|
[تجربه] اصدار فيزا المانيه لعائلة المكتب الموحد بالرياض 7/6/2016 (الالمانيه تطورت ؟ ) السلام عليكم ورحمة الله وبركاته كيف حالكم يا أخوان المنتدى ؟ وكيف رمضان وأجوائه الجميلة معكم ؟ اليوم جايب لكم تجربتي مع اصدار فيزا شنغن عن طريق سفارة المانيا ( المكتب الموحد طبعا مهب من السفاره نفسها ) بس قبل اكتب لكم التجربه هذي رابطين لتجربتين لي العام الماضي واللي قبله وراح تكون مفيده للشباب الغير موظفين تجربتي عام 2014 مع استخراج فيزا المانيه و تجربتي مع استخراج فيزا فرنسية مركز الرياض (طالب/غير موظف) والحين نتكلم عن تجربتي لهذا العام,, طبعا التقديم هالسنه للاهل ولا انا الحمدلله الفرنسيه عطوني اربع سنوات يحبها قلبكم :72: الاشخاص اللي قدمت لهم الوالد والوالده وثلاث بنات 20 سنه و 16 سنه و 11 سنه وولد 6 سنوات طبعا كان الموعد يوم الثلاثاء الموافق 7/6/2016 ثاني ايام رمضان الساعه 9:30 وكانت رسوم حجز الموعد للأهل بالكامل 750 ريال ( تم حجز الموعد من تاريخ 19/5/2016 خلاني اقول شكل فيه زحمه كبيره اللي مافيه مواعيد طبعا طلعت انا والاهل ووصلنا المكتب على الساعه 9 هنا جتني اول صدمه الموقف الخلفيه والاماميه للمبنى اللي قد زاره ويعرفها فاضية بنسبة 70% قعدت اقول وين الناس :e419: ) وقفنا وطلعنا فوق بعد ماخلصنا من التفتيش وكاونتر الارقام مافيه الا اثنين قدامي شوي الا الخبر اللي يجيب الهم جهاز الارقام متعطل :2: جلست انتظر في الصف مايقارب 40 دقيقه وصف الانتظار وصل الى جوا الممر وانت متجه لصالة التقديم , ضبط الجهاز واشتغل واستلمت الرقم بالضبط 9:45 وكان الرقم لقسم العائلات ناديت الاهل وقلت بسم الله توكلنا على الله تعالو معي دخلنا الصاله الاولى ومنها لصالة العوائل كان ودي اصور صالة العوائل زي ماصورت قسم الافراد العام الماضي بس ماحبيت خصوصا اغلب الموجودين نساء طبعا المكتب ماتغير عن السنه الماضيه في اي شيء الا شيء واحد بقوله في الاخير باذن الله بعد مادخلنا جلست اشوف اللوحات وين كونترات الالمانيه الا هم اخر 4 كونترات كونترين للتقديم وكونترين تبصيم ومابعده الا كونتر موظف التدقيق جلسنا على الكراسي الا فيه موظفه ماعندها احد قلت اجي ؟ بحكم اني ثاني واحد في الصف برا ياخذ رقم للالمانيه واللي قبل جلس عند الموظفه الثانيه ,, سالتني كم رقمك ثم قالت لي انتظر جلسنا ننتظر وللاسف ماحسبت كم الوقت بالضبط لكني متأكد كان فوق ثلث ساعه ركزت مع الارقام لما نادو رقم للالمانيه وكان الرقم اللي قبلي والرجال مع الموظفه شوي الا اسمع رقمنا ورقم الكونتر ( طبعا طوال فترة الانتظار ماجلس عند الموظفه ولا شخص فاستغربت ليش خلتنا نجلس كذا !! ) جيت بروح للكونتر الا يناديني موظف تدقيق البيانات قال تعال عندي انا قلت عندك عندك ( واتوقع انه كان شيء كويس عشان افتك من تدقيق البنات حريصات حسب ماسمعت من الاخوان هنا ) بسم الله نبدا بالاوراق اللي كانت معي : 1/ نموذج التقديم وشرحه الغالي آخـــرفـــرصـــة في موضوعه هنا " طريقة تعبئة نموذج المانيا 7 صفحات VIDEX " 2/ تعريف الراتب للوالد + كشف الحساب 3/ صورة من الجواز 4/ صورة من البطاقه الشخصية ( الاحوال ) 5/ التأمين الطبي 6/ تعهد 54و55 وكانت النسخه اللي معي القديمه وقال ابطبع لك الجديده ( ياليت اللي عنده النسخه الجديده يزودنا بها يا اخوان ) 7/ تذكرة الطيران 8/ حجوزات السكن لكامل المدة 9/ خطاب تكفل بالمصاريف 10/ موافقة أولياء الأمر لمن هم أصغر من 18 سنة وهذا رابط الملف المعتمد من عندهم ( هنا ) طبعا قال لي اول ماجلست عطني البداية الشخص الأساسي المتكفل, قلت بسم الله البداية اجل بالوالد اخذ جميع الاوراق اللي معي للوالد : النموذج ثم قال عطني تعريف الراتب حقه وكشف الحساب ثم سأل عن التأمين الطبي وعطيته الأصل من التعاونية وسألني عن ورقه ثانيه تجي معه بس ماعرفت وش يقصد اللي عنده خبر وش كان يقصد بها ؟ ثم التعهد وهنا قال لي بطبع لك جديد اللي معك قديم ثم اخذ حجوزات السكن وصورة من هوية الوالد وطبعا تذكرة الطيران وصورة الجواز قدمتها له في البدايه لاني كنت حاطها في مشبك كل شحص مع نموذجه ثم بدأ يطلب أوراق اللي بعده ومشى عليهم بالعمر اخذ لكل شخص كامل الاوراق ( كل شخص اخذ منه تعريف الراتب للوالد وحجوزات السكن لكامل المده وصورة من التأمين الطبي ) الشيء الوحيد اللي اكتفى به هو نسخه وحده من كشف الحساب طبعا سألني عن صورة هوية للوالده وما معها هوية فقلت مامعها قال طيب معك صورة كرت العائلة قلت ايه فاخذ صورة لكرت العائلة وقدمت لهم كلهم صورة كرت عائلة مع ان ثنتين من اخواتي معهم هوية بس ماكنت مصورها وماقلت له ان معهم لانه ماسال بعد الوالده , واللي تحت 18 سالني معك خطاب الموفقه قلت ايه قال كويس معبيه قلت ايه بس ناقصه تواقيع زي باقي الاوراق اللي معك :20: ( طبعا كنت رايح معي كامل الاوراق بس ماعليها تواقيع اهلها لاني من يقول اني ماخلصتها الا ليلة الموعد كل يوم اقول سهله وماتبي وقت بكره اسويها وهي صدق سهله وماتبي وقت ياللي تروحون للمكاتب ويلعبون عليكم انها معقده :26: ) قال مهب مشكله يوقعونها مع باقي اوراقهم ثم قال لي عطني خطاب الوالد بالتكفل بالمصاريف قلت له وانا اخوك معي 5 خطابات قال ابي واحد بس ما ابي اكثر من نسخه قلت لا وانا اخوك معي خطاب موجه لكل شخص باسمه قال يالله اجل هاتهم ورتب كل شخص مع اوراقه ( كان يبغى خطاب واحد تكون فيه بيانات كل الاشخاص يرفقه مع المتكفل الرئيسي الوالد ويخلص ) ثم اخذ صورتين من كل شخص والله يا اخوان انا ماشفت الصور الا عنده وقلت بس بيردنا فيها اول ماشفتها جلست يا اخوان ادور صور على الاقل مقصوصه بشكل مستقيم من كثر ما ان الصور مقصقصه بشكل غريب من مركز التصوير اللي صورو فيه الاهل حسبي الله عليه, والله اول ما اعطيه صوره يدبسها على طول بدون ما يشوف والثانيه يحطها على جنب قلت اشوى اني عنده مهب عند البنات اجل بعد ماخلص فارز كامل الاوراق ومرتبها قال ناد لي الوالد اشرت للوالد وخليته يجلس وبسم الله بدت رحلة توقيع الاوراق وحسيت وانا واقف فوق راس ابوي اني من هالعماله حقين المكاتب مسحب معي كم عائلة وجايب اوراقهم ثم اقول لهم تعالوا وقعوا تعالوا بصموا طبعا وقع الوالد على نموذجه وعلى التعهد اللي طبعه من جديد وهو عباه ( حط الصحات فيه :1: ) وخلاه يوقع على جوازات اخواني اللي تحت 18 سنه ووقع لهم نماذجهم ووقع في مكانه الخاص بتصريح الوالدين لاستخراج الفيزا للي اقل من 18 ثم قال استرح وناديت الوالدة ووقعت على نموذجها وتاكد انها موقعه على جوازها من قبل وخلاها فقط توقع على تصريح الاستخراج للي اقل من 18 ما خلاها توقع ايضا مع الوالد في النموذج ثم اختي ناداها واللي الله يهديها بغت تسبب لنا مشكله بس مشانا الموظف ( توقيعها بنسبة 90% يشبه توقيع الوالد ) قبل توصل للكونتر فتح جوازها لقاها موقعه قال ابوك موقع لها قلت لا هي يوم وصلت قال من موقع قالت انا قال ما يصلح نفس توقيع ابوك ثم خلالها توقع اوراقها يوم شافها بنفسه وهي توقع قال بمشيكم بس ما اضمن ان اوراقكم تمشي لان التوقيع شبه متطابق وبعده جلسنا ننتظر التبصيم قعدنا فتره الصراحه لما يدخلون البيانات في النظام ويدققونها ثم نادو الوالد وبصم ورجعو له الصوره الثانيه بعد ماسوت لها سكان الموظفه ثم الوالده ثم اخواتي ثنتين شوي الا الموظفه تنادي اختي اللي عمرها 11 تبصم :e419: طبعا انا كنت متشائم من ان الصور ماراح تكون مضبوطه من كلام اغلب الاخوان هنا انهم مره دقيقين فجبت العائله كامله في حالة قالو نبي صور جديده خليت الوالده تسال الموظفه ليش نادتها تبصم وهي توها 11 سنه قالت اننا حاليا ندخل بصمات مواليد 2003 و 2004 قلت كويس لو الواحد بيقدم السنه الجايه لو ماعطونا فتره طويله وهالشيء المتوقع من الالمانيه تصير مبصمه ومايحتاج تجي بعدها انتظرنا فتره زياده لما نادونا نحاسب وكان المبلغ الاجمالي 1330 ريال ( 250 ريال للكبار و 150 للاطفال و 30 ريال رسوم رسائل جوال ) طلعنا من المكتب الموحد وكانت الساعه 11:30 تقريبا كان ممكن تكون المدة اقل بكثير لو جهاز الارقام كان يشتغل :16: التكلفه الكامله للشخص : حجز موعد 125 ريال + تأمين طبي شهر من التعاونية 115 ريال للشخص ( رسوم ادارة لكامل العائلة 25 ريال ) + رسوم الفيزا 250 ريال = المجموع 490 ريال للاطفال حجز موعد 125 ريال + تأمين طبي شهر من التعاونية 115 ريال للشخص ( رسوم ادارة لكامل العائلة 25 ريال ) + رسوم الفيزا 150 ريال = المجموع 390 ريال تتبع التقديم : في نفس اليوم اللي هو 7/6/2016 الساعه 6 المغرب جاني ايميل انها طلعت من المركز للسفاره والساعه 7:30 جاني ايميل بانه الجوازات وصلت السفاره يوم 9/6/2016 الساعه 2:15 الصباح :e419: ( شكلهم وقت السحور مروقين على جوازاتنا ) وصل ايميل ان التقديم تحت المراجعه في السفاره في نفس اليوم الساعه 8 المساء جاني ايميل انه الجوازات طلعت من السفاره :19: بعدها بربع ساعه وصلني الايميل الاخير اللي يقول انه تم اتخاذ قرار وانه جوازاتك جاهزه للاستلام في المركز الموحد طبعا كان يوم الخميس وانا الصدق قمت اوسوس قلت بس ردونا السفاره وش اللي مقدم قبل امس الثلاثاء تراني من جدهم الالمانيه يوم اقدم انا لاطعيني فوق 21 يوم اكيد موظف كان منفس ورفض التقديم على طول يا بسبب توقيع اختي يا بسبب كشف الحساب لانه كان حساب فرعي عند الوالد ومهب اللي ينزل فيه الراتب حتى اني كنت بكتب التجربه في وقتها واحدث بس انشغلت اول يوم وثاني يوم الا يقولون لي رجعنا جوازاتك قلت اخليها اجل يوم الاحد ان شاء الله اذا شفت الجوازات واليوم الحمدلله الساعه 9 كنت عندهم ودخلت على طول جهة الاستلام واللي لاحظته فرق في المركز عن العام قزازة الاستلام كبروها وصارت ثلاث موظفين كل موظف عنده مجموعة دول طبعا كان قدامي فقط شخصين بس كان فيه زحمه على استلام البريطانيه وما اتذكر وش الدولة الثانيه اللي معهم من الوسوسه يوم وصلت للموظف قلت له الحين من جدكم ثلاث ايام وخلصت تدري عن هالشيء ؟ عطاني نظره في نفسي ترجمتها انه يقول مسكين مرفوضين وقال ايه الحين صارو يشتغلون بسرعه الالمانيه عبيت ابياناتي للاستلام واخذت الجوازات طلعت للسياره وعلى طول فتحت جواز الوالد ولله الحمد شفت الاستكر انبسطت على طول بسبب الوسوسه اللي جتني في الويك اند حتى مافكرت اشوف كم المده اهم شيء فيه الفيزا :55: بعد ماركدت شيكت لقيتهم كل الاهل عطوهم سنه تبدا من تاريخ السفره باذن الله طبعا سرعه في الاصدار ممتازه جدا جدا ما ادري اذا الالمانيه صارت دائما بهالسرعه او نادرا وانا من القلائل ؟ الفرنسيه السنه الماضيه اخذت فتره تقريبا نفس هالفتره بس استغربتها من الالمانيه لان يوم اقدم قبل العام قدمت يوم 11/6/2014 واستلمت الجواز يوم 3/7/2014 وفي الختام اشكر جميع الاخوان اللي في المنتدى واللي يقدمون خدماتهم للاخوان اللي يستفسرون وماودي اذكر اسماء وانسى اسماء لكن جميعهم لهم الشكر في جهودهم واعتذر عن الاطاله بس للاسف هذي عادتي في كل مواضيعي اذا جلست على كيبورد معد اوقف كتابه وللاسف ماقد استفدت من هالشيء في اني كتبت تقرير سفر قبل ثلاث سنوات كنت بكتب تقرير وماش مدري وش صار مع اني كنت اغلب الوقت فاتح ملاحظات الجوال اكتب نقاط رئيسيه ومصاريف للرحله والسفرتين الماضيه سويتها على شكل فيديوات يوميه طوال السفره اتمنى اني باذن الله هالسنه اوفق بالسفره مع الاهل واكتبها على شكل تقرير كتابي في الختام اتمنى لكم يوم سعيد واشكرك على تحملكم لي اخوكم / سعود :e032: |
تحديث سريع نسيت اقول التقرير نزل لكم قبل حتى الاهل يدرون اني استلمت الجوازات :e11d: |
بيض الله وجهك يا سعود ومبروك الفيزا وكويس انه ورقة وحده للتكفل بالمصاريف مذكور فيها اسماء التابعين تغني عن الاوراق الباقية يعطيك العافية |
الف مبروك الفيزا وشاكر لك تجربتك اليوم بتفرغ واكتب تجربتي :1: |
اقتباس:
يا حبيلك يا سعود بارك الله فيك بس التقرير فيك فيك هالسنه إن شاء الله علي خير قل تم الحمدلله صرتم عند أبوشنب :13: الحريم دقيقات حتي وقت اجازة المدارس تلقي المدرسه تداوم كامل الدوام والرجال يوقع ويمسك الباب شيء طيب التبصيم حتي للصغار يريحهم بعدين المشكله بس انكم رايحين وانتم صايمين متعب شويه |
اقتباس:
حياك الله اخوي فيصل ونقول ان شاء الله ان التقرير بيكون واحد من اساسيات هالرحلة اي والله الحريم دقيقات جدا وحريصات في اغلب المجالات والتبصيم لاختي بيكون مريح خصوصا لو مابصمت هالسنه وقدمنا السنه الجايه تحتاج تبصيم لانها تكون تعدت 12 سنه فالحمدلله بصمنا وخلصنا والتعب الحمدلله مامن تعب مع الصيام |
السلام عليكم ورحمة الله انا حجزت طيران الرياض ميونخ ذهاب وعوده ورحلتي كلها في الريف النمساوي تقريبا 20 يوم ذهبت الى احد مكاتب استخراج الشنغن الالماني فذكر لي ان الشنغن 850 ريال لشخص الواحد يعني انا وزوجتي 1700 ريال وقال ان كشف الحساب لا يقل عن 15 الف بالانجليزي وطلب تعريف بالراتب مترجم وسألته هل تسلمني التأمين الطبي قال لا هذا فقط خاص بالشنغن السؤال هل استطيع ان ارتب اوراقي بنفسي واحجز في المانيا حجوزات مسترجعه عن طريق بوكينج طيلت مدة الرحله او اكتفي بحجز الطيران وحجوزاتي للنمسا لان فارق السعر كبير يعني لو خلصتها بنفسي حسب حسبتك تطلع علي جميع الجوازات 900 ريال يعني فرق 800 ريال وشكرا لكم |
طبعاً تقدر شوف الموضوع المثبت شرح تعبئة نموذج شنغن بيفيدك مثل مافادني ووفرت 1400 ريال مفروض ياخذها المكتب .. بالنسبة الحجوزات احجز الفنادق اللي تبي وتكون الغاء مجاني عشان افضل لكم أرسلت بواسطة iPhone بإستخدام Tapatalk |
الله يعطيك العافية يا سعود اتوقع لو كتبت تقرير الكل بيتابعه لأنك ذكرت هنا تفاصيل التفاصيل و هذا اللي يفضله الكل اتوقع مع الفرحة لخبطت بتاريخ فوق كاتب 9/2 :32: الحق نفسك و عدل الالمانية هالسنة غير و فعلاً منظمين جداً واعتقد زودوا عدد الموظفين بالسفارة و احتاطوا زين لزحمة الصيف و يستحقون التهنئة على جهدهم شكراً يا غالي لطرح تجربتك الله يسعدك |
اقتباس:
الامور سهالات وانا اخوك ولا تحتاج مكتب ولاشيء وبتوفر تقريبا ٧٠٠ ريال ومافوق لشخصين من المبلغ اللي طلبه منك المكتب ولو تسوي موضوع جديد باستفساراتك عشان نفيدك والشباب بشكل افضل ويطلعون عليه الاخوان الثانين ويستفيدون منه اكثر من تضيع النصائح هنا وسط الردود |
اقتباس:
الله يعافيك ويسعدك والله مشكلتي مع التقارير اخاف الناس تطفش لاني اكتب كل شيء كل شيء فهذا اللي مخليني اتردد في اوقات كثيرهو بس زي ماقلت لاخوي فيصل باذن الله اني راح اكتب تقرير هالسنه والتاريخ شف كم لي منزل الموضوع والله ما انتبهت له الا الحين منك والالمانية هالسنة ارفع لهم القبعه على سرعة الاجرائات خصوصا بعد ماشفت اكثر من تقرير من الاخوان وان الموضوع عام اكثر من انه خلصت اجرائات كم عائله بسرعه اكبر من المعتاد |
اقتباس:
الموضوع مايستاهل مكتب ابدا... انا خلصت كل شي بنفسي من حجوزات طيران وفنادق وكل شي وانت جالس بالبيت... الى التامين تطلع للتعاونيه تامين عايلي 195 ريال مدة 15 يوم والروحه لازم كل الي بيسافرون يروحون للتبصيم ... الامور سهالات مرا.. الله يوفقك |
ماشاء الله تجربة جميله الله يوفقكم ....ومشكور على الموضوع المرتب... وفعلا اللالمانيه السنه هذي سريعه جدا |
هل ورقة التكفل بالمصاريف موجودة لديك اذا كانت موجودة ارجو ارفاقها لكي يستفيد منها الجميع |
اقتباس:
وهذا الموضوع اللي فيه الخطاب شرح خطاب تكفل بالمصاريف 2014 طبعا ممكن تسوي خطاب لكل شخص زي ماسويت انا او زي ماطلب مني الموظف خطاب واحد لجميع الاشخاص اللي بيتكفل بهم الشخص في نفس الخطاب مثلا تسوي جدول مكان بيانات المتقدم اللي فوق تحط فيه اسم الشخص تاريخ الميلاد ورقم الجواز وصلة القرابه وباذن الله بتكون كافيه |
ماشاء الله تبارك الله ، الله يخليك لأهلك ويسعدك كانك اسعدتهم ياليت اخوي مثلك ، اعتمدنا عليه ونكبنا نكبه روعتنا... اجبر الوالد يدفع مصاريف كنا في غنى عنها ... في اي بي بي ومستعجل وحاله.. طبعا هذه كان بالنسبه للبريطانيه.. الحمدلله على كل حال وقدر الله وماشاء فعل عموما .. عندنا موعد 13 جولاي في الفرنسيه صالة الVIP وسفرتنا 29 جولاي .. تنصحنا ناخذ مستعجله؟ ولا عاديه |
اقتباس:
جزاك الله خير,, والله يخلي لكم اخوك وان شاء الله يتعلم من هالمره وتضبط معه المرات الجايه فيز الشنغن مافيها خدمه مستعجله زي ماهو موجود في البريطانيه الشنغن فقط Vip او عادي وهذي تفرق يوم التقديم يحطونك في جلسه فخمه ويدلعونك وهم ياخذون الاوراق او كونتر عادي وكل الاثنين الاجرائات وحده وبعد ماتطلع الاوراق من المكتب الى السفاره الاجرائات مافيه تعجيل لها او اي شيء ممكن فقط الناس تاخذ Vip لانها ماحصلت موعد قريب وممكن يعجلون لكم شيء بسيط لكن مافيه شيء تقدرين تطلبينه زي البريطانيه بمقابل لتسريع الاجرائات لكن نقول ان شاء الله يمدي يطلعون لكم التاشيرات قبل السفره اذا شافوها مره قربت يعجلون لكم شوي |
والله انا شايله هم الفيزا لاننا تاخرنا بحجز الموعد بحجة ظروف.. كان موعدنا الخميس 30 يونيو ورحلتنا 17 جولاي الوقت ضيق جدا:12: الله ييسرها دعواتكم.. |
سو اقتباس:
والله يا اخوي أنا مقدم لألمانيا في 29 يوليو وللحين ما ارسلو شي لا حس ولا خبر ، الله يستر |
اقتباس:
الله ييسرها لنا اجمعين.. التأخير مشكله والوقت غلط |
اقتباس:
المشكلة ان المكتب قال لي قبل العيد أكيد راح تطلع وحتى شفت ناس طالعه لهم في يومين غريب صراحه قدمت الأربعاء و ارسلوا لي رسايل على الايميل الاربعاء و الجمعة والأحد و الاثنين اختفوا مالهم حس والله الواحد حاط يده على قلبه لي الان 6 ايام انتظر |
Mohammed2017 طيب متى رحلتك؟ المفروض رحت للمكتب تستلم الجوازات دام جتك رسايل |
اقتباس:
وتساهيل ان شاءالله لاتشيل هم دام عندهم حجز الطيران بيخلصونها قبل الرحله ان شاءالله. |
اقتباس:
طبعا أتكلم عن الألمانية |
اقتباس:
في منتصف شهر اغسطس الرسايل هي إنّو الجوازات طلعت من المكتب و الان في السفارة و انها تحت الإجراء بس |
اقتباس:
عندك وقت ان شاءالله بعد العيد راجعهم |
اقتباس:
تتكلمين جد ؟ اخذو منكم تذاكر الطيران !!! أنتم ماخذين موعد في قسم العوائل ولا vip |
اقتباس:
|
اقتباس:
لان vip فيه موظفين اثنين على ما اعتقد والله يا اختي اقلقتيني الله يستر بس |
اقتباس:
وانت ماشاء الله مقدم بدري وهذا الشيء السليم بما انك تقول سفرتك وسط اغسطس باذن الله قدامك وقت لو تبي بعد ترجع تقدم مره ثانيه من جديد فيه وقت باقي فوق شهر |
اقتباس:
تساهيل وتتيسر ان شاءالله قدامك وقت |
5 مرفق اقتباس:
هذي النسخة المعربة http://www.arabtrvl.com/up/uploads/a...8546700631.pdf هذي النسخة الجديدة 2016 انجليزي http://www.arabtrvl.com/up/uploads/a...8546700632.pdf هذي نسخة طلب التاشيرة عربي انجليزي http://www.arabtrvl.com/up/uploads/a...8546700633.pdf هذي نسخة طلب التاشيرة انجليزي الماني http://www.arabtrvl.com/up/uploads/a...8546700634.pdf ولا تنسوني من دعاكم |
ألف مبروك التأشيره ومشكووور على الشرح الشافي الوافي |
انا من خارج الرياض ،، و لا اعرف الإجراءات الأزمة ،، بمعنا مكان المكتب و الحجز و قدايش يستغرق وقت اتمنى منكم تفيدوني |
اقتباس:
مشروح كل شي بالمنتدي هذا الموضوع مفصل و ذاكر كل التفاصيل والمواضيع المثبتة تساعدكم الرجاء قراءة كل المواضيع بعدين اذا عندكم اسئلة اطرحوها و ما نقصر معكم |
سوال اخوي ان شاء الله ناوي استخرج فيزة شنقن لشهر العسل وش الاورق المطلوبه لي ولزوجتي هل كرت العائله مطلوب ؟ بظاقة الاحوال مطلوبه لكل الشخصين ؟ |
مشكوووور اخوي عالشرح الوافي سؤال اذا انا مسافر المانيا والنمسا ورحلتي من جدة على ميونخ ومن مطار ميونخ دايركت عالنمسا 4 ايام وبعدها 3 ايام في ميونخ والعودة الى جدة ... هل استخرج الفيزا من المانيا او النمسا ؟ وشكرا |
تقرير وافي وشافي شكرا لك .. هل الاطفال الي عمرهم ٣ سنوات لهم تبصيم ؟ |
| الساعة الآن 04:27 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO