|
تجربتي مع السفارة الفرنسية - الرياض السلام عليكم ورحمة الله وبركاته، الشكر لله ثم لأخي اخر فرصة على مجهوداتها الرائعة عن كيفية التقديم لاصدار الفيزا.. الله لا يحرمه الأجر ولجميع الأعضاء المتفاعلين تم التقديم على المركز الموحد يوم الأربعاء ٢٦/٢/٢٠٢٠ موعدي الساعة ١٠ الأوراق المرفقة كانت: ١-ورقة الموعد + تم دفع الرسوم ١١٧ عن طريق النت ٢-نموذج الفيزا ٣- كشف حساب شهرين فقط( طبعت ٣ شهور) ٤- تعريف من العمل ٥- تامين سفر ( الدرع العربي) عن طريق النت ٦- تذاكر السفر + حجوزات الفنادق ٧- إرفاق صورة من الجواز + بطاقة الأحوال+ صورة من الشنغن القديمة وكانت أسبانية + صورة من بطاقة فيزا السفر. ٨- صورة شخصية مدة الانتظار إلى وصول دوري تقريبا ١٥ دقيقة. الموظف راجع الأوراق وتأكد من سلامتها. ووجهني إلى الكاشير لتسديد الرسوم البالغة ٣٣٥ ثم التبصيم. اليوم الأربعاء ٣/٣/٢٠٢٠ شيكت على موقع السفارة اشوف وش صار على الجواز، وصار فيه تحديث بان تم إرساله إلى المركز الموحد. اتصلت عليهم قالو موجود تعال استلامه. استلمت الجواز وعطوني سنة وكنت ممني النفس أخذ اكثر بحكم جوازي جديد ١٠ سنوات. الفيزا بدات من تاريخ الإصدار ١/٣/٢٠٢٠ علماً بان تاريخ السفر بشهر ٧ ميلادي. مدري وش الفايدة اجل من تقديم حجوزات الطيران والفنادق إذا تاريخ إصدار الفيزا قبل موعد السفر..! استلام الجوازات إلى الساعة ٥ العصر. هذا باختصار. دمتم بود Sent from my iPhone using Tapatalk |
وعليكم السلام 1000 مبروك يا غالي ونشكرك على طرح تجربتك للفائدة سنة برضه مدة حلوة وان شاء الله الجايات أكثر :e306::e306: |
اقتباس:
الله يبارك فيك ياغالي، ومثل ماقلت سنة مدة كويسة اقتباس:
الله يبارك فيك |
الف مبروك تروح وترجع بالسلامة بس غريبة سنة المفروض سنتين اقل شي خصوصا انه عندك فيزا سابقة ووضعك المالي كويس |
اقتباس:
الله يبارك فيك انا مستغرب مثلك لكن الحمد الله سنة مش بطالة Sent from my iPhone using Tapatalk |
اقتباس:
غريبة و الله السنه ,, انا عطوني 3 سنوات و جوازي ينتهي بعد الفيزا بـ6 شهو تقريبا .. يوم أستلمت الجواز كان يستلم واحد معي جوازه جديد ( 10 ) سنوات عطوه 5 سنوات .. زميلي أستلم فيزا ( 6 ) شهور فقط .. كلنا تبدا الفيزا من تاريخ الاصدار |
اقتباس:
اتوقع تعتمد على الشخص الي يسوي ابروف للفيزا |
سؤال الحين اقدر ادخل النرويج او السويد بشنقن فرنسا ؟ كوجهة اولى وبدون معطيهم علم عند التقديم اني راح ازور هالبلدان |
اقتباس:
طبعاً نظام الشنغن واضح .. عند أستخدامك للفيزا لأول مرة يجب عليك أما الدخول من أحد مطارات الدولة المصدرة للفيزا(الفرنسية) و أن لم تتمكن فيجب أن يكون معك حجوزات فنادق في البلد المصدر تغطى المدة الأطول حتى و أن كانت حجوزات قابلة للإلغاء بحث تلغيها بعد دخولك النرويج أو السويد .. و بعد ذلك تصبح لك الحرية في التنقل بين دول الشنغن أو حتى الوصول إلى أي مطار رغبت .. |
الله يسهل دروبك |
بس غريبة مو يقولوا أن التأشيرة تبدأ من وقت الوصول والأخ يقول وصوله في شهر يوليو أجل ليش بدأ سريان التأشيرة من وقت الإصدار؟؟؟؟ |
اقتباس:
ما فيه مقياس أو نظام ثابت !! لا في بداية التأشيرة و لا في المدة بعض السفارات تعطي بداية الفيزا من أول وصول حسب تذكرة الطيران اللى قدمته أثناء الحجز و بعضهم من تاريخ الأصدار .. |
فعلا السنة هذي غريبة اصدارهم لبداية التأشيرة بتاريخ التقديم .. سبق لي و حصلت على عدة فيز شنقن ومن ضمنهم الفرنسية و كلهم كانو يعطوني من بداية الرحلة .. الا المره هذي عطوني زيك فاصبح بداية تاريخ التاشيرة هي بتاريخ يوم الاصدار .. |
وهذا الامر مزعج اعطى التاشيرة في تاريخ الاصدار وليس في تاريخ السفر! |
هالفيزا واجراءاتها والله انها من مايعيفك السفر لاوربا كلها يازين الشرق اسيا .. الطيارة وسلام عليكم السلام تصدقون لو يقولون ارسل اوراقك بالموقع ويشيكون عليك زي مايبون ثم يقولون سدد عن بعد وتلقا الاذن بالمطارات هناك اوتوماتيك انه احسن من سوالف رح وتعال موعد حضور موعد اوراق بصم .. موعد استلام والديباجه الطويله ذي والله ياهي سالفه صدق :14: |
اقتباس:
أتفق معاك أخوي أبو لجيـن .. 26 دولة أتفق على ملصق ورقي يوضع في الجواز يمنحك الدخول إلى دول أوروبا .. و لكن فشلوا في توحيد الأجراءات من حيث المتطلبات و المستندات و المدة الممنوحة سفارة تعطيك 30 يوم و سفارة تعطيك 1500 يوم :10: (4 سنوات يعني) طيب ليه التفاوت و أنتو دول أتفقوا على توحيد الأجراءات و تسهيلها للسواح !! سلم لي على الأمريكان بس .. أذا أعطاك .. عطاك 1800 يوم (5 سنوات يعني) :32: و لا تشيل هم غير ركوب الطائرة |
اهلا ابو معتز .. والله انها سالفه صدق والتباين بينهم غريب والاغرب انهم اقتصاديا محتاجينك ( كحركه سياحيه ) وعمليا هم لايردون 96% من الطلبات فماادري وش هالقصه الطويله بالنسبه لنا ( اللي خارج الرياض ) سالفه وضرب مشاوير لعلهم ان شاء الله يغيرون الاجراءات بعد السيد كارونا :25: |
| الساعة الآن 11:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO