تجربتي لشنغن فرنسا بتاريخ 8 سبتمبر 2021
 

السلام عليكم ورحمة وبركاته ..
مساء الخير عليكم جميعا
انقل لكم تجربتي اليوم في مركز التأشيرات الموحد بالرياض شنغن فرنسا انا وزوجتي وبنتي عمرها 5 سنوات ، موعدي كان الساعه 10 ونص جيت 9 ونص رفض السكيورتي يدخلني الى الساعه 10 وغيري كثير رفض يدخلهم الي موعده 11 و 12 ، المهم دخلنا الساعه 10 واخذت رقم وجلست تقريبا ساعه الى ان جاء دوري اخذ ورقة الموعد والنماذج واعطيته نسخه من الشنغن قديمه فرنسيه انا وزوجتي واخذ صوره وحده فقط انا وزوجتي والبنت اخذ صورتين واخذه نسخه من حجز الطيران فقط واخذ نسخة من تعريف بالراتب ونسخه من فندق باريس وفندق امستردام واخر شهرين من كشف الحساب ورجعلي الباقي ونسخه من صورة معلومات الجواز لكل متقدم ونسخه مترجمه من كرت العائلة ولاطلب مني نسخة ترجمة الهويه واخذ نسخة من تأمين السفر الراجحي تكافل يشمل كوفيد لي انا وزوجتي وبنتي اخذ نسخه تأمين كوفيد من التعاونية ، ولا طلب مني جدول تخطيط الرحلة ولا طلب مني مثلا حجز قطار او سياره من باريس الى امستردام ،، شبه خلصنا الحمدالله اعطاني ظرف قال اكتب فيه عنوانك الي حاب يوصلك عليه الجوازات عن طريق ارامكس اعتقد ماعاد فيه استلام من المركز ، بعدها دفعت مبلغ 865 ريال رسوم الفيزا وتوصيل الجوازات عن طريق ارامكس ، بعدين بصمنا وتصورنا طبعا الاطفال اقل من 12 سنه مايحتاج حضورهم ولا يتصورون ولا يحتاجون تبصيم وفيزتهم مجانا الي اقل من 6 سنوات ، وبكذا انتهت رحلتنا الاولى الى باريس :5:

والشكر موصول لأعضاء المنتدى لطريقة الحصول على الشنغن بكل سهوله :e030:

امييين يارب ياليت 10 سنوات بعد مدة الجواز

طيب كيف اتتبع الجواز ؟؟ عطوني وصل لكن اي رقم بالضبط في الوصل ؟؟

وعليكم السلام ورحمة الله وبركاته
ممتاز تقريبا نفس طلباتي

الله يعطيك العافية

تحديث بخصوص موعد فيزا شنغن فرنسا بتاريخ 2021/9/8

الحمدالله استلمت اليوم الجوازت من ارامكس وفيها الفيزا انا وزوجتي اعطونا 3 سنوات وبنتي سنة لأن باقي وينتهي جوازها سنتين .

الإجراءات ماطولت قدمت الأربعاء ، امس الثلاثاء ارسلوا الجوازات على ارامكس واليوم استلمتها يعني تقريبا 3 أيام عمل بدون الويكند .

واعيد واكرر الشكر موصول لأعضاء هذا المنتدى لشرحهم جميع متطلبات الشنغن وهذا ماسهل علي الإجراءات الله يجزاهم الف الف خير .

والله اني احس متندم اني ماجددت جواز بنتي علشان يعطونها مدة اطول ونفتك لكن السفره قررنا لها والله فجاة بس حتى لو جددت في مشروع اخ او اخت قادم في الطريق يعني التقديم فيني فيني ههههههههههه:1::1::1:

الله يجزاك خير يبومعتز ماقصرت واشغلناك معنا

نعم رسائل التتبع هذي اقلقتني كثير اتضح لي انها لايعتمد عليها الا لمن تجيك رساله من ارامكس بإستلام الجواز