تجربتي اصدار فيزة شنغن المانيا من الخبر
 

السلام عليكم ورحمة الله وبركاته

حبيت اشكر هذا المنتدى والقائمين عليه والاخوان على الاستفاده الكبيره اللي اخذتها من المنتدى

هذي تجربتي الاولى للسفر الى اوربا واسال الله ان يجعلها سفره سعيده يارب

بما انها المره الاولى حبيت ان يكون التقديم عن طريق مكتب عشان الاجراءات ويخلص لي كل شي لكن من وجهة نظري الموضوع سهل ومايستاهل مكتب بامكانك توفر الفلوس وتخلص كل شي بدونهم

كلمة المكتب يوم 27/7/2022 وارسلت له كل الاوراق اللي طلبها وقالي من الافضل ان يكون حجزك موكد عشان امورك تمشي وقلت اوكي وحجزت طيران يوم 28/08/2022 قلت فيه وقت ويمدي ان شاء الله لكن فاجاني ان موعدي عند المكاتب الموحد بالخبر يوم 11/08/2022 قبل السفره باسبوعين عيشني بتوتر خفت الفيزه ماتطلع حضرت يوم الموعد قبل الموعد بساعه ودخلت وما كان فيه زحمه على طول اخذوا لاوراق ودققوا وبصمت كل الامور كانت تمام بس استغربت ماطلب الهندي مني صور فيوم بصمت وخلصت قلت له ماتبي الصور طالع فيني قال سوري ام فورقت بغى يوهقني الله يصلحه عطيته وقالي خلاص كان يوم خميس يوم الاحد جتني رساله انه الجوازات تحت الطلب بعد 8 ايام تحديدا يوم 22/08/2022 جتني رساله ان الجوزات جاهزه وتم تسليمها الى ارامكس واليوم اللي بعدها جاني مندوب ارامكس واستلمتها الحمدلله بس عطوني اربع اشهر فقط

رحلتي يوم الاحد باذن الله بتاريخ 28/08/2022

اتمنى اني افدتكم بشي شاكر ومقدر

مبروك ورحلة سعيده
ننظر منك التقرير الدسم بعد العودة بالسلامة

هل طلبوا منك ترجمة الهوية الوطنية و كرت العائلة