|
فيزا لفرنسا وولي الامر !!؟ السلام عليكم ورحمة الله وبركاته انا ان شاء الله ناويه اسافر لباريس هل فيه فيزا مفردة لفرنسا او هي نفسها الشنغن !؟ وهل يحتاج ولي امر يطلعها ليا !! ولا عادي انا اروح بنفسي واطلعها * للعلم عمري 26 وايش الاوراق المطلوبه عشان استخرجها !؟ وقرات انو لازم تصور الجواز اول اربع صفحات منه !؟ طيب انا جوازي جديد ومافيه ختم لااي سفره ، برضو يحتاج اصوره !؟ وهل يحتاج انو تكون تذاكر الطيران محجوزه ولا يكفي حجز الفندق من بوكينق !؟ وبما اني عاطله هل يلزم خطاب العمل او كشف الحساب !؟ واذا فيه كشف حساب يكون لكم شهر !؟ وكم اقل مبلغ المفروض يكون في الحساب !؟ وكم رسوم الفيزا !؟ وطريقة استخراجها من جده او المكتب الموحد بالتفصيل !؟ واذا امكن تحطولي رابط للشرح واكون شاكرتلكم ❤ |
اقتباس:
و عليكم السلام الله يحييك بيننا الاجابات فوق الافضل قراءة المواضيع ا لمثبتة و تجارب الاعضاء و هذا سيكون كافي لمعرفة طريقة استخراج الفيزا |
مشكور اخوي اخر فرصه ع المعلومات ساعدتني كثير .. ربي يسعدك ❤️ بس اذا انا عندي مبلغ يكفي مصاريفي بحسابي عادي اطلع كشف حساب بااسمي انا !؟ يعني مااحتاج خطاب من الوالد بالتكفل بالمصاريف !؟ لان الوالد مابيسافر معاي .. يعني انا اللي بتكفل بمصاريفي عرفت .. |
طالما ماعندك عمل لابد تقدمين خطاب تكفل بالمصاريف و كشف حساب أو بطاقة المتكفل اما تقديم كشف حسابك فهو من باب الدعم فقط عدم وجود عمل + وجود مبلغ كاف بحسابك يقوي فكرة البقاء هناك حسب تفكيرهم و بالتالي الرفض |
طيب ينفع يكون المتكفل عمتي مثلا اخت الوالد !؟ ولا ضروري يكون الوالد !؟ هل لازم يكون المتكفل يقرب لي ولا عادي اي احد بيسافر معاي مثلا !؟ وهل لازم يكون المتكفل معاي بالسفره ولا مو شرط !؟ وبطاقة المتكفل قصدك الهويه ولا الفيزا !؟ واذا كانت هويه هل المطلوب اصل الهويه ولا صوره تكفي !؟ وهل يلزم حضور المتكفل وقت طلب التاشيره او عند اصدارها !؟ |
اقتباس:
أي قريب لك ينفع لا مو شرط يسافر معاك البطاقة قصدي الفيزا او الماستركارد أو تقدمين بدالها كشف حساب 3 شهور لايلزم حضور المتكفل شخصياً فقط تقديم صورة الجواز أو الهوية هنا مثال لخطاب تكفل بالمصاريف http://www.arabtrvl.com/vb/t381.html |
مشكور ربي يسعدك .. بس اخر استفسار عن التامين تبع الرحله عشان اصدار الفيزا ، كيف اسويه ومن فين وكم تكلفته وكذا !؟ انت تقول انه يكفي حجز الفندق من بوكينج ، يعني حجز الطيران مو ضروري !؟ بس قرات في المنتدى انهم يطلبونه !؟ واخاف احجز طيران ويرفضوا طلبي للفيزا وماترجعلي مبالغ حجز الطيران !!؟ |
التأمين تروحين لأي مكتب للتعاونية وهم يعملوه لك في دقائق و ممكن تعمليه من النت عبر موقع التعاونية أو أي شركة اخرى معتمدة انا حطيت لك رابط الطلبات اطلعي عليه و على تجارب الاعضاء ممكن أي مكتب سياحي يعمل لك حجز الطيران و الفندق بمقابل بسيط لو ما عندك خبرة |
مشكور .. طيب المتكفل بالمصاريف لازم يكون موظف صح !؟ ولاعادي مو شرط بس اهم شي يكون فيه مبلغ بحسابه !؟ |
أفضل لو كان موظف بس مش شرط يعني تختاري متكفل يكون دعم لطلبك |
ربي يسعدك .. كفيت ووفيت الله يجزاك خير .. واعذرني ع الاطالة وكثرة الاسئله .. |
الله يجييك و ربي يوفقك |
الله يعطيكم العافية |
الله يعطيكم العافية |
الله يعافيكم |
تسلم يابو غسان كفيت ووفيت =================== ينقل الموضوع للاستفسارات |
السلام عليكم ورحمة الله ........... هل خطاب تكفل بالمصاريف للاي اعمارهم اقل من 21 فقط اذا الوالد بتكفل بالمصاريف ؟؟؟ كيف اسوي واحد ثاني لانه الخطاب فقره 1 مفهومه ان عمري اقل من 21؟ |
السلام عليكم ورحمة الله وبركاته طاب يومكم بكل خير وسعادة طيران مو لازم في نقطة مهمة اللي هيا انتي من كلامك فهمت انو الوالد مايدري وان عمتك .....لخ بس تصريح بسفر على الجواز لازم ولي الامر اللي يطلعه و يكون محدده بعدة سفرات او سفرة واحدة وطبعا انتي كلميه يسوي لك بعدة سفرات بصلاحية الجواز ويسويه من ابشر عشان لا تروح خسايرك على الفاضي وسلامتك |
المتكفل بالمصاريف لو ماهو موظف يجب إرفاق صورة من ما يثبت دخله مثل سجل تجاري أو عقار يدر دخل شهري .... إلخ |
لا الوالد مسويلي تصريح لعدة سفرات ويدري اني بسافر ، بس السالفه لها ابعاد ثانيه عشان كذا سالت .. ومشكورين ع ردكم صراحة افدتوني كثير ربي يسعدكم .. |
| الساعة الآن 03:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO