|
هذي الطلبات اللي طلبوها مني المكتب الموحد للتأشيرات بالخبر السلام عليكم ورحمة ا لله وبركاته الثلاثاء الماضي كان موعدي بالسفارة الالمانية بالخبر دخلنا للموعد حصلت ناس واجد وزحمة على طول غيرت نظام الحجز الى vip عشان اخلص بدري وفعلاً الموظفين ممتازين واخلاقهم عالية وكانت جميع الاوراق مضبوطة بس نسيت ترجمة الهوية الوطنية الى اللغة الانقليزية وترجمتها من المكاتب اللي تحت ومشت الامور المستندات المطلوبة:- الابليكشن موقع على خمس صفحات ( التوقيع يكون بالجهة اليمنى من الورقة ) شهادة تعريف راتب باللغة الانقليزية شهادة تعريف راتب اللغة العربية شهادة تعريف بالعمل كشف حساب لثلاث شهور مختومة جميع الصفحات بختم البنك حجز الفندق ولازم يكون فيه رقم الحجز انتبهوا ضروري رقم الحجز حجز الطيران عدد 2 صور شمسية لكل شخص ورقة تحميل المصاريف للزوجة والاولاد وكان معي صور لبطاقات الائتمانية وسألته هل تحتاجها قالي نعم لاكن يبدو لي انها غير مطلوبة وشربنا شاي وتقهوينا عندهم ومشينا وسلامتكم |
وعليكم السلام نبارك لك بالفيزا مقدماً أحياناً الزحمة مفتعلة للأسف ولا المفروض كل واحد جاي على موعد معين لكنهم بحاجة لتنظيم أكثر شكراً على طرح تجربتك للفائدة :58: |
الله يعطيك العافية والف مبروك عندي استفسار هل استطيع الدخول بدون موعد يعني ابي ادخل vip وعندي استفسار هل مطلوب شهادة تعريف العمل ؟ اللي اعرفه انها ما هي مطلوبة لان شيكت على موقع السفارة المعنية وماهي مطلوبة |
السلام عليكم يا اخوان فية خدمة تطلب من المكتب الموحد زيارة للبيت ولكن بسعر عالي وتنهي اوراقك في البيت |
شكرا على نقلك تجربتك بس هل طلبوا منك تأمين كورونا ؟؟ غير التأمين العادي وبما انك VIP هل وقت اصدار الفيزا اسرع من الحجز العادي ؟ |
اقتباس:
بالنسبة VIP انا جربتة قبل. اذا فلوسك زايدة احجز VIP. انا يوم جربتة دخلت انا وواحد كان حجزة عادي وخلص قبلي !!!! الفكرة من VIP انا بعض الاشخاص يحب يتميز والفرق بينها وبين العادي ان فيه مكان مخصص ويكون كنب ويقدمون مشروبات وقهوة والخ اما بالنسبة للمعاملة ماتفرق لان المركز الموحد يرسلها للسفارة والسفارة تقوم بالاجرائات. |
السلام عليكم هل التعريف الراتب يكون موجه للسفاره الالمانبه لان في النظام الدوام يطبع طباعه عاديه بدون ذكر اسماء السفارات وفي حال لوفكرت انا اخذ تعريف الراتب حقي قطاع خاص فيه شروط؟ اويكون مصدق من الغرفه التجاريه |
اقتباس:
|
| الساعة الآن 06:38 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO