|
تجربتي في استخراج الفيزه الالمانيه 4 رمضان ،9 يونيو2016 السلام عليكم ورحمة الله وبركاته،، أولاً اشكر الله على نعمته وفضله واحمده واثني عليه ثانياً.اشكر جميع القائمين على هذا المنتدى الرائع والشامل على كل مايحتاجه المسافر وسرعة ردودهم وسعة صدورهم اللهم اجعله في ميزان أعمالهم ووفقهم وارزقنا واياهم العمل الخالص لوجهه الكريم ولاتحرمهم دعواتنا لهم في ظهر الغيب،، موضوعي مكرر لكن حبيت انقل تجربتي لكم، بالبداية تم أخذ موعد عن طريق الموقع كان لابد الدفع عن طريق بطاقة الفيزا والغير مدفوع لايقبل وتم شرح خطوات حجز الموعد بالمنتدى الشخص 125 لكل شخص كبير او طفل تم تجهيز الأوراق المطلوبه لكل شخص ملف الابلكيشن التأمين بطاقة الهويه بطاقة العائله صوره الجواز صورة الشنقن القديمة حجز الفندق تعريف الراتب باللغه الانجليزية كشف حساب باللغه الانجليزية صورة بطاقة الفيزا الصور الشخصيه كانت الموظفة خدومه خدومه جداً كان فيه خطئين بالابلكيشن وقلت لها وقالت عادي لانه يتم التدقيق بالكمبيوتر من عندهم كان ناقص التعهدات وأعطتنا الأوراق وكملناها عندها تم استرجاع الصور ونزلنا للاستديو المقابل لهم وصورنا الرسوم كاش الكبير 250 من عمر 6الى 12 150 رسايل 5 ريال استلموها يوم 9 يونيو انتظرت كم يوم ماجاء رسايل بعد أسبوع وصل إيميل ان الأوراق عندهم وبعد أسبوعين صراحه قلقت لا رسايل فرحنا للمكتب لقسم استلام الجوازات والحمدلله لقيناها خالصه الغريب انهم عطونا ست شهور واحنا عندنا قبل شنقن المانيه مدتها سنه وشنقن سويسرية الحمد لله أولاً وأخيراً الحين باقي التخطيط للسفر الله يسهل امرنا وأمر جميع المسافرين.. وصلى الله وسلم على نبينا محمد.. |
وعليكم السلام 1000 مبروك الفيزا رائع لطرحك تجربتك في موضوع مستقل و ذكرك للتفاصيل عشان يستفيد الكل المرة الجاية ان شاء الله يعطونكم مدة أطول بس هل جواز احد منكم ينتهي قريب ؟ الموظفات كلهم خدومات بصراحة و يساعدون حتى بتصوير الاوراق عكس الموظفين شكراً لذوقك والله يحفظك |
وعليكم السلام ورحمة الله شكرا على هذا الشرح الجميل وألف مبروك الفيزا لو قدمتو على الفرنسية اخذتو اكثر .. لكن خيره موفقين |
مشكوره على طرح تجربتك لكن عندي سؤال المكتب الموحد بالرياض قريب منه استديو تصوير ؟؟ يعني يمديني قبل موعدي اصور قريب من المكتب ؟ |
اقتباس:
جواز المتكفل باقي له سنه الموظفة كانت رائعه جداً حتى أني قلت لها قريت عنكم أنكم خدومين ومتعاونين فأنبسطت من كلامي لأَني حبيت انها تدري ان الجميع يثني عليهن، |
اقتباس:
كان التفكير على الفرنسيه لكن ماكتب الله،،لعلها خيره... |
اقتباس:
ولو تأخرت عادي لان الالمانيه اهم. شي انك تجي باليوم المحدد اما الوقت الي يجي بدري يأخذ رقم فيه استديو تحت المكتب الموحد لكن غالي ... |
ألف مبروك التأشيرات والمده أعتقد بسبب قصر مدة صلاحية جواز المتكفل لكن عموما بشارة طيبه وأتمنى لكم رحلة سعيده وعودة هانئه |
| الساعة الآن 01:08 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO