|
موظف مركز الفيز الموحد بالرياض ( فرنسا ) السلامعليكم و رحمة الله و بركاته أسعدالله مسائكم / صباحكم بكل خير .. أحدالزملاء كان يسألني بخصوص التقديم على ( الشنغن ) و الأوراق و الطلبات بحكم أنيقدمت و أستلمت تأشيرتي قبل فتره .. عطيته كل المعلومات و عبيناالنماذج و جهزنا الأوراق و الحجوزات ( السكن - السفر ) الحجز السكن يبدا من تاريخ( 7 يوليو ) لكن الرحلة مساء يوم ( 6 يوليو و الوصول صباح 7 يوليو) .. المهمرحت معه للمركز يوم الأثنين الماضي قدمنا الأوراق للموظف ( آسيوي) تفجأنا ان الموظف يقول ان حجز السفر مو مطابق للسكن لأن فيه يوم بنكون فيهبدون حجز شرحت له وقت الوصول لكن ما أقتنع ابد و رفض يسمع لنا !!! قاللكم نص ساعه عدلو الحجز او احجزوا موعد جديد ..!!! صراحة تنرفزنا من تعامل الموظف و طريقة كلامه و اسلوبه ( قعدنا نشرح له لكن مايبي يقتنع بشي أبد ) رحنا للمكاتب اللي قريبه من المركز و قال لنا واحد خذوا حجز وهمي بنفس التواريخ معحجز السكن فقلت يالله نجرب مع ان حجوزاته رسميه رجعنا للمكتب و عطونا رقم جديدانتظرنا تقريبا ساعه عشان نسلم الاوراق ( نفس الموظف اختفى سألنا عنه قالوا موموجود ) استلموا الاوراق و طابقوها و طلع كل شي تمام و بصم زميلي و سلمهم الجواز . طبعا شفت موظفه تشيك على الموظفين وقفتها و سألتها عن وظيفتها طلعت مسوؤله عنهم شرحت لها الموضوع كامل و اللي صار قالت الموظف ماله شغل طالما الاوقات واضحه و التواريخ تمام و اوراقك كامله ماله شغل يعطل او يأخر الموضوع أبدا لكن هذا ايميل المركز أرسل شكوى على الموظف و مالك الا اللي يرضيك .. حبيت انقل لك هالتجربه اللي ماكانت طيبه ابد مع اني منصدم من الشي اللي صار .. |
وعليكم السلام ورحمة الله بصراحة الاسيويين الي شغالين هناك مع الاسف سيئين جدا!! سبق وتعاملت معهم قبل كم سنة من اسوء الاشخاص الي ممكن تتعامل معهم.. الحمد الله على نعمة السعوديات قمة في الادب وحب التعاون في نفس الوقت من تجربة والله |
اقتباس:
أتمنى يعطون الشباب فرصه لو تلاحظ الأرقام في قسم العوايل تمشي بسرعه مقارنه بالقسم اللي احنا فيه مافيه زحمه لكن لازم تطول عندهم .. حتى في التبصيم ماتطول تخلص بسرعه بدون تعقيد |
اقتباس:
ويوم الاحد بعد عندي موعد وظيفة مع مركز التاشيرات شكلي بسحب عليهم ادارة تعبانه وانا موظف بشركة امريكية يوم الاحد مقابلة شخصية مع التوظيف لاني سالت موظفين يقول لنا حقوق ما استلمنا شكلي اعتذر منهم بقول ما بجي للوظيفة خبرنا بتاشيرة هل قدمت لان حجز طيران بيكون وهمي |
اقتباس:
شهادة حق موعدي كان معهم ميسر بدون مشاكل .. لكن موعد زميلي تفاجات من الشي اللي صار .. اما بخصوص الوظيفة ( أستخير ) |
اقتباس:
طلال خلك على موعدك عشان تصير واسطة لنا ههههه القصد شوف الراتب والمميزات يمكن تكون أفضل و امكانية أنك تتقدم بالوظيفة كبير لعدم وجود خبرات متميزة :58: |
وعليكم السلام هلا يا غالي لاحظت خبرة بعض الموظفين ضعيفة ويقومون بمخالفات صريحة لأساسيات عملهم كأن يرفض مستند ما أو يقدم النصح وهو غير مؤهل لذلك من زمان طالبت بسعودة جميع الوظائف بهذا المكتب لا أن يكون السعودي حارس أمن أو موظف تعقيب فقط والهدف انسيابية أكثر في العمل وسرعة انجاز أعلى أن يتم احضار عمالة (موظفين) برواتب منخفضة كما يفعلون لن يساعدنا كمراجعين كثيراً و الاولى توظيف من يملك سيرة ذاتية ممتازة وان زاد راتبه لخدمتنا لأننا ندفع مقابل ذلك رسوماً لهم اتمنى من السفارات تعيين أكثر من مكتب لتقديم الخدمة و ذلك بهدف رفع روح المنافسة و تقديم خدمة أفضل للمراجعين :58: |
ليش العنصرية؟؟؟ :30: |
اقتباس:
وين العنصرية يا غالي سعودة الوظائف حق مشروع |
اقتباس:
الوضع الحاصل في قسم الأفراد مو أحترافي أبدا ( من بعض الموظفين ) .. ( لو أنت تشوف بعض العمالة الاسيويين يشتغلون كمعقبين هناك و يتجاوزون العالم اللي بمواعيد )* القسم الخاص بالعوائل أغلبيته من بنات البلد و سرعة الأنجاز متميزه في مركز الفيز الموحد كامل ( أتكلم عن فرع الرياض ) ,, |
اقتباس:
المشكلة أني مدحت شغلهم لزميلي و قلت متميزين لكن اللي صار عكس الموضوع كله حتى الموظف اللي عقده أختفى يوم رجعنا ,, الموظف الثاني اللي رجعنا له سألنا ليش متأخرين على موعدكم و عطيناه رقم الموعد الأول و قلنا له صار مشكله في الحجز و تفهم الموضوع و راجع الأوراق و النماذج و سددنا الرسوم و بصمنا و ننتظر حاليا الاتصال لتسليم الجواز ,, |
والله صار لي نفس الموقف في الرياض لما قدمت على فرنسا الموظف الهندي رجع لي نص الأوراق يقول ما يحتاج صارخت عليه وقلت بيرفضوني بسببك وفهمته اني مقيم ولازم ادعم ملفي بشكل قوي اما في قسم إيطاليا كانت موظفة سعودية وتعاملها معاي بشكل لطيف أتمنى أن يكون جميع الطاقم من الموظفات السعوديات تعاملهم افضل من الرجال بشكل عام |
السلام عليكم و رحمة الله و بركاته .. أتفق مع الجميع فيما يتعلق بعدم أحترافية الموظفين الذين يستقبلون طلبات التأشيرات في المراكر الموحدة و بالفعل بعضهم يفتقد إلى المهنية في التعامل مع الطلبات .. "بدون خبرة" بإستشناء الموظفات السعوديات في المركز الموحد لبعض السفارات في أحترافيتهم و المهنية العالية التى أبدوها في التعامل مع المراجعين ... و نتمنى أن نشوف أبناء و بناء الوطن في هذه المراكز .. بعيداً عن موضوع العنصرية التى أشار لها أحد الأخوة في رد له .. حبيت أضيف بأن VFS Global هي شركة أجنبية و تعمل حول العالم و في كثير من الدول نظام العمل لديهم يشترطون نسبة توظيف من موطني نفس البلد للسماح للشركات ببمارسة أعمالهم .. "و نتمنى أن نرى تطبيق لهذا النظام بقوة .. حتى لا يقال أنها عنصرية" بالتوفيق ... |
اقتباس:
و عليكم السلام و رحمة الله و بركاته ,,, صراحة انصدمت من طريقة التعامل اللي صارت ,,( مع ان تعاملهم كان معي متميز في موعدي بداية شهر فبراير ) .. احنا يوم نقدم الأوراق نجيبها كامله و نحجز و نتعب و في الأخير يجيك موظف يضيع تعبك لأنه مايبي يفهم أو يستوعب و يبي يمشي كلامه الخطأ عليك .. |
اقتباس:
شركة هندية |
اقتباس:
المهم أنها شركة أجنبية بغض النظر عن جنسية بلد الشركة |
الهنود يحسسونك انك بتاخذ التأشيره منهم الحمد لله ان الموظفين الحين سعوديين ومتفهمين |
بصراحة تعاملت مع موظفات قسم العوائل .. بنات سعوديات على قدر عالي من المهنية والاخلاق |
اقتباس:
فرع الرياض ماشفت الأ سعودي واحد ( اللي يعطيك ارقام ) الباقين ( أسيويين هنود و باكستانيين ) السعوديين ( بنات في قسم العوايل ) و أعتقد رجال الأمن فقط و المحااسب .. الأمنية يبدون بتوظيف الشباب ( السعودي ) بشكل تدريجي عشان ما تكرر نفس تجربتي أو تجربة الشباب الباقين |
اقتباس:
|
اقتباس:
الحمدلله اليوم أستلم تأشيرته ( 6 شهور ) ,,, |
اقتباس:
على البركة اخوي التاشيرة كم قعدت يوم ؟ ومتى تاريخ الفيزا هل بتاريخ الاصدار ام السفر؟ 6 شهور غريبة شوي |
اقتباس:
الله يبارك فيك أخوي .. قدمنا على الفيزة الأثنين و صدرت السبت و استلمها اليوم .. حتى أنا مستغرب عطوه 6 شهور ,, أنا مقدم بداية شهر فبراير و عطوني 3 سنوات ,, |
عندي سوال هل الفيزا تبداء بتاريخ السفر ام بتاريخ الأصدار؟ |
اقتباس:
تاريخ الأصدار |
| الساعة الآن 12:02 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO