تجربتي فيزا شنغن النمسا
 

السلام عليكم ورحمه الله وبركاته
هذه تجربتي باستخراج شنغن النمسا
الموعد 10 مارس 2024 الساعه 9 الصباح في مجمع لولو بالدمام
مركز التأشيرات بالدمام
مع ٣ أصدقاء مقدمين مع بعض
تم حجز الموعد بقيمة 101 لكل شخص
تم حجز طيران مؤقت باستعانة بأحد مكاتب السفريات المعتمده بدون دفع قيمة التذكره
حجز شقة عن طريق بوكينج حجز مؤكد الغاء مجاني بدون دفع اي مبلغ
صور شخصيه لكل شخص
تامين الدرع العربي قيمتة 86 ريال لمدة أسبوعين لان لقيت احد يوصي بالدرع العربي لان بعض الشركات مايقبلوها
تم الذهاب مع بعض لان كلنا في معامله وحده
المهم دخلنا مع بعض وعند الدخول تشييك على الموعد والتفتيش ورحنا على الاستقبال
عرضت علينا الموظفه صالة خدمة vip قلت ليها كم قالت ٦٥٠ قلت مايحتاج قالت راح طول انتظار قلت ليها نحب الانتظار 😁
عطتنا رقم على الصالة العاديه مجرد دخلنا جى دورنا لان مافي زحمه بالاساس
واحد معانا لايعمل يمتلك سجل تجاري، مايحتاج ترجمه لان يمكن تحميله باللغه الانجليزيه
والباقي كل شخص وتعريف بالراتب مصدق من الغرفه التجاريه وكشف حساب طبعا كم ورقه اخدت تقريبا ٣ اوراق حق ٣ رواتب + ابلكيشن الطلب
طبعا لازم الهوية تكون مترجمه باي مكتب ترجمه معتمد


قدم اول واحد معانا والمطلوب كشف حساب لازم محول عليه الراتب اخر ٣ شهور وكشف الحساب رصيد مايقل عن 25 الف
والثاني صاحب السجل التجاري كشف حساب لازم من البنك من الاون لاين مرفوض وعلى مسؤليتك اذا بتقدمه والشخص الثالث لايوجد رواتب محوله بالكشف وشرح ليهم يستلم كاش قالت الموظفه تبي خطاب يفيد باستلام الرواتب كاش
المهم جى دوري والاموري عال العال لان كل شي جاهز رواتب محوله بنفس الكشف وتعريف بالراتب وخلصت ٥ دقايق مع الموظفه
المهم تم التفاهم مع الموظفه علما ان قمة الأخلاق غير لي نسمعه ان ماعندهم اخلاق
هذا مو صحيح وفاهمين ويخدموك بأكمل وجه .. قالت لينا الموظفه بصمو كلكم ودفعنا الرسوم لكل شخص ٣٨٥ ريال شامل الرسائل وتوصيل أرامكس
المهم اثنين جابو كشف حساب جديد البنوك جنب المجمع والثالث جاب خطاب طبعا رجعنا مع بعض باتفاق مع الموظفة وقالت الى 2 الظهر اي شي ناقص جيبوه خلال هالوقت
طلعنا واحد رجع لوحده ورحنا ثلاثتنا ونجيب خطاب هذا الكلام الساعه ١٠ بس قروشه ومشوار وهذا كشف وهذا خطاب رجعنا بالاخير ١.٤٥ وسلمتها خطاب صاحبي وقالت اوك اسبوعين وتخلص الفيزا مشينا بعد قروشه وحوسه ومرمطه ع خفيف😄
يوم ثاني وصلنا مسج طبعا الارسالية وكل شي على جوالي بان طلب ارسل إلى السفارة النمسا والطلب قيد المعالجة
يوم الأحد بعد اسبوع تاريخ 17 مارس وصلني مسج بان الطلب تم معالجته وتم إرساله الى مركز التأشيرات ويوم الاثنين 18 مارس جاني مسج من مركز التأشيرات بان الطلب تم ارساله على البريد السريع الى هو ارامكس يوم الثلاثاء 19 مارس جاني مسج من ارامكس برقم كل الشحنات وتواصل معاي المندوب على ١٠ الصباح الساعه ١٢ الظهر تم وصول المندوب واستلام الجوازات
المده 6 شهور لكل جواز تبتدي الفيزا ب ب٥ يونيو الى ٤ نوفمبر يعني 7 شهور ونص مع وقت استلام الجواز بداية الفيزا بتاريخ السفر مع تاريخ حجز الطيران
وهذه قصة تجربة استخراج الفيزا لدى سفارة النمسا والأمور طيبة وسهله ولله الحمد على كل شي

المركز كله سعودين بالاضافه خربطه وغفصه مافي كل شي مرتب
والله يبارك فيك يا الغالي
تسلم الله يعطيك العافيه