|
تجربة التقديم على فيزا الشنقن المانيا ٢ يونيو ٢٠٢٢ السلام عليكم طبعاً الأخوان في المنتدى ماقصروا وقبل يومين الأخ ابو كيان طرح تجربته في مكتب الخبر وافادني موضوعه كثير خاصة فيما يخص ترجمة كرت العائلة وتأمين كوفيد ١٩ عموماً راح ابدأ في تجربتي عدد المتقدمين ٤ (انا وزوجتي واختي وامي) في المركز الموحد بجدة الموعد حجزته الساعة ٣ عصراً بسبب عملي ولكن جاني اتصال قبل الموعد بيوم وطلبوا مني احضر بدري وتجديداً الساعة ١٠ صباحاً وماذكروا لي السبب وقلت لهم وقتها ما اقدر بسبب عملي لكن اقدر اجيكم الساعه ١٢ او ١ فقالوا مو مشكلة الساعه ١٢ طبعاً لاحظت انه مافي تركيز على وقت الموعد يعني لو موعدك ١ مثلاً وجيت ١٠ عادي المهم تكون مختم ورقة الموعد عند الإستقبال وموعدك في نفس اليوم (طبعاً الاجراء هذا متبع الأن قد يتم تغييره بكرة او بعده) وحقيقة اشوف هذا سوء تنظيم في الوقت الحالي وبشكل عام اصبحت من المتعودين على سوء التنظيم في المركز الموحد وبسبب الزحام سويت ترقية لصالة premium ومع ذلك اتضطريت للإنتظار حوالي ساعتين ونصف للانتهاء من جميع الاجراءات بمبلغ ٣٢٢ ريال شامل الضريبة طبعاً بالإضافة لرسوم حجز الموعد ١٦٢ ريال المستندات اللي اخذتها معي: - استمارة التقديم على التأشيرة من موقع videx (تم تعبئته الكترونياً) - جوازات السفر وصورة للصفحة الاولى من كل جواز وصور لتأشيرات شنقن سابقة (فرنسية , سويسرية) - صور عدد ٢ لكل شخص (مقاس 35mmX45mm) - تأمين كوفيد ١٩ وهذا بالنسبة للألمان متطلب مهم حالياً , طبعاً للتوضيح انا وزوجتي وأختي قمنا بالتأمين من موقع CareMad الالماني وتم تقديم اول ٣ صفحات منه قيمته ٦٣ ريال تقريباً على الشخص طبعا هذا بحسب قيمة اليورو اليوم , اما بالنسبة للوالدة فقمت بالتأمين لها من موقع تكافل الراجحي والسبب انه CareMed لا يقبل تأمين من هم فوق ٦٣ وقيمة التأمين كانت ١٤٠ريال بسبب العمر - وثيقة تأمين طبي للطوارئ والتعويضات على العلاجات من عملي وبالتحديد من بوبا ويشمل الوالدة هذا متطلب ماله علاقة بتأمين كوفيد ١٩ وهو مطلوب في كل تأشيرات الشنقن حالياً - حجز فندقي قابل للإلغاء - حجز طيران عن طريق الخطوط مع خيار الدفع بسداد وتم طباعة الحجز المرسل للإيميل - خطاب التكفل بالمصاريف يوضح فيه الاسم ورقم الجواز والجنسية وصلة القرابة بالمتكفل به والتوقيع (واحب اشكر ابو معتز على تزويدي بنموذج الخطاب وللمعلومية لم يتم تغييره) - خطابين من العمل الأول موجه للسفارة الألمانية والثاني فيه توضيح الراتب بالتفصيل طبعاً في حالتي ما احتجت اختم من الغرفة التجارية وتم الاكتفاء بختم جهة العمل في اشخاص يطلبوا منهم ختم التعريف من الغرفة التجارية (قمت بتقديم خطابين بالقصد لأنه الموجه للسفارة يوضح فقط الراتب الأساسي مع مقر العمل وتاريخ التعيين بدون البدلات) - كشف حساب ٣ شهور وفيه توضيح لثلاث رواتب - نسخة من الهوية الوطنية مع الترجمة (طبعاً سبق وان قدمت على الفرنسية والسويسرية ولم يطلب مني ترجمتهم والسويسرية لم يطلبوا مني نسخة من الهوية) - نسخة من كرت العائلة لي ولزوجتي وللوالدة واختي مع الترجمة (وللمعلومية كرت العائلة لم يتم طلبه مني في الفرنسية والسويسرية) - واخيراً تم توقيع الchecklist و ٣ صفحات من استمارة التأشيرة تم قبول جميع المستندات ووصلتني رسالة بأنه الطلبات تحت الإجراء ملاحظات: - بخصوص التبصيم في البداية قالوا لنا بحكم انه انا وزوجتي والوالدة لدينا تأشيرات سابقة لا نحتاج لتبصيم فقط اختي من تحتاج لكن بعدها قالوا الأفضل بصموا لتجنب جلبكم للمركز ثاني - من خلال تجربتي مع التأشيرتين الفرنسية والسويسرية قبل الألمانية اشوف في اختلاف بسيط في الطلبات و الألمانية اكثر تعقيداً وتدقيقاً في الطلبات خصوصاً الترجمة والصور وتأمين كوفيد حالياً ويمكن التبصيم واتوقع لهذا السبب طلبوا مننا التبصيم مره ثانية لتجنب تعقيد الالمانية (طبعاً انا اتكلم من واقع تجربتي ولكن قد تختلف من شخص لشخص وقد تكون هناك سفارات اخرى اكثر تعقيداً او اكثر طلبات) - في اول تأشيرتين قدمت في شهر ٨ وكان المركز اقل ازدحام واسرع في الاجراءات واكثر تنظيم و السبب يعود في ازدحامه حالياً هو قرب موسم اجازة المدارس والجامعات الصيفيه رسوم التأشيرة ٣٢٠ ريال للشخص طبعاً مدة التأشيريتين السابقتين الفرنسية كانت سنة والسويسرية للاسف ٦ شهور وان شاء الله المدة في الألمانية تكون أفضل هذي كانت تجربتي بالتفصيل وان شاء الله اكون افدتكم |
اقتباس:
صراحه مكتب الخبر الاستقبال لم يسمح لي بالدخول الا عندما جا وقتي المحدد وهذه ميزه لتخفيف الازدحام وسلاسة الامور |
اقتباس:
معليش نسيت اذكر انه برضه موضوعك جداً فادني وطبعاً تم تجميع خبرات منك ومن ابو كيان وابو معتز وكلكم الله يجزاكم خير ما قصرتوا تنظيم الدخول على الوقت ميزه الصراحه وكنت اتمنى اشوفها في مركز جدة اليوم خصوصاً انه من البداية هم خربوها بإتصالهم وتغييرهم لموعدي لكن عموماً عدت على خير ولله الحمد |
و عليكم السلام و رحمة الله و بركاته ما شاء الله 1000 مبروووك أخوي cmu2014 و نشكرك على مشاركتنا التفاصيل و أن شاء الله فالكم الفيزا بالتوفيق |
تجربة مفيدة جداً للجميع نشكرك على طرحها وهذا ديدن أعضاء المنتدى الكل يقدم ما يستطيع للمساعدة في ميزان حسناتك اتصالهم فيك وطلب الحضور مبكراً عشان تشوف الزحمة وبالنهاية تطفش وتدفع بريميوم لكن لو طنشت وجيت على موعدك مجبورين يخدمونك واتمنى الجميع يطنشهم ويحضر على موعده |
اقتباس:
بس كويس عرفناها للمرات القادمه في حال احتجنا العفو والف شكر لك على المعلومه |
اقتباس:
اسال الله ان يوفقكم. وباذن الله يعطوكم مدة طيبه بسألك عن التامين حق كورونا. هل ينفع اي احد يأمن من هالشركه اون لاين ويكون معاه خاصة الوصول في المانيا ممكن يسألون عنه. بحكم اني استخرجت فيزتي من النمساويه |
اقتباس:
نعم ينفع وهو تأمين الماني في الأصل ومن التأمينات الموصى بها من موقع السفارة الألمانية ومقبول في كل اوربا تقريباً لكن بالنسبة للسؤال عن تأمين كوفيد ١٩ في المطار ما عندي خلفيه ولا تأكيد عن الموضوع هذا صراحة , اخر مره زرت فيها اوربا كان سبتمبر ٢٠٢١ عن طريق سويسرا ومحد سألني عن التأمين بشكل عام |
اقتباس:
وعليكم السلام ورحمة الله أولاً الف مبروك مقدماً يا عزيزي وفالكم الفيزا ويعطونكم تأشيرة دائمة وتكون إجازة سعيدة يارب وسالمين ، وأشكرك عالطرح المميز والمفيد ما شاء الله وماسوينا الا الواجب لأعضاء المنتدى الجميل ، ثانياً غريبة أخذ تأمينك من بوبا أنا رجعه لي وقال اكتفي ب caremed يبدو الوضع مختلف قليلاً من مركز لأخر أخيراً بسألك بخصوص سويسرا منطقة انترلاكن بكون هناك إن شاء الله في بداية سبتمبر كيف الأجواء ؟ |
اقتباس:
ما عرفت كيف احذف الرد ولكن نعم نفس السؤال الماضي هههههههههه |
اقتباس:
بخصوص تأمين بوبا سألتني الموظفة عن الفرق بينه وبين caremed قلت لها بوبا للحالات الطارئة غير كورونا واثبات وحود تعويض لأي علاج غير كورونا طبعاً , اما caremed لكورنا , وفعلاً مثل ما ذكرت الواضح الوضع مختلف بالنسبة لسويسرا ومنطقة انترلاكن الاجواء في سبتمبر جداً جميله واقرب انها تكون ربيعيه مع شوية برودة خاصة في الليل يعني النهار ممكن توصل ١٨ الى ٢٠ لكن الليل تنزل ل ٨ الى ١٢ تقريباً , وعن نفسي اشوف اجمل الأوقات فيها سبتمبر طبعاً بالاضافة لابريل ومايو |
كفيت ووفيت يا عزيزي وإجازة سعيدة عالجميع |
ممكن طريقة حجز تأمين CareMad |
اقتباس:
من خلال الرابط عبي البيانات تاريخ السفر ودولة الوصول و تغطية التأمين بعدها اضغط متابعة اختار اذا كنت تبغا قيمة خصم عند المطالبة او لا (يعني بتدفع قيمة العلاج حتى 100 يورو) في حال اخترت خصم راح يطلع سعر في حال اخترت بدون خصم بيكون سعر اغلى شويه بس وبعدها تابع الى صفحة المعلومات الشخصية والدفع هذي الخطوات بإختصار |
الله يعطيك العافية على نشر تجربتك |
اقتباس:
أنا فهمت إنك ما سددت قيمة التذاكر ، هل فهمي صحيح ؟ إذا تم قبول (unpaid ticket) فهذه نقطة مهمة جداً ومفيدة في التجربة ، فهل سبق لك تجربتها في التأشيرة الفرنسية أو السويسرية ؟ وأتمنى من الاعضاء الافاضل الذين استخدموا نفس الطريقة وصدرت لهم التأشيرة الإشارة إلى ذلك في تجاربهم |
اقتباس:
الخطوط السعودية تتيح لك خيار الدفع عن طريق خدمة سداد ويعطيك فترة ساعتين للتسديد بعدها يلغى الحجز انا اخترت الخيار هذا وطبعت الحجز المرسل بالإيميل |
اقتباس:
ما عندي مشكلة في خدمة سداد اقتباس:
لأنه على افتراض انك حذفت رأس الإيميل اللي يشير لعدم الدفع فإنه لا يوجد رقم تذكرة والسؤال موجه كذلك للاعضاء الكرام لأن هذه النقطة تهم طالبي الشنغن |
اقتباس:
بالنسبة للألمانية قدمت بدون النص المذكور والايميل في رقم الحجز والتذكرة حتى بدون جملة غير مدفوع |
اقتباس:
|
اقتباس:
|
اقتباس:
أنا (مقيم) قدمت على الفرنسية مرتين كلها بنفس الطريقة من الخطوط السعودية ولم يكن هناك أي مشاكل. قبل اسبوع أيضا قدمت على الفيزا بنفس الطريقة لكن هذه المرة استخدمت الإمارتية لأن السعودية صارت تعطي فقط ساعة واحدة أما الأماراتية تعطيك وقت أطول, تقريبا 3 أيام, لكن إلى الآن لم استلم الجوازات. |
اقتباس:
|
العفو يا غالي |
تحديث استلمنا الجوازات بتاريخ ١٥ يونيو ولله الحمد مدة الفيز متفاوته انا وزوجتي اعطونا سنتين الوالدة واختي اعطوهم سنة |
اقتباس:
|
اقتباس:
|
اقتباس:
|
| الساعة الآن 11:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO