يونيو الخ..

دخلنا على حجز المواعيد من موقع المركز الموحد وحصلنا موعد في تاريخ 14 يوليو وبسبب تهاون مني وعجز قلت بدخل الليل واحجزه وأأكد الموعد وادفع ان شاء الله .. فجأه ادخل الليل وما احصل موعد الا بتاريخ 25 يوليو وهنا الطامة لكن قلت الشكوى لله مالنا غير هالموعد وفعلا حجزت ودفعت واكدنا الموعد بقيمة 68 ريال للشخص الواحد..
وبعد اسبوع تقريبا من حجزنا للموعد احد عيال العم قال بخاويكم ودخخلت بحجز له موعد معنا للامانة ماقدرت واذا كان فيه طريقة فإني ماعرفت لها لكن حجزت له موعد بتاريخ 1 اغسطس بعدنا باسبوع.

صار عندنا وقت طويل نحجز فيه ونبحث اكثر والحمدلله هذا الي صار بدون ضغوطات وبدون توتر لاني بكل امانة ماحب قصة الحجوزات الوهمية وخصوصا اني مسافر وناوي ايطاليا لاني من محبينها.

قبل اسبوعين تقريبا من الموعد سويت هذي الورقة وبكل أمانة الحمدلله ريحتني كثير بدال قروشة وش ناقص عندك من اوراق ووو ..

[IMG]https://4.top4top.net/p_1310ix3n41.png[/IMG]

تأكدت من جميع المتطلبات عندي وعند الشباب ورحنا للموعد زي ماقلتلكم بتاريخ 25 يوليو الساعة 10 الصبح ,, طبعا جينا للمركز الموحد الي بالرياض الساعة 9 الصبح ومع السرا والتفتيش وصلنا لمدخل التأشيرات الشنغن عند الكاونتر الي يعطيك رقم الساعة 9ونص يعني باقي نص ساعة على الموعد لكن اكتشفت شي انهم ما يأخذون بأوقات المواعيد لكن يأخذون بالارقام وللامانة هذي نقطة سلبية شفتها ..
المهم خذنا رقم ورحنا جلسنا ننتظر تقريبا نص ساعة او اكثر بعد كان الي على الكاونترات سعوديات الا واحد هندي والحمدلله هذا شي مفرح انه بدأ يتسعود وفرق بالاسلوب 380 درجة عن الهنود الي قبل ..
وصل موعدنا وجميع اوراقنا جاهزه معنا بملف لي وملف لولد خالي , اول ما وصلنا للكاونتر طلبت ورقة الموعد + رقم الانتظار الي خذناه اول ما دخلنا , بعد ذلك طلبت جميع الاوراق الي معنا انا اولا بعد ذلك ولد خالي .. طبعا الحمدلله جميع اوراقنا كاملة ما ردونا في شي ابدا ولا قالوا لنا شي الا فقط سؤال واحد وهو : عطنا سير رحلتك ووين بتجلس اكثر ؟ وطبعا جاوبتها وبعد كذا جاء ولد خالي ونفس الشي , ما رجعت ولا ورقة من المتطلبات الا الصور الشخصية لاني كنت مرفق ست صور وخذواا هم ثنتين فقط .. اكتشفت ان قائمة الشيك ليست مطلوبة عندهم لان ماتقدر تعتمد اوراقك وتحطها بالملف الا بعد ما تأشر بصح على جميع المتطلبات .. عطتنا الفاتورة بالأخير وسألت اذا تبون تستلمون الجوازات هنا والا عن طريق اراميكس طبعا قلنا هنا*المركز الموحد* , كان الاجمالي 263 ريال شامل خدمة الرسائل النصية .

بعد ما خلصنا دافعين عطتنا وصل استلام الجوازات .. وانترنا ينادون بأسامينا عشان التبصيم وانا كان عندي فيزا شنغن العام الماضي *فرنسية* وقلت للموظفة اني مبصم لكن قالت لي ان السفارة الايطالية ماتعترف بالبصمات القديمة ولازم تبصم كل ماجيت تطلع تأشيرة ايطالية , قلت امرنا لله وبصمنا وخلصنا ومشينا .

مقدم الخميس 25يوليو الساعة 10 الصبح ,, يوم الثلاثاء 30 يوليو الساعة 5وربع ارسلوا لي جوازك جاهز تعال استلمه , طبعا ولد خالي ما ارسلوا له لكن توقعت ان فيه خطأ او الرسايل ما وصلت واننا بنفس ايصال الاستلام لازم يكون الجوازين جاهزات .. رحنا للمركز الموحد يوم الاربعاء نستلم الجوازات والحمدلله صار فعلا جوازي جاهز واستلمته بتأشيرة ايطالية مدتها سنة , لكن ولد خالي قالوا لنا ان جوازه ماخلص وللحين بالسفارة .

طبعا خوينا الثالث كان موعده زي ماقلت بتاريخ 1 اغسطس وخليته يسألهم عن السبب في تأخر اصدار جواز ولد خالي , قبل ذا كله موعد خوينا كان الساعة 12 الظهر وراح لهم من تسع وقالوا له موعدك الساعة 12 الظهر وش جابك الحين وعطاهم كذبة ان موعد ربعي يوم الخميس الساعة 12 الظهر ومدخلينهم انتم الساعة 9 :32: ومشت عليهم ودخلوه وخلص قبل 10 الصبح.
وزي ماقلت لكم خليت خوينا الثالث يسألهم عن سبب عدم اصدار جواز ولد خالي مع اني مقدم انا وياه بنفس الوقت , قالوا له ان اكيد السبب في ان الي طلعت فيزته علطول عنده تأشيرة سابقة وان الي ماطلعت فيزته للان ماعنده فيزا ,, وكان فعلا صحيح ولد خالي ماعنده فيزا سابقة نهائيا ولكن انا عندي وبس والله في انتظار جوازات الشباب تطلع ان شاء الله ونبشركم .

شكرا لكم وعذرا على الايطالة :e303: .

Muatha 03-08-2019 12:51 PM

طبعا من لا يشكر الناس لا يشكر الله , موضوع استخراج فيزا ايطالية خطوة بخطوة 2019 في هالقسم كان له الفضل الكبير في معرفة المتطلبات .. شكرا لكم من القلب .

somayh 03-08-2019 02:41 PM

مفيد جدًا
جزاك الله خير

alradadi 03-08-2019 09:33 PM



عليكم السلام


ما شاء الله مبروووووك الفيزا وعقبال الشباب بأذن الله بس لا اوصيك جهز الكاميرا واذا رجعتم بالسلامه اكتب التقرير المضبوط


اتمنى لكم التوفيق

آخـــرفـــرصـــة 04-08-2019 08:38 AM

1000 مبروك التأشيرة لك و للشباب
اهنيك على هذا الترتيب الرائع والتجهيز المثالي
تجربة لابد يطلع عليها الجميع قبل التقديم

استعدادكم من بدري خلاكم تروحون المركز وانتوا مرتاحين بدون اي ضغوط أو قلق

شكرا على طرح تجربتك للفائدة

Muatha 04-08-2019 11:36 PM

اقتباس:

المشاركة الأصلية كتبت بواسطة somayh (المشاركة 489860)
مفيد جدًا
جزاك الله خير

حياك الله

Muatha 04-08-2019 11:37 PM

اقتباس:

المشاركة الأصلية كتبت بواسطة alradadi (المشاركة 489904)


عليكم السلام


ما شاء الله مبروووووك الفيزا وعقبال الشباب بأذن الله بس لا اوصيك جهز الكاميرا واذا رجعتم بالسلامه اكتب التقرير المضبوط


اتمنى لكم التوفيق

الله يبارك فيك
باذن الله .

Muatha 04-08-2019 11:43 PM

اقتباس:

المشاركة الأصلية كتبت بواسطة آخـــرفـــرصـــة (المشاركة 489971)
1000 مبروك التأشيرة لك و للشباب
اهنيك على هذا الترتيب الرائع والتجهيز المثالي
تجربة لابد يطلع عليها الجميع قبل التقديم

استعدادكم من بدري خلاكم تروحون المركز وانتوا مرتاحين بدون اي ضغوط أو قلق

شكرا على طرح تجربتك للفائدة

الله يبارك فيك استاذي
شهادة اعتز فيهاا :6:
العفووو

Muatha 04-08-2019 11:44 PM

ابشركم اليوم العصر ارسلوا رسالة لولد خالي ان الجواز جاهز تعال استلمه الحمدلله.

waleed8911 27-08-2019 01:56 AM

اقتباس:

المشاركة الأصلية كتبت بواسطة Muatha (المشاركة 490144)
ابشركم اليوم العصر ارسلوا رسالة لولد خالي ان الجواز جاهز تعال استلمه الحمدلله.


علمنا وش صار عليه


الساعة الآن 10:19 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO