|
مسافر في 4اوقست لأسبانيا هل يمديني اطلع شنقن حتى لو بموعد vip سلام عليكم ورحمة الله وبركاته عيدكم مبارك وكل عام وانتم بخير ياشباب بغيت استشيركم رايح للمغرب حجزي اوك انا وثلاثة من خوياي لمدة أسبوعين والشباب يقولون اسبوعين كثيره على المغرب ففكرنا نطلع لماربيا وبرشلونه عن طريق طنجه بالبحر هل تشوفون أن الفكره مجديه وبنلقا أجواء جميله فالجنوب الإسباني؟ والشي الأهم إذا بغينا نطلع فيزا يمدينا نستلمها قبل سفرتنا 4اوقست والي يعرف معقب شاطر يتواصل معي على الخاص والله يعطيكم العافيه جميعا |
أتوقع يمديك تقدر تدخل موقع الحجز وتشوف التواريخ المتاحة بالنسبة لها تأخذ أسبوع بالكثير حسب ما قاله أحد الموظفين لي بمكتب الموحد بجدة. بس حاول تستعجل الوقت محسوب عليك . |
وعليكم السلام حاول تلقى حجز موعد للفيزا اتوقع تأخذ من 7 الى 10 أيام |
ماقصرتو بيض الله وجيهكم |
اذا ما يمديك على الفيزا لا تفوتها الرحلة من طنجة واجواء ماربيا جداً حلوة |
مشرفنا القدير tab_el أشكرك بحجم السماء على تشريفك ومرورك العطر على موضوعي وابشركم تقدمت بطلب الفيزا والاستلام في 25يوليو لكن يادوب لقيت من السفاره الايطاليه السؤال هنا ولو كثرت عليكم الاسئله: 1 هل استطيع ادخل بالفيزا الايطاليه اسبانيا اول شي 2 احتمال نخليها طيران من الدار البيضاء إلى ميلانو مباشره علما ان العوده اوك من جنيف في 20اوقست 3 هل استأجر سياره من ميلان واسلمها جنيف وماهو خط السير المقترح علما انا مدة السفره كامله 17يوم مقسومه بين المغرب وأوربا مع اني أفضل أن يكون الثلثين للمغرب أقل تكلفه وبين اهلك وناسك:5: 4 لتجميع الأفكار روحتنا للدار البيضاء 4اوقست والعوده من جنيف 20 أوقست وابي شوركم في تقسيم الأيام بينها ومن وين ابدأ زيارة أوربا ادري كثرت الاسئله بس محتاس والله وسفرتين داخل سفره والله يستر لانجيب العيد |
حياك الله مسافر ورايح حلو الاسم تروح وتجي بالسلامة اذا طلعتها شنجن ايطالية ممكن تدخل اسبانيا بس يكون معك حجوزات فندق ان اقامتك في ايطاليا اكثر وممكن يسالونك اثبات سفرك من اسبانيا الى ايطاليا واذا مباشرة على ميلانو اكيد مافيها مشكلة نجي للأهم توزيع ايامك لو افترضنا المغرب من 4 -14 يبقى لك 15-20 يعني 5 ليالي فالأفضل تكنسل اسبانيا وتروح ميلانو ليلتين والباقي في جنيف (السكن في الريف الفرنسي) بالنسبة للسيارة اذا وصلت ميلانو ما تحتاج سيارة لليومين اليوم الثاني في ميلان روح بالقطار الى لوغانو في سويسرا (تقريبا ساعة) واستأجر السيارة من هناك وخذ لفة على لوغانو وكومو وارجع ميلان والتسليم في جنيف |
مشرفنا القدير ابو مهاب بيض الله وجهك على الرد الكافي والوافي وعلى شورك بنمشي وتوكلنا على الله مع ان واحد من اخوياي مصرر على انا ناخذها بالسياره لفه من ميلانو على الشمال الإيطالي شرقا إلى فيرونا قبل فينيسيا نتجه شمالا على انسبورك إذا صح الاسم حتى نوصل زيلامسي ونقضي باقي الايام في زيلامسي حتى ليلة السفره ونرجع جنيف ننام فيها اوضواحيها آخر ليله ومن ثم العوده لأرض الوطن مع الملاحظ أن موقع إيجار السيارات بالنت من ميلانو يعطي أسعار إيجار إلى حدود 150ريال لليوم بينما لوغانو أرخص إيجار لليوم 600ريال وانا ماتفرق معي نوع السياره أهم شي ماتوقف بنا:22: واني اقدر اسلمها في جنيف محطة العوده |
حياك الله وبيض الله وجهك وجميع المتابعين خطة خويك حلوة بس المشكلة المسافة بتكون بعيدة من زيلامسي الى جنيف للعودة تقريبا 700 كم من الممكن استبدال زيلامسي بانترلاكن في سويسرا وهي تقريبا نفس الطبيعة والأجواء ولكن أغلى من ناحية السكن والمصاريف وارجع اقول الرغبة والاتفاق في الجدول والمخطط اهم عامل في نجاح الرحلة اذا ناسبتكم خطة خويك ممكن تحذف ليلة او ليلتين من المغرب (يعتمد على طيارتكم من المغرب الى ميلانو) وتمشي على خطة خويك وممكن بدل ما ترجعوا من زيلامسي الى جنيف بالسيارة تشوفو طيارة من ميونخ الى جنيف ليلة العودة اذا سعرها مناسب بالنسبة للسيارة اهم شي تتاكد من ضريبة التسليم في دولة ثانية اذا السعر استلام ميلانو وتسليم جنيف اوفر من لوغانو - جنيف توكل على الله واي استفسار حاضرين |
جميل جدا الله يعطيك العافية |
| الساعة الآن 05:16 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO