|
تجربتي في المركز الموحد للتأشيرات ((الألمانية)) اليوم 24 مارس 2016 السلام عليكم ورحمة الله و بركاته كان موعدنا اليوم في الالمانية انا و زوجي و اطفالي اطفالي ما اخذناهم معانا لان اعمارهم تحت ال12 سنه رحنا بدري قبل الساعه 9 وكان حجز زوجي في قسم الافراد وانا العوائل فلما دخلنا عند الاستقبال طلب زوجي نكون جميع عند العوائل و قال له احد الموظفين خلك عند الافراد الحريم مشكله :24: بس دخلنا عند الحريم عشان لما يطلبون اكشف وجهي وفعلا طلعو مشكلة دقيقين جدا جدا بمقاس الصورة صور زوجي و اطفالي كان زايد مقاسها 1 ملم فقطططط و جلسو يتناقشون يمشوننا ولا ما يمشوننا لما سالو موظف وقال عادي تمشي :20: والحمدلله اوراقنا كانت كاملة بس حجز الفنادق كنت مصورتها بالعربي ولما جيت اطلع الصباح من البيت قلت ادخل النت اتاكد يبون عربي او انجليزي و طلعو يبون انجلش فطبعت نسخه وحده انجليزي ولما جيت عند الموظفه قالت لا كل طلب نسخه و ما قصرت قامت هي تطبع نسخ لنا كلنا وخلصت من عندها و جلسنا ننتظر تدقيق المعلومات عند موظف و تدخيلها ثم التبصيم و اخذ مننا وقت انتظار ما طلعنا من عندهم الا على 11 و وقتها بدات الزحمه الفعليه فنصيحتي للكل اللي عنده موعد يحرص يجي بدري و صوره من كل شي لكل طلب و الشي الثاني في عايلتين جايين تبع شركه سياحيه معبي لهم اوراقهم و جايين يوقعون على اوراقهم و يبصمون فخلو عنكم هالشركات دام الجيه للتبصيم فيكم فيكم بدال ما تدور شركه و تروح لمهم تودي جوازاتك و صورك وتطلع مره ثانيه تجي تبصم خل شغلك كله بالبيت و تعال بنفسك قدم اوراقك و فلوسك انت اولى فيها واللي يقول ما اعرف انجليزي ما اعرف اعبي.. الابلكيشن مترجم والمنتدى هنا اصلا شارحين طريقة التقديم و التعبئه حرف حرف و سلامتكم |
و عليكم السلام فعلاً صاروا يدققوا على مقاس الصور بالملي عشان اهمال استديوهات التصوير و كثير منها غير ملم بطلبات السفارات تجربة مفيدة راح يستفيد منها الكل و عقبال نبارك لك بالفيزا شكراً لطرح تجربتك الله يعطيك العافية |
الف مبروك مقدما وسفره سعيدة |
الحمد لله .. إن الأمور تمام .. لا أعلم متى تنتهي معاناة الشنغن .. شكراً لك ع طرح تجربتك .. ليستفيد الكل .. أرسلت بواسطة iPhone بإستخدام Tapatalk |
مبروك وان شاء الله سفرة سعيدة شكرا على طرح تجربتكم |
وعليكم السلام ورحمه الله وبركاته شكرا لذكر تجربتك المنتدي مو مقصر وابوغسان وامثالكم اللي يذكر تجربته لكن ربعنا فيهم كسل |
يديكي العافيه أخت اسماء على ذكر تجربتك وما حوتها من نصائح مهمه بارك الله فيكي ورحلة سعيده ولا تنسينا من التقرير الجميل المفيد |
طلعت تاشيرتنا الخميس الماضي بس ما استلمناها الا اليوم يعني اخذت الاجرائات ثلاث ايام الحمدلله اعطونا سنه |
اختي طلبوكم خطاب تكفل ب المصاريف للزوجه طيب الزوجه ربة منزل اكتب في الابلكيشن انها لاتعمل ابي توضيح اكثر شكرا لك |
1 مرفق اقتباس:
تكتب لها house wife واذا معكم اطفال لهم ورقة توقع عليها انت و امهم |
| الساعة الآن 05:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO