تجربتي في اصدار فيزا سويسرا خلال يومين عمل
 

السلام عليكم حبيت انقل لكم تجربتي في اصدار الفيزا السويسرية من الرياض
الموعد كان : يوم الاحد 6 اوقست
الابلكيشن كان ابسط ابلكيشن اعبيه معلومات رئيسية جدا بالنسبة لي كان حق فرنسا في تفاصيل اكثر واعتمدت على هالرابط في اتباع تعبئة الابلكيشن https://www.arabtrvl.com/vb/t52849.html

المتطلبات:
1. جواز سفر واذا كان جواز السفر مافيه مكان الميلاد لابد من ترجمة بطاقة الهوية
2. صورة من جواز السفر
3. تعبئة الابلكيشن
4. حجوزات الفنادق مؤكدة
5. حجوزات الطيران مؤكدة
6. تأمين سفر
7. كشف حساب مايعدي 10 ايام من اصداره ومختوم
8. صورة شخصية (للنساء: الحواجب والجبهة لازم كلها تكون طالعة )
9. جدول يوضح خط السير ( المدينة, عدد الليالي, الفندق, التاريخ من كم لكم) وكتبت ملاحظة ان طرق التنقل بالقطار بحكم ان ماراح استأجر سيارة
10. خطاب من العمل يوضح فيه الراتب ووظيفتك ومين بيغطي المصاريف وهدف السفرة


هذا رابط تحمل منه الملف للمتطلبات وكل متطلب يوضحون لكم وش يبون فيه بالضبط
https://visa.vfsglobal.com/one-pager...glish/#Tourist

بصمت ظهر الاحد ووصلني الجواز للبيت الاربعاء ( يومين عمل فقط ) والمدة 6 أشهر

خط سير الرحله ماهو ضروري تسويه اهم شي ابلكيشن حجوزات فنادق طيران تامين السبب بسرعه السويسريه ماعندهم ضغط مثل باقي السفارات