|
تجربة لمقيم حضرمي في إستصدار الشنقن من الأسبانية .. بسم الله الرحمن الرحيم السلام عليكم ورحمة الله وبركاته .. تحية طيبة لرواد هذا المنتدى والذي من خلاله إستفدت منه الكثير تحية طيبة خصيصاً للرائع الأخ أبو غسان على مجهوده الجميل ومواضيعه الجبارة اللي ريحت لكثير من المتقدمين للفيزا .. ومن باب رد الجميل لهالمنتدى وليستفيد غيري حبيت أحط تجربتي في إستصدار الشنجن من السفارة الأسبانية :e511: مثل ما هو باين من العنوان معكم مقيم حضرمي مولود وعايش في الرياض وجميع أهلي الوالدين الله يحفظهم وأخواني واللي إستفدنا جميعاً من خير هالبلد الله يحفظها ويديم عليها نعمة الأمن والأمان .. تقديمي للفيزا كان فيه أكثر من تحدي ، التحدي الأول بحكم الجنسية وظروف بلدنا يعتبر التقديم في هالوقت مجازفة كبيرة وممكن بنسبة كبيرة تنرفض .. التحدي الثاني بعد ما حجزت للأهل ونا عادة أحجز جداً من بدري طلعت عندنا مناسبة عائلية قبل سفرنا بأيام قليلة وراحوا أهلي سحبوا علي وهونوا عن السفر ومشكلتي إني صعب أأجل إجازتي لوقت ثاني لأنه مجدولة الإجازات بين الموظفين المهم إني نويت السفر بلحالي وهذا التحدي الثاني قلت السفر مجموعة فرصتهم أعلى من السفر منفرد بالنسبة لوضعنا .. المهم لغيت حجوزات الوالدة وأخواني وعملت موعد يوم الثلاثاء ما قبل الماضي كان التاريخ 19 يوليو وجهزت كل المتطلبات اللي كانت : 1ـ النموذج والتعهد . 2ـ أصل الجواز وصورتين شخصية 3.5x4.5 3ـ تذاكر الطيران . 4ـ تذاكر التنقلات الداخلية . 5ـ حجوزات الفنادق . 6ـ صورة الإقامة 7ـ صورة شنقن سابقة . 8ـ كشف الحساب ل 6 شهور انا جبتها من بداية السنة وصورة للماستر . 9ـ تأشيرة خروج وعودة . 10ـ خطاب تعريف مصدق من الغرفة التجارية موضح فيه عدم ممانعة الشركة وضمانها بعودتي في الوقت المحدد 11ـ كرت العمل مترجم . 12ـ تأمين صحي خذيته من أليانز الفرنسي الشهر ب 86 ريال . 13ـ خطاب مني للسفارة يوضح الغرض من الرحلة . 14ـ أضفت من عندي خطاب تعريف للوالد من الشركة اللي يعمل فيها يكون داعم لي . لاحظت يوم جيت عملت الموعد بعد ما تختار التاريخ معد فيه خيار تختار الوقت مثل أول هو حط لي الوقت من عنده الساعة ثمان الصبح وفعلا وصلت المكتب حدود سبع ونصف شفت مافيه أحد حول البوابة قعدت في السيارة أراجع أوراقي لين ثمان إلا خمس رحت خذيت نفسي ودخلت لقيت الصدمة !! سرا طويل عريض خخخخخخخخخ ما انتبهت له ونا في السيارة لأن زجاج المبنى كاتم ، ف اللي وصل بدري لا يعمل مثلي وينتظر يخش على طول لأنه الدعوة أرقام واللي يجي بدري يخش بدري المهم أول مادخلت بدو يدخلون المراجعين طلعت الدور الأول عطيته ورقة الموعد وقام عطاني الرقم ، توجهت للصالة الكبيرة حقت الأفراد فاضي كان واللي فيه أغلبهم حقين المكاتب وجا دوري بعد ثلاثة طلب أول شي ورقة الموعد عشان يطابقها بالجواز وبدا بعدها يراجع الأوراق وصار يطابق الوصول والتنقل ويطابقها مع حجوزات الفنادق إلين ما وصل لخطاب التعريف دقق فيه وقالي وين التعهد حق الشركة ، قلت له في آخر الخطاب موضح عدم الممانعة والتعهد بعودتي راح قالي لأ كان لازم يكون فيه رقم جوال مديرك في حالة ما رجعت يحصلون رقم يتواصلون معه قلت له يبن الحلال في الورقة الرسمية للشركة فيه الرقم الثابت ومنه بيوصلون لأي شخص يبغونه وقلت له يعني أنا ممكن أطلع وأحط لك أي رقم وأي إسم وأرجع لك قالي هذا طلب السفارة ونا بدوري خلاص إقتنعت إني لازم أعدل خطاب التعريف ومعد فيه داعي أخوض ويضيع الوقت وقلت له خلاص بعدله وبرجع قال تعالي قبل 11 أو إعمل موعد جديد قلت هنا ويييين يعمي مع هالزحمة أرجع لك قبل 11 ، هنا قلت في نفسي أول ما أوصل الدوام بدور على موعد إذا حصلت شي قريب حجزت وإذا مالقيت بروح في نفس اليوم وبكلم المشرف المهم رجعت الدوام والحمدلله لقيت موعد على اليوم اللي بعده الأربعاء وعدلت في خطاب التعريف وإستئذنت من مدير القسم إني بحط إسمه ورقم جواله ووافق جزاه الله خير طبعاً لازم أعطيه خبر ولا أخاف تتصل عليه السفارة تتأكد وهو ما يدري عن شي وأتوهق فيها خخخخخخخخ وطلعت ختمته من الغرفة التجارية . اليوم الثاني الموعد حسب الورقة ثمان وعشر ونا من سبع ونصف مسنتر في الطابور تعلمت الدرس حقت اليوم اللي قبله ;) والمرة ذي كنت أول واحد وجيت عند نفس الشخص وأول شي خليته يشوفه خطاب التعريف وقالي أوكي وقعد يراجع الأوراق مره ثانيه ويعلم بالقلم الأصفر عجبتني هالحركة عشان يريح على السفارة وبعد ماخلص قام رجع لي كرت العمل قالي هذي خاصة بالسعوديين وصورة بطاقة الماستر وأهم شي رجع لي خطاب تعريف الوالد قلت له ياخي حطه ما راح يثقل عليكم لمن تحملونه خخخخخخخخخ هنا عطاني ذيك النظرة اللي حسيت فيها إني راح أنرفض قالي طلبات السفارة واضحة أي شي زايد عن المطلوب نرجعه وإذا إحتاجوا شي راح نكلمك وبعدها حاسبت كنت مجهز فكه معي 330 ريال وعطاني الإيصال سألته عن وضعي قالي أوراقك كلها كاملة وما عندك مشكلة ، بعدها رحت بصمت وصورت رغم إني كنت مبصم قبل أقل من 3 سنوات ع المسا من نفس اليوم جتني رسالة إنه طلع للسفارة والخميس هذا اللي راح 28 يوليو جتني على آخر الدوام رسالة انه وصل للمركز الموحد وقعدت معلق على أعصابي لين اليوم الأحد وطلعت ع المركز حول الثنتين العصرية سلمته الإيصال عطاني الظرف واللي فهمته إذا فيها رفض يكون مدبس من برع الظرف قلت يمكن بداخله ورحت أتحسسه وحسيت مافيه إلا الجواز مدري ليه راكبه في دماغي إني بنرفض :24: ركبت السيارة فكيت الظرف وفتحت الجواز لقيته بداخلها الفيزا :58: الدخول لمرتين ومدتها 6 شهور :16: ي عمي أهم شي الفيزا طلعت وأشوف الوقت اللي خذته المعاملة معقول من خميس لخميس يعني 6 أيام عمل . وبس هذي قصتي طولت عليكم بالسالفة طبعي أحب التفاصيل عاد الله يعينكم إذا جيت أعمل تقرير سفرتي كذا راح يكون :13: وضعت تجربتي حتى غيري يستفيد رغم إني نادراً ما أكتب مواضيع في منتديات ويعرف إنه الموضوع سهالات لنا وفي عيد الفطر قريب أحد زملاءي من نفس جنسيتي طلع شهر عسل لأسبانيا أهم شي أوراقكم تكون كاملة وكشف الحساب يكون فيه مبلغ جيد .. وتحية طيبة للجميع :6: |
الف مبروك سفرة سعيدة ان شاء الله شكرًا لذكرك تجربتك |
1000 مبروك تستاهل أعجبني اصرارك و عدم ترددك خاصة بعد ماكنسلوا الاهل كذلك ترتيبك رائع للطلبات كثير راح يستفيد من تجربتك يا غالي لأنك ذكرت تفاصيل دقيقة تهم كل متقدم شكراً لذوقك و ما قمنا الا بالواجب المهم التقرير تراك ملزوم فيه و نبغاه تفاصيل التفاصيل :32: الله يسعدك |
اقتباس:
الله يبارك فيك مشرفنا .. تسلم والله على مشاعرك الطيبة وهذا أقل شي نعمله لهالمنتدى الرائع .. |
اقتباس:
ي ساتر أجل تبغاه تفاصيل التفاصيل :32: أحس إني تورطت معكم خخخخخخخخخ لا إن شاء الله ، الله يقدرني وأحاول إني أعمل تقرير حتى ولو بشكل مبسط .. يشرفني مرورك إستاذي .. |
ماشاءالله تبارك الله الف مبروك يا ابن العم بسألك جوازك كم باقي فيه وينتهي ؟ عشان نعرف ليه التأشيرة فقط 6 شهور احتمال جوازك مافيه فترة طويله على الانتهاء |
الف مبروك ونتمنى لك سفرة سعيدة ان شاءالله شكرا لك على ذكر التجربة ان شاءالله الجميع يستفيد |
اقتباس:
الله يبارك فيك أخوي .. جوازي بينتهي في شهر 6 يونيو من العام القادم يعني تقريباً باقي له حول 9 أشهر .. يمكن لهذا السبب جت الصلاحية 6 أشهر .. أشكرك على مرورك :) اقتباس:
الله يبارك فيكِ أختي وتسلمين على مشاعرك الطيبة .. على فكرة فادني كثييير موضوعك عن الحجز عن طريق airbnb وتجربتك اللي صارت لك معهم .. كنت مهتم بشقة في مايوركا على البحر نظام شاليه ومن الصور مره روعة بس اللي خلاني أتردد ما عليها تعليقات .. وبعد اللي صار معك شلت من بالي تماماً إني أحجز فيها .. يشرفني مرورك :) |
الف شكر لك على تجربتك يابن العم سبق وقدمت لشنغن وأنرفضت للأسف وكان الأغلاط من المكتب وعليها انا من تحمل المسؤولية سؤالي ياعزيزي واتمنى تجاوبني النموذج والتعهد ايش هو التعهد اللي تقصده هنا؟ ايش صيغته؟ + هل الفيز تستخرج لمهن معينة؟ ولو أمكن صيغة خطاب الضامن اللي عملتها؟ وهل حجوزات الفنادق والطيران اللي قدمتها وهمية؟ جوازي فيه رفض؟وماعندي شنغن سابقة هل بيدققون على هذا الشيء؟ مع العلم مضى على حظري أكثر من 9 أشهر كل شيء تمام عندي وعلى استعداد اقدمه لهم ومع العلم أن السفرية راح تكون مع الأهل |
1 مرفق اقتباس:
الله يوفقكم إن شاء الله ويكتب لكم إللي فيه الخير وأي خدمة حنا حاضرين :e032: |
ماشاءالله الف مبروك والميزه اللي عندك فيزا شنغن السابقه سؤال ، هم يطلبون خطاب من الكفيل موضح فيه الوظيفه وضمان العوده ..الخ بالنسبه للحضرمي ابن المواطنه اللي والدته تعتبر كفيلته ايش يقدم؟ مع العلم انها بتسافر معاهم |
اقتباس:
الله يبارك فيك .. من الممكن إنه الشنقن السابق كان داعم لي ،، بس مثل ما قلت في الموضوع ، قريب لأحد زملائي طلعت لهم شنقن لأول مرة .. والله بالنسبة لوضع أبناء المواطنات ما أدري بس أعتقد يستمر نفس الوضع ،، إذا موظف خطاب من الشركة وباقي الطلبات الثانية ولو تتصل عليهم راح يفيدونك إن شاء الله .. بالتوفيق .. |
اقتباس:
ياسيدي كلك ذوق وسامحني ثقلت عليك وجهة نظري الخاصة اللي معه فيزا شنغن سابقة أيًا كانت جنسيته تعتبر له 70% من مشوار الحصول على الفيزا من جديد،لأنها تسهل الكثير والكثير أيضًا المهن تفرق هي مهنتي كويسة لكن نظام بعض السفارات مستفز نوعًا ما وما أخفيك عملت حجوزات مؤكدة حقيقية بعد تقديمي استئناف للرفض وخطاب كفالة قبل 9 أشهر ومع الأسف صرفوني بحكم أن أغلاط المكتب اللي عملها لي كانت فادحة أطفال مايقعون فيها لمؤاخذة بدءًا من تاريخ انتهاء الجواز وإصداره انتهاءً بالاسم وحجز بوكنج اللي سعره كان شاطح جدًا بشكل غير معقول وقطعت وعد على نفسي بعد اليوم أي معاملة ما أخلي مكتب يعملها لي ولو كلفت الأمر ايش ماكان وانا راح اكتب وادقق على كل شيء أسويه من تجاربكم وخبرات الناس الطيبين في المنتدى بعد الله عمومًا استفسارين أخيرة التنقلات الداخلية من أي موقع سويتها؟ وهل هي مؤكدة بمعني دفعت رسومها ايضًا؟ وهل مثلا اذا تجلس في برشلونة ومدريد وفالنسيا تقدم حجوزات بوكنج لهالمدن؟ على حسب عدد الأيام الله يرضالي عليك |
اقتباس:
الله يخليك والله .. إنت قدم بنفس الطلبات اللي قدمتها وإبدا رتبها من الحين وحطها في موضوعك وراح نمشي معك خطوة بخطوة .. |
لو سمحت ممكن تحط لنا صيغة النصية بالانجليزي ل خطاب ضمان العودة و خطاب جهة العمل اللي استخدمته للضرورة . اللغة عندي مو قوية وعجزت اصيغها |
الف مبروك تتهنى بالسفر يارب. |
تسلم ياغالي بارك الله فيك والله يكتب الخير سويت كل شيء الحمدلله باستنثاء حجوزات الطيران هل أعملها مؤكدة لي وللأهل أو أسويها وهمية؟ |
اقتباس:
خطاب ضمان العودة يكون ضمن خطاب التعريف من الشركة .. يشار فيه إلى عدم ممانعة الشركة من القيام بالسفر مع ضمانها بعودة الموظف في الوقت المحدد .. أبشر ولا يهمك راح أحط خطاب التعريف Date: 17 JUL 2016 THE CONSULAR GENERAL OF THE KINGDOM OF SPAIN RIYADH – SAUDI ARABIA Dear Sirs We would like to inform you that Mr. --------, ------ National, holds Passport No.------, Residence Permit No.-------, has been working with us since -------- as ------- with a monthly pay of SR. (----) Including Housing and Transportation allowances, which does not include other benefits. This letter has been given to him upon his request for the purpose of obtaining a tourist visa. We would appreciate your approval of granting a multiple tourist visa to Spain for Mr. --------- and we don't have any objection to doing this trip and we hereby guarantee that he will be leaving Spain on the fixed date. Thanking you for your cooperation With best regards هذا خطاب التعريف ولو تلاحظ آخر فقرة هنا اللي يتضمن عدم الممانعة وضمان العودة .. وفي آخره ضيف إسم مديرك المباشر ورقم جواله مثل ما طلبوا مني وطبعاً أكيد إسم ووظيفة الشخص الموقع .. طبعاً الخانات الفاضيه هذي للإسم والجنسية ورقم الجواز والإقامة وتاريخ التعيين والمسمى الوظيفي والراتب .. وأي خدمة حنا حاضرين :e032: |
اقتباس:
الله يبارك فيك ، وتسلم لي والله على مشاعرك الطيبة .. يشرفني مرورك :e032: اقتباس:
مرحبا أخوي الرايق :e032: والله شف أنا مالي بالحجوزات الوهمية ، دايماً أحجز مؤكد لأني ما أعرف عن نظامها .. ولو تبي نصيحتي إحجز مؤكد وريح حالك ياخي السفارات لهم طرقهم أكيد ممكن بأي طريقة تظهر عندهم الحجوزات اللي قدمتها إنها وهمية ويتضرر كثير موقفك .. وبإمكانك طرح هالنقطة للإستفسار .. وبالتوفيق .. |
اخي العزيز الف مبروك حصولك على التأشيرة واتمنى لك رحلة سعيدة سؤال عاجل كم هو المتبقي من الاقامة؟ (الصلاحية المتبقية من حين التقديم للشنجن) وكم مدة صلاحية الخروج والعودة ؟ لكي استفيد من تجربتك وهل لهم علاقة بال 6 شهور الممنوحة لك للشنغن طلبت الدخول للشنجن مرتين او متعدد؟ شاكر لك تجاوبك مع الجميع رحلة سعيدة مره اخرى |
اقتباس:
الله يخليك واجبي وهذا الغرض من الموضوع إنه غيري يستفيد .. وبالتوفيق للجميع والله يكتب لكم رحلة سعيدة :e304: |
مشكور على تفاعك وتجاوبك جزاك الله خير |
شكرا لذكر تجربتك يا أخي مدري ليش كلنا نخاف يرفضون التأشيره رحله موفقه |
اقتباس:
والله يشرفني مرورك حضرة المدير العام :e022: بيني وبينك على أوضاعنا الحالية ورفض بعض المتقدمين للشنقن لنا حق نخاف منها .. حتى إني كنت قلقان حتى أكثر من المرة الأولى اللي قدمت فيها :32: بس الحمدلله ريك يسر وسهل .. |
الف مبروك وشكرا على طرح تجربتك |
اقتباس:
الله يبارك فيك أخوي .. هذا أقل شي ممكن نعمله لهالمنتدى الرائع .. يشرفني مرورك :e304: |
ألف مبروك سفرة سعيدة |
اقتباس:
الله يبارك فيك أختي .. وشكراً على مشاعرك الطيبة .. يشرفني مرورك :e304: |
يعطيك العافية ماقصرت راح اتعبك معي مرة ثانية :20: احتاج الخطاب حق الغرض من السفر وانه للسياحة وكذا ياريت ترفقه لي وشكرا:e14f::e022: |
اقتباس:
لا أبد والله لا تعب ولا شي وهذا الغرض من موضوعي حتى غيري يستفيد .. تفضل أخوي هذا خطابي الموجه للسفارة الإسبانية ومثل ما قلت هذا الطلب فقط للمقيمين :- Date: 17 JUL 2016 THE CONSULAR GENERAL OF THE KINGDOM OF SPAIN Riyadh, Saudi Arabia Dear Sir I, the undersigned, ---------- holder of ------ Passport No. ------, and Saudi residence permit No. ---------, I would kindly inform your Excellency that I intend to visit Spain from --/--/2016 to --/--/2016 for tourism. The purpose of my trip is to take some time off to rest and relax after a whole tiring year of work. I choose Spain specifically because it's diverse country in tourism and I find all my interests: modernity, history and cultural, islands and beaches, sports and shopping. During my staying in Spain I will visit Madrid, Seville, Mallorca and Barcelona For this I'm applying a tourist visa in Spain Embassy bring all required documents. Finally I assure you that I will be able to cover all my expenses during stay in Spain "living cost, hotels, .transportations, etc." and also for leaving Spain on the specified date .Thank you for your cooperation and best regards Name Mobile الفراغات للإسم والجنسية ورقم الجواز ورقم الإقامة وتاريخ الوصول والمغادرة .. وأكيد إنت راح تغير في أسماء المدن والبلد بعد لو رحت مكان غير أسبانيا .. وبتختمها بإسمك الكريم ورقم جوالك والتوقيع .. وأي إستفسار آخر حنا حاضرين .. |
ما شاء الله عليك شرح وافي وكافي بارك الله فيك ألف مبروك التأشيره وتروحوا وتعودوا بكل سلامه |
اقتباس:
يخليك ربي منكم إستفدنا والله .. م قصرتوا ردودكم ونصايحكم ساعدتنا كثييير .. يشرفني مرورك إستاذي :e032: |
السلام عليكم ورحمة الله وبركاته .. تحياتي لجميع الشباب الطيبة اللي جمعني فيهم موضوعي هذا .. وتحية طيبة لجميع رواد هالمنتدى الرائع .. بحمد الله رديت من السفر تقريباً قبل عشر أيام .. بس لإنشغالي مع الأهل والعودة للدوام تأخرت في الرد .. كانت الرحلة ولله الحمد جداً رائعة أسبانيا بلد جميل ومتنوع والأجمل شعبها اللطيف والودود جداً .. بحاول إن شاء الله أنزل تقرير بس قبل لا أبدأ لازم لي من لفة على كم تقرير عشان نفهم السالفة أول :1: والله يحلي أيامكم جميعها يارب :e304: |
| الساعة الآن 07:58 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO