|
تجربتبي مع السفارة الألمانية بالمكتب الموحد بالخبر السلام عليكم ورحمة الله وبركاتة تم حجز موعد بالمكتب الموحد يوم 12 يوليو 2016 ولعدم أكتمال الأوراق تم تأجيل الموعد إلى يوم 18 يوليو 2016 وللأسف لم أقم بإكمال الأوراق حتى يوم الموعد في نفس اليوم قمت بطباعة التذاكر وحجوزات الفنادق والـتأمين الطبي التعريف بالراتب طبعاً اللي بيسافر أنا والمدام وطفلتي وتم أخذ ثلاث نسخ من كل المذكور من باب الحرص وصلت للمكتب وقالوا موعدك راح يالحبيب تبغى موعد في آي بي حياك المهم خذيت الموعد ودخلت ولله الحمد ما كان فيه أحد دخلت على الموضف شاف الأوراق قال يالحبيب وش ذا الحوسة قلت له قليل خبرة ومحتاج مساعدتك وماقصر قام بترتيب الأوراق كالتالي: أولا أنا أخذ نسخة من 1_حجوزات الفنادق طبعا واحد من الفنادق لم يكون الرمز البريدي موجود فخلاني أبحث عن رمزه البريدي وألزمني بإحضار رمزه البريدي وطلعته له من النت 2_التأمين الطبي 3_الأبلكيشن ما عبيته الا عنده هو اللي ساعدني فيه 4_ تعريف بالراتب مترجم . 5_ كشف حساب للراتب لآخر ثلاثة شهور وعرضت عليه الفيزا فأخذ صورة منها. 6_صورتين خلفية بيضاء مقاس مخصص كل الإستديوهات تعرفه بمجرد إنك تعلم للعامل إن الصور لفيزا شنقن. حجوزات الطيران أعادها لي قال ما نحتاجها ثانيا المدام والطفلة: جميع ماسبق وطلب مني بطاقة الهوية وكرت العائلة وأخذ صورة منها. 2_ طلب مني كتابة تعهد بخط اليد أذكر فيه أنا فلان مسافر مع فلان وفلان وأتحمل كافة مصاريفهم خلال الرحلة. بعدها طبع لي الفاتورة وطلب المبلغ كاش وللأسف مع حرارة الجو الممتعة والرطوبة اللي تضيف للجو حلاوته رح إبحث عن أقرب صراف آلي بعدها البصمة بالمكتب المجاور له وقالوا لي إنتظر رسالة الإستلام وسلامتكم كتبت الموضوع لأني بالفعل كنت بحاجة للمساعده. والمنتدى ماقصر لكن المواضبيع من كثرتها تحوسك والترتيب بخصوص الأبلكيشن وباقي الطلبات غير محدثة مثلاً واحد كان معي بالمكتب جايب أبلكيشن قديم والموضف ساعدنا في تعبئة الأبلكيشن دعواتكم لنا بالحصول على الفيزا |
و عليكم السلام مبروك التقديم و عقبال الفيزا مهما نزلنا من نماذج المكتب كل سنة يغيرها السنة هذي منزل الصفحات مطبوعة مع بعض مثل الكتيب لدرجة أنك لو سحبت النموذج من السفارة أو موقعهم مايقبل المكتب يحاول يوضح للناس أن الاسهل أنك تأخذ خدمات vip وهذا خطأ لأن المفروض يترك لي حرية الخيار شكراً على طرح تجربتك كثير راح يستفيد منها الله يعطيك العافية |
وعليكم السلام شكرا لذكر تجربتك أن شاء الله نبارك لك بالفيزا |
اقتباس:
أشكرك على مرورك |
اقتباس:
أشكرك على مرورك |
أستلمت الفيزا وإلا باقي؟؟؟ |
بارك الله فيك و شاكر لك مجهودك و افادتك |
عقبال الفيزا يارب شكرا على طرح تجربتك |
اقتباس:
كيف مطبوعه مع بعض يعني لو نزلت الابلكيشن القديم ماراح يقبلوه ؟؟؟ ياليت تعطيني حقهم الجديد عشان اشوف واعبيه والله يسهل |
اقتباس:
ان شاء الله انزل لها صورة عشان تكون واضحة للجميع انت عبي النماذج الموجودة هنا و لما توصلين عندهم قبل الموعد فقط انقلي اللي عبيتيه للنموذج الموجود عندهم هم سووا الحركة هذي عشان يجبروا الناس على vip |
| الساعة الآن 08:50 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO