|
تجربتي في التقديم على تأشيرة السويد بسم الله الرحمن الرحيم اولا اشكر الأخ الكريم آخر فرصه و الأخت emo0o اللي لهم الفضل بعد الله سبحانه و تعالى في تشجيعي على التقديم في السويديه بعد ما قررت اغير الوجهه الى سويسرا لأني ما قدرت احجز موعد في جده وصلت المكتب يوم الخميس 19 -5-2016 الساعه 1:30 و لما دخلت سألني عن الموعد قلت له السويد و دخلني اخدت رقم وكان فاضي عندهم وحده قبلي طلب الأبلكيشن الأبلكيشن الخاص بالعائله صورة الجواز حجز الطيران + الفنادق صور للتأشرات السابقه الأوربيه فقط و رجع التأشيرات الكنديه ( مع إنه الفرنسيه و الإيطاليه يطلبوا تأشيرات امريكا و كندا ) صورة بطاقة الفيزا تعريف العمل التأمين الطبي صورة الهويه الوطنيه و دفعت 454 ريال وقال بعد 15 يوم نرسل رساله ع الجوال لإستلام الفيزا و طلبت منه ارسالها عن طريق اراميكس قال لا اي حد يجيب الوصل و يستلمها قلت له انا بصمت 2015 في الفرنسيه قال ضروري البصمه و عند التصوير قالت ضروري في الصوره يطلع قليل من الشعر و الحجاب خلف الأذن و الحمد لله تيسرت الأمور في نصف ساعه فقط بس الغريب في الموضوع انه بعد ساعتين اتصل عليا الموظف اللي استلم الأوراق مني وقال باقي 100 ريال للمكتب وقال ضروري الان قلت له انا خلاص سافرت قال طيب لما تستلمي الجواز و مو راضي يفهمني حقت ايش بس يقول اذا ما دفعتيها حتخصمها الشركه مني و انا دفعت الرسوم كامله حسب الموضح في اللوحه اللي وراه طبعا زي عوايدهم ما في باقي و ما في صرف حسبت حسابي لهذا الموضوع و جبت الفلوس مصروفه و دفعت 455 ريال و ربنا ييسر لنا و لكم كل الأمور و الحمد لله رب العالمين . |
شكرا لذكر تجربتك بس 455 للشخص ؟ وحنا غريبه مااخذ صورة لبطاقة الفيزا مع اني جايبتها معي |
اقتباس:
ايمو مو اخد منكم 320 + 129 للشخص ؟ هوا في البدايه رجع صورة بطاقة الفيزا و بعدين رجع اخدها في النهايه |
الله يسعدك غريبة طالب 100 ريال زيادة لازم تعرفين سبب طلبه عادة بعد ما تدفعين يعطونك وصل يوضح كل شئ كويس انك مجهزة الصرف عشان ما تتركين باب لهم عليك شكراً لطرح تجربتك |
الله ييسر أمركم |
شكرا مره استفدت كتير انا لمن رحت اسال على الطلبات ما جاب لي سيره صوره فيزا او ابلكيشن العائله ولا صور التاشيرات القديمه .. بس الحمدلله بعد مواضيعكم راح اخودها معايا احتياط . الله يسهلكم سفركم و سفري و بالسلامه للجميع :e303: |
للأسف تتغير الطلبات من سفارة لأخرى ومن وقت لآخر ومن موظف لآخر فقد يأخذ منكي مستندات لا يأخذها من آخر ولكن طالما الشخص محضر كل شيئ فياخدوا اللي يآخدوه ويتركوا اللي يتركوه أهم شيئ تطلع التأشيره :) ألف مبروك أختي ونتمنى لكم رحلة سعيده |
تجربتي في التقديم على تأشيرة السويد اقتباس:
العفو لوجين والفضل يرجع لله سبحانه و تعالى ثم مشرفنا الفاضل آخر فرصه الله يجزاه خير و ربي ييسر امركم و امرنا و رحله سعيده إن شاء الله أرسلت بواسطة iPhone بإستخدام Tapatalk |
| الساعة الآن 08:06 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO