استفسارات عن متطلبات الفيزا الألمانية
 

السلام عليكم,
حاب اسأل عن متطلبات الفيزا الالمانية بحكم انه راح يكون أول تقديم لي عشان أتأكد ان كل شي تمام:

1- تم عمل خطة الرحلة على موقع خطط رحلات, هل أحتاج ذكر خطة مفصلة للرحلة ام يكفي وضع جميع الفنادق والغرض من زيارة المدينة؟ إذا ممكن مثال لخطة رحلات بسيطة للتقديم

2- هل أحتاج اصور بطاقة السفر" بطاقة عملات المسافر من الانماء أو مدى " كوسيلة دفع مع أنه ماذكرت بال checklist ؟

3- بالنسبة لكشف الحساب, الراتب عادة احوله على حساب ادخار, هل يكفي طباعة كشف حساب اللي ينزل عليه الراتب بخلاف المبلغ الموجود او لازم اضيف مبلغ كبير؟ وهل يكفي الكشف الموثق الألكتروني ولا احتاج اطبعه من البنك؟

4- بالنقطة 13 اللي تتضمن تصوير إقامة العائلة, أنا أعزب وصفحة العائلة فارغة, هل يكفي تصوير هوية الوالد والوالدة للموضوع مع أنهم مو موجودين ببيانات أبشر الخاصة بحسابي؟

اسف عالاطالة حاب أتاكد من هالتفاصيل لأني ودي اقدم الاسابيع القادمة واكون جاهز بالمستندات

شكرا مسبقا واعتذر عن الاطالة

مساء الخير, الجنسية يمني, من ناحية ابشر انا ابن مواطنة فاقدر اسوي الاجراءات من البيت.

شكرا لوقتك

جهزت أغلب الاشياء, الشك عندي الان بكشف الحساب اذا ممكن الافادة, الحساب الاساسي 27 صفحة كشف موثق يذكر الراتب لكن مافيه رصيد يغطي الرحلة, العادة ان بعد نزول الراتب احول اغلب المبلغ لحساب الادخار ثم احول للحساب الجاري حسب المصاريف

هل يكفي وجود الراتب ولا احتاج أحول مبلغ؟ اخاف احول مبلغ كبير ويثير الشك.

طبعت كشف حساب اخر لحساب الادخار اللي فيه كل المبالغ, فكرت ان ممكن اضيفه مع الكشف الاساسي يبين ان الامكانية موجودة.

أرجو الإفادة وشكرا مقدما

مساء الخير, موعد الفيزا يوم الاحد القادم وجهزت كل شي بس ودي أتأكد بخصوص النقطة 13:

Iqama copies and Absher excerpt (“family services”) of all family members residing in Saudi Arabia.

أنا اعزب وابن مواطنة, صفحة الاسرة عندي بأبشر فارغة, هل اطبعها وابين ان لا توجد بيانات؟ صورت هوية الأم وإقامة الأب لاثبات وجود قرابة لكن مااقدر اثبت وجود افراد عائلة الا لو طبعت صفحة المكفولين بحساب ابشر للوالدة لإظهار الاخوان كمكفولين وليس كافراد اسرة

هل اللي سويته كافي ولا احتاج اوفر شي ثاني؟

شاكر مقدما واسف على الازعاج

شكرا على الإيضاح يعطيك العافية

حساب الادخار باسمي صحيح مع انه يطلع مكتوب current account statement مو موضح اسم الحساب فيه. طبعته وبسأل بالمركز اذا ينفع اقدمه, حساب الراتب حاليا موجود فيه رصيد كافي نزل كبونص سنوي من الشركة تقريبا 19 ألف أتوقع تكفي لرحلة 11 يوم.

حجز الطيران مؤكد قابل للاسترجاع في حال الإلغاء طبعت تأكيد الرحلة بالتفاصيل من الطيران الألماني لوفثانزا.

حجز الفنادق مؤكد الدفع لاحقا من بوكنق طبعت كل حجوزات التأكيد من الموقع.
تم عمل مخطط رحلة دورت أمثلة باليوتيوب وقلدتها.

هوية الوالدين مرفقة, موجود خطاب عمل مختوم من الغرفة التجارية يذكر التفاصيل المطلوبة من السفارة بس ماذكر فيه العودة "Stating the purpose of the visit, date of joining the company, job position, future duration of the contract and monthly salary". إن شاء الله يكون كافي بدون ذكر العودة لإن الشركة معتمدة على نموذج فيه التفاصيل المطلوبة لتقديم الفيزا فقط.

راح اشيل صورة بطاقة البنك من الملف أجل شكرا.

شاكر للرد الوافي يعطيك الف عافية.