تجربتي مع مكتب BLS الرياض لتاشيرة اسبانيا
 

دخلت موقعهم واخذت موعد لشخصين طبعا بدون رسوم والموقع مايحتاج تسجيل مثل VFS
طبعا المتطلبات سبق ذكرها في المنتدى
1-الابلكيشن
2- صورة من الجواز وكذلك اذا في فيزا شينغن سابقة ماتتعدى 5 سنوات
3-صورتين
4-تعريف بالراتب بالانجليزي مصدق من الغرفة التجارية للقطاع الخاص
5- كشف حساب ل3 شهور مختوم الصفحة الاولى والاخيرة
6- صورة من الهوية الوطنية مترجمة حتى لوكانت من الاصدار الجديد لانه مكان الميلاد بالعربي
6-حجوزات طيران ( حجز من موقع الخطوط السعودية ) وحجوزات فنادق ( من اجودا كان حجزي )
تامين طبي ، يمكن راح اعقب على موضوع التامين الصحي ( يقبلون التامين المقدم من البطاقة الائتمانية وكذلك تامين بوبا طبعته من موقعهم وارفقته )
موعدي كان الاربعاء الساعة 9:30 انا وصلت 8:30 والحارس قالي انتظر دقايق وبعد 5 دقايق دخلني بعد مااخذ. جوالي واعطاني رقم له .
وبعدها دخلت اول كاونتر في الاستقبال كانت الموظفة مرحة وذوق اخذت اوراقي شيكت عليهم وكان معي اخوي قالت دامكم اخوان فمايحتاج اشيك له واعطتني رقم 4
والرقم واصل 2 جلست دقايق ونادو على رقمي رحت لهم مع اخوي بدات تشيك على الاوراق ولمن وصلت عند كشف الحساب
اخذت فقط الصفحة الاولى والاخيرة اللي فيهم الختم و الباقي من الكشف سالتني تبغاه او اتلفه ، وكان عندي كشفين للراجحي والاهلي سالتني اي واحد فيهم مبلغه اعلى حتى قالت لي موشرط اللي ينزل فيه الراتب اهم شي الاعلى وبعدها اخذت من الكشف صفحتين فقط البداية والنهاية اللي تبين كم في مجمل الحساب .
وكذا انا خلصت بعدها بدات تشيك على اوراق اخوي (كلنا نفس الشي قدمنا نفس الاوراق ) بعدها قالتي ترى اذا كنت انت اللي تتحمل تكاليف السفر مايحتاج كشف حساب اخوك ولا التعريف بالراتب من العمل .
خلصت التدقيق ووضعت استيكر الباركود على الجواز وظرف بني وقالت كيف تحب تدفع كاش او شبكة طبعا مافي رسوم عالشبكة دفعت لشخصين 802 ريال والاستلام في المركز نفسه
قالت لي استريح الى ان تناديك اللي تاخذ البصمات والتصوير
بعد دقيقتين نادتنا بصمنا وبعدها اخذت صورة ( الصورة اللي يصورونها عندهم هي اللي تكون على الفيزا ) وقلت لها انا مبصم قبل سنتين قالت لي هم يفضلون الشخص يبصم عندهم حتى لو ماحصلوا البصمات او اي شي لاسمح الله مايحتاج ترجع ثاني وحفلة .
خلصنا من المكتب تقريبا 30 د بس واحنا طالعين بدات الزحمة انا من وجهت نظري الافضل حجز مواعيد 9 وقبل افضل شي قبل الزحمة .
كان موعدنا الاربعاء الصباح ويوم الخميس 8 ص جاتني رسالة طلبك تحت المعالجة والساعة 3 العصر وصلتني رسالة الجواز جاهز وتقدر تستلمه من مكتب BLS من الساعة 2م الى 4 م
يعني حرفيا 24 ساعة الين اصدرت الفيزا .
مارحت استلمت الجواز يوم الخميس رحت الاحد الساعة 3:30م دخلت اعطوني رقم وبعد 15 د جاء دوري اعطيتها الايصال واعطتني الجوازات ووقعت وكتبت رقم جوالي
وبكذا انتهيت طبعا المدة اللي اعطوني سنتين بالرغم هذي ثالث شينغن وبالنسبة لاخوي سنتين بعد بالرغم اول مره .
تجربتي ممتازة كانت مع الاسبانية وانصح اي احد يقدم عليها اجراءتهم سريعة وسلسين
عكس النمساوية والايطالية يعطون 6 شهور فقط وهذا صار مع اثنين من اصحابي بالرغم عندهم فيزا سابقة من فرنسا 4 سنوات .
واسف عالاطالة