|
تجربتي للتقديم على شنغن اسبانيا 25 ابريل 2016 السلام عليكم ياجماعه اليوم كان موعدنا للشنغن الاسبانيه وسألنا قبلها مؤسسة التقاعد عن بطاقة العمل وطلع عندهم فعلا فطلعها الوالد سريع وصورناها ورحنا مباشرة ع مركز التاشيرات الحاصل :52: الموظف مره كان دقيق وعله شوي:20: ودقق ع كل ملف حبه حبه وكان يقول الشغل مرتب وممتاز لكن بالرغم من ذلك طلب مننا اعادة كشف البنك لانه مو مختوم مع اننا اصلا طلعناه من البنك ومدير الفرع بنفسه قال مايحتاج!!! وطلب حجز السياره!!!! وهذا اللي ما جا ببالي اصلا وأنا اعتقد انهم طلبوها عناد لانه مالقو شي ناقص والحمدلله جبت جميع حجوزات الرحلات الداخليه لانهم طلبوها كمان وكمان اعادة الصوره الشخصيه للوالده لانه مو باين منابت الشعر وكمان قال للوالد يكتب خطاب انه متكفل بمصاريف الرحله قلنا له تراه مسافر معنا قال برضو لازم يكتب وقال اكتبو بالخطاب انكم تبون التاشيره لنهاية صلاحية الجواز اذا حابين قلنا اكيد نبي �� ان شالله يعطونا لنهايته عاد ايوه كمان ما طلبوا لا كرت عائله ولا بطاقات الهويه الا للوالد فقط عمومًا الحمدلله تسهلت وقالوا إن شالله بعد عشر أيام تصدر الحساب كان ٣٣٠ ريال للشخص الواحد وكلنا بالغين وشكرا جزيلا تحديث الحمدلله البوم استلمنا الجوازات قدمناها بوم ٢٥ ابريل ووصلتنا رسالة الاستلام يوم الخميس ٢٨ يعني بعد ثلاثة ايام ماشالله لكن احنا ما نزلنا جدة الا اليوم بعد مرور اسبوع مشغولين مع الاختبارات المهم عطونا الفيزا لمدة سنه بس صراحة زعلت توقعت لنهاية صلاحية الجواز يالله حمدلله �� |
و عليكم السلام كويس انكم طلعتوا بطاقة عمل التقاعد و الموظف دقيق لان السفارة برضه دقيقة و بالطبع مواصلات التنقل الداخلي ضرورية بس غريبة طلب ختم البنك هل رحتوا ختمتوا ولا مشاها ؟ جميل تجهيزكم للطلبات و ترتيبها شكراً لطرح تجربتك و تفصيل الطلبات و عقبال نبارك لكم بالفيزا خلاص صرتي خبيرة ما شاء الله :72: |
لا والله ما مشاها طلع اخوي اقرب فرع للبنك والحمدلله كان ع راس اللفه من حظنا ختمها من مدير الفرع وقال هذول فاضين هههه وحجز السياره بعد طبعناه من اقرب مكتب صراحه احسهم بيحاولو يربحوا اللي حوالينهم وطبعا الاسعار مضاعفه بس ماعليه قد دافعين كذا ولا كذا الحمدلله ما جات ع ذي شكرا لك وللمنتدى العظيم :72: |
ملاحظتك في مكانها كأنه يتعمد يكسب رفاق المهنة ليش طلب حجز السيارة هل كانت عودتكم من بلد ثاني ؟ |
لا قال كيف بتروحوا من مدريد لتوليدو؟ قلنا سياره قال هاتو الحجز استغربت صراحه حجوزات الطيران الداخليه بين ملقا ولشبونه والعكس قدمناها لكن السياره هي المستغربه ! لأني قرات قبل تجارب كثير محد طلب طباعة حجز السياره |
واضح انه يبغى يتكسب و يكسب غيره على فكره بعضهم يرسل رسالة لاصحابه برا يقابلون اللي خارج و يعرفون طلبه و لا السفارة ما تطلب مثل هذي الشغلات حتى الحجوزات الداخلية بالبلد ماله شغل فيها هذا نظام كل السفارات و مثل هذا لو اشتكيتوه على رئيسه يتعدل بس اللي يقدم وضعه صعب الحل عند التقديم على الاسبانية طالما الموظفين متلاعبين الواحد يقول لهم انا كل رحلتي بمدريد و يعطيهم حجوزات قندق وهمية و يرتاح من كثر طلباتهم اللي هدفها واضح راح اكتب توضيح للكل متى يحتاجون يقدمون حجوزات سيارة او طيران |
وعليكم السلام يعطيكي العافيه ع نقل التجربة أتوقع هناك تقرير دسم باْذن الله لهذا المنتدى قريبا |
مضطرين وش نسوي عاد المشكله انه الموظف جاف ومايتنازل مره يعني مثلا ورقة حجز السياره بايميل اخوي وخرج يطبعها لما جا قاله لا روح اطبعها انجلش بالكامل مع ان الايميل كله بالانجلش والتواريخ انجلش فيه كم كلمه عربي بس ومع ذلك يقول لا ابدااا ما يتنازل اضطر اخوي يخرج ثاني لمكتب قريب ويطلب استخدام الكمبيوتر عشان يدخل ع موقع الحجز ويطبع التأكيد انجلش خالص يعني اساسا هو مو ضروري عشان يخلينا رايحين جايين :e01b: يالله الحمدلله ان شالله تطلع الفيزا ونرتاح نفسيا الجوكر باذن الله بسوي تقرير محترم :22: |
ماهي من عوايدهم .. لكن الله يعيننا على المكاتب الموحدة شكرا اختي على الموضوع وعقبال الفيزا |
طلبهم حجز السياره أمر تعقيدي وليس من مطلوبات إستخراج التأشيره بتاتا وطلبهم ختم كشف الحساب مع أنه مطبوع على ورق البنك نوع من التعقيد برضو الموظف أكيد مازال جديد ولا يدري الأنظمه ويريد أن يكون دقيقا ويكون مميزا لدى مدرائه ولكنه لا يدري أنه بذلك يثبت فشلا وليس تميزا لكن الحمد لله أنها تيسرت معكم وبإذن الله تحصلون التأشيره قريبا وكما ترتجونها من مدة صلاحيه مشكوره على ذكر تجربتك المفيده ويديكي العافيه |
نفس تجربتي الموظفه رفضت كشف الحساب مع انه من البنك وعلى ورق البنك بحجه عدم ختمه وطلبت حجز المواصلات الداخليه بين مدن اسبانيا طلبت نروح لمكتب فيغا اللي جنب المركزنحجز حجز وهمي |
لكني رفضت وقلت هذا ليس من متطلبات السفاره اذا كان السفر لدوله واحده |
شي غريب.. عندنا الكثيرون قالوا لي إن السفارة الأسبانية أسهل وأسرع سفارة الله يعينك ويصبرك... تروحون وترجعون بالسلامة بإذن الله |
اقتباس:
فكثير من موظفين مكاتب إستقبال طلبات التأشيرات يعقدون التقديم لأجل أن يضطر العميل للتعامل مع مكاتب الرحلات والتي تكون تكلفتها أعلى وقد يكون للبعض من الموظفين نصيب معهم !!! |
يعطيج العافيه وتجربه تفيد غيرك جزاك الله خير |
احنا اساسا حاجزين السياره، بس رحنا طبعنا الحجز وخفت بصراحه اعترض ولا اتفلسف عليه يقوم يعقدها لي قلت دام كل شي محجوز اساسا بس يبغاله طباعه خليني اطبعه وانتهينا :22: مشكورين ع مروركم |
اقتباس:
برافو عليك هذا الصحيح وش صار بعدين ؟ |
قالت اكتبي انك راح تحجزين المواصلات بعد الوصول وكتبت |
تحية طيبة .. ممكن أعرف إسم البنك ؟ لأني اليوم كنت في سامبا وعطوني كشف حساب غير مختوم . سألت الموظف قالي من ٦ شهور جتهم أوامر عليا من إدارتهم بعدم ختم أي كشف حساب . ومدير الفرع أكد لي وقالي أصلاً الآن حنا نطبع الكشوفات على أوراق سامبا الرسمية غير أول كانوا يطبعونها على ورق عادي ويحطون الختم عليه عشان يعطونها صفة الرسمية . وفعلاً قلبت في أوراقي القديمة لقيت كشف الحساب اللي طبعته عشان الشنجن في ٢٠١٣ على ورق عادي ومختوم ، بس لو نرجع لتعهد الأسبانية بنلقى مكتوب كشف حساب مختوم من البنك!! والله شي محير الزبدة أنا رايح للموعد الثلاثاء القادم ولو عقدها الموظف بطلع الكشف القديم وبقله ناظر الكشف القديم كان على أوراق عادية عشان كذا يختم أما الحين على أوراقهم الرسمية وإن شاء الله تعدي وإنتوا مثل ما قلتوا كل هالطلبات جت نتيجة جهل الموظفين بطلبات السفارة .. |
| الساعة الآن 11:35 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO