تجربتي في التقديم على الاسبانية و السويسرية 22/02/2016
 

السلام عليكم
حبيت أكتب تجربتي للي حاب يستفيد
طبعاً رحلتنا الوصول لإسبانيا لمدة 3 أيام وبعدين سويسرا 5 أيام
زوجي كان مصمم نقدم على الشنقن عن طريق السفارة الإسباينة بحكم أنها أول دولة نوصلها
وأضطرينا نروح مكتب يصمم بطاقة عمل وطبعناها وودينها مكتب معتمد للترجمة وترجمناها
بعدين أخذنا موعد في المركز الموحد بجدة في السفارة الإسبانية يوم الأثنين 22/02/2016م ورحنا قدمنا الورق وطبعاً طلبنا الموظف خطاب تعهد بالمصاريف وحجز بوكينق بالإنجلش (كنا طابعينة بالعربي) وخرجنا سويناه في المكتب الخارجي ورجعنا لهم وبعد اللطعة لمدة ساعتين قال ما ينفع تقدموا على الإسبانية والمفروض تقدموا على السويسرية لأن مدة إقامتكم فيها أكثر
أخذنا السوبر فايزر وودانا صالة الدرجة الأولى عند موظف السفارة السويسرية وقال له على اللي صار وأخذ أوراقنا وضبطها بس الغريب أنه ما أخذ كشف الحساب !!
وطبعاً بطاقة العمل اللي سويناها بليناها وشربنا مويتها لأنها برضو ما أخذها
المهم بعد ما خلصنا طلب منا الموظف دفع مبلغ حجز ال vib قال زوجي أحنا ما طلبنا ندخل صالة الدرجة الأولى والموظف هو اللي جابنا هنا قال أجل خذو موعد عادي وتعالو
اللي ينرفز أن السوبر فايزر ما خيرنا إذا نبغا موعد vib أو ناخذ موعد عادي ونجي يوم ثاني.
كلمنا مدير الصالة وقال تعالو بكرة بدون موعد وأدخلكم ، وفعلاً ثاني يوم رحنا وطبعاً أوراقنا كانت مرتبة وجاهزة وعلى طول وقفنا على الكونتر ودفعنا المبلغ ورحنا بصمنا وخرجنا .
والحين ننتظر رد من السفارة .. ويارب ما يكون في رفض ..
دعواتكم

بالنسبة للدخل الشهري للأسف ما في لأن زي ما ذكرت سابقاً أنه شغل زوجي عمل خاص مع أخوه ..
بس إللي أستغربته أنهم ما أخذو كشف الحساب ..
تتوقع موضوع الدخل الشهري ممكن يكون سبب للرفض ؟؟

شكرا اختي على ذكر تجربتكم

يعني اللي أفهمه من كلامك ان الموظف ما أخذ كشف حساب ولا تعريف ؟!!

هلا أخوي .. الله يعافيك
كشف الحساب وبطاقة العمل ما أخذها ..
تعريف العمل ما طلبه بس لما أديناه ما رجعه ..

مساء الخير
لما حطيت متابعة حالة الطلب طلع لي هالمسج

Your Passport Status Processed application has been Out scanned from Riyadh Operation center on 09/03/2016

ممكن أحد يفيدني !!

مع العلم أنهم قالو الجواز يأخذ من 5 إلى 10 أيام وأحنا صار لنا أسبوعين من يوم قدمنا ..