|
فيزا المانيا ،،،المكتب الموحد بالرياض ..تجربتنا بسم الله الرحمن الرحيم اولا اشكر اخواني بالمنتدى ع طرحهم متطلبات الشنغن بالتفصيل،،، حجزنا موعد بالمكتب الموحد بالرياض كان موعدنا يوم الاثنين 16 مايو الساعه 9:45 رحنا قبل الموعد بساعه واخذنا رقم لانهم بالارقام وكان المكان شبه فاضي حنا ومعنا كم عائله👏 اخذت الموظفه الاوراق وكانت كالتالي / وطبعا كل شخص له (((ملف)) انا وزوجي وبنتي وكل ملف يحتوي على الابلكيشن صور الجواز 3 صفحات مع التوقيع صور شخصيه (2) صور من حجوزات الفنادق تعريف الراتب(بالعربي والانجليزي) والحمدلله اخذنا العربي بااخر لحظه لانها طلبته صورة الفيزا تعهدات 54 و 55 وتكفل بالمصاريف التامين الصحي بطاقة العائله والهويه كشف حساب (الاصل ومختوم) بملف زوجي فقط ولم تطلب حجوزات الطيران طبعا تم استراجعنا لوجود خطأ في تاريخ ميلادي المسجل بالتامين الطبي والحمدلله موجود فرع للتامين ودفعت من جديد:( وزوجي طلبت منه اعادة التصوير لان حسب كلامها الزوم بعيد ودقيقين جدا جدا جدا بالصور انتظرنا نص ساعه بعدين استدعونا للتبصيم وبنتي عمرها (8) شهور طبعا ماخذتها حضورنا بدري سهل علينا لان بعد ماطلعنا شفنا الزحمة عند التامين والتصوير والحمدلله يوم الخميس بتاريخ 19 مايو حصلنا ع الجوازات والموافقه لكن مدتها ثلاث شهور فقط مدري كيف يحدوون المده !! وجوازي باقي له سنتين وزوجي وبنتي مجددين قبل شهرين المهم تغطي وقت سفرتنا لان ماتوقع نرجع المانيا خلال السنوات القادمه:) :62: |
اقتباس:
ما شاء الله مبروك الحصول على التاشيرة وسفرة سعيدة ان شاء الله |
علي البركه بس ليش 3 أشهر فقط غريبه شكرا لذكر تجربتك |
حياك الله بيننا 1000 مبروك الفيزا و المرات الجاية اذا قدمتوا يعطوكم مدة أطول تجربة رائعة شكراً على طرحها فعلاً يدققون بالصور كثير أعجبني ترتيبك للطلبات رحلة سعيدة بس لا تنسينا من التقرير |
طيب عزيزتي كيف يسلمونك الفيزه اذا خلصت؟ يرسلونها بالبريد ولا تروحون تستلمونها؟ موعدنا بعد بكرا وما معنا الا تعريف بالانجليزي :13: |
اقتباس:
حنا طلبنا من الموظفه نستلمها عن طريق ارامكس وتعطيك ورقه تعبين معلوماتكم والبريد ووصلها لنا بعد بيوم |
الف مبروك الفيزا نتمنى لك سفرا سعيدا |
ختي ام سارة لفت انتباهي انك تقولين اعطونا ثلاث شهور فقط اعتقد انك خلطتي بين مدة البقاء في المانيا وتاريخ بداية ونهاية صلاحية الفيزة ( وان كنتي متاكدة ارجوا ان تتقبلي مداخلتي وذلك من باب توضح الامر ) وهذا موضوع للرائع اخونا اخر فرصة يشرح فيها كيفية قراءة الفيزة |
ألف مبروك أختي التأشيره وبالفعل بعد احداث باريس صار في بعض التشديد بالإجراءات وتقليل لمدة صلاحية التأشيره وبإذن الله في المرات القادمه تحصلون على فترة أطول رحلة سعيده |
| الساعة الآن 11:21 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO