|
بعض الاشياء اللي تساعد على الموافقة وطول مدة التأشيرة السلام عليكم ورحمة الله وبركاته طبعا أولا أبوغسان ما قصر وضع شرح وافي طبق الشرح جيدا وراح تحصل على التأشيرة لكن أنا بقول لك حاجات تسويها وهي ليست اضافات، بل هي ملاحظات الملاحظة الاولى: إذا بتقدم تأشيرة ومعك أشخاص حاول تقدم لوحدك أفضل مثلا أنت ومجموعة من الاصدقاء خل كل واحد يقدم لوحده لا تكون أوراقكم مع بعض ولسبب أنت ممكن تستحق أكثر من سنة لك سفرات سابقة وأوراقك سليمة لكن رفعت أوراقك مع شخص أول سفرة له أو عنده مشكلة واعطوه سنة فقط ممكن يعطونك أنت ايضا سنة احتمال كبير. الملاحظة الثانية: المكاتب ما راح تكون أحرص منك فلا تعتمد على المكاتب طلع التأشيرة بنفسك ومثل ما قلت أبوغسان ما قصر حاط لكم شرح وافي يغنيك عن المكتب. الملاحظة الثالثة: احرص على الحجوزات تكون معقوله بمعنى مثلا بتطلع تأشيرة على السفارة الفرنسية وتسوي حجز 20 يوم في باريس فقط هذا خطأ حاول تنوع بالحجوزات مثلا تخلي باريس سبع ايام وانسي ثلاث ايام وانترلاكن خمس ايام بحيث ما تقل الايام عن 15 يوم وتكون موزعه على ثلاث مدن وتخلي تذكره الطيران الوصول باريس والعودة جنيف مثلا. الملاحظة الرابعة: المبلغ بالحساب مهم فحاول يكون رصيدك كافي وكل ما كان عالي كان أفضل. الملاحظة الخامسة: نسق حجوزاتك بمدة كافية بين موعد تقديم الأوراق وبين موعد الرحلة بحيث ما يقل عن شهر ونصف مثلا موعد تقديم الاوراق بشهر خمسة خلي موعد سفرتك بعدها بشهر ونصف طبعا اقصد للحجوزات الوهمية أما إذا لديك سفرة مؤكده حاول تقدم الاوراق بوقت كافي ما تقل عن شهرين وتجنب تقديم الاوراق في وقت ذروة السفرلأنه بيكون زحام مثلا فيه اشخاص يكون ناوي يسافر في شهر 11 هجري ويقدم اوراقه في شهر 10 هجري في هذا الحالة قدم قبل رمضان تقدر تقدم اوراقك قبل السفر بست شهور . الملاحظة السادسة: تأكد من كامل اوراقك خله زايده ولا تكون ناقصه خلهم يرجعونها لكن لا تكون ناقصة. |
يعطيك العافيه يا أبو منار الملاحظة الثالثه اشوف انها مهمه ان الحجوزات ماتكون في مدينه وحده ولفتره طويلة الواحد يحاول يختار اكثر من مدينه وأحلى شي لمن الواحد يسوي الفيزا بنفسه يعيش اجواء السفر من بدري ويبعد عن المكاتب مواضيع ابوغسان ماشاء الله موجوده لكل الدول .. |
اقتباس:
الله يعافيك قلبي فعلا تسويها بنفسك تكون اضمن وتعيش المتعة وابوغسان مواضيعة مرجع كامل وشامل وفيه ملاحظة نسيت اذكرها خل اسعار السكن معقولة يعني مو تحجز سكن بقية عالية ورصيدك المالي قليل لازم تتوافق حجوزاتك مع رصيدك المالي |
ملاحظات في مكانها يابو منار اتمنى الجميع يأخذها في الحسبان شكراً لك :e032: |
اقتباس:
|
مشكور ابو منار على النصائح الجميلة فعلا اغلب الاراء تقول ماقلت اليوم قدمت على الشنقل والله يتتم على خير |
اقتباس:
هلا بالغالي الله يسعدك وان شاء الله تكون مدة التأشيرة خمس سنوات وننتظر تجربتك والاخبار الزينة |
| الساعة الآن 03:34 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO