|
تجربتي في استخراج فيزا شنغن من السفارة الفرنسية 18 مايو السلام عليكم في البداية أود أن أتقدم بالشكر للأخ آخر فرصة على ما بذله من جهود طيبة و مساعدته لي شخصيا و للجميع فبارك الله فيه و وفقه و رضي عنه كان موعدي في السفارة الفرنسية بالدمام يوم الخميس مع زوجتي لنقضي شهر العسل في أوروبا اخترت موعد الساعة ٨:٣٠ و هو أول وقت متاح. و وصلنا لهم قبل الوقت بخمس دقايق. طبعا يفضل تطبعون ورقة الموعد التي فيها الوقت و التاريخ أعطيته الورقة لكن طلب مني الانتطار و سينادي علينا. انتطرنا خمس دقائق و عند الساعة ٨:٣٠ بالضبط نادى أن أي أحد عنده موعد بالسفارة الفرنسية فليتفضل. أعطيته ورقتي الموعد و أعطاني ورقة فيها رقم و كنا أول من أخذ الرقم و ما كان فيه أحد إلا احنا فقط للسفارة الفرنسية ^ـ^ الصالة كانت فاضية و ما فيه الا ٤ أو ٥ عوائل دخلنا داخل عند الكاونترات و طلبت منا موظفة الجلوس إلى ما ينادونا. ٥ دقايق أيضا و نادتنا. سلمناها الأوراق و هي كالتالي: - الجواز + صورة منه + ( صورة لأي فيزا موجودة مستخرجة مسبقا في الجواز ) زوجتي عندها فيزا أمريكا ما صورناها لكن الأخت تساهلت معنا و قالت انه بتصورها بنفسها جزاها الله خير - تعريف بالراتب بالانجليزي مختوم من الغرفة التجارية - حجوزات الفنادق ( يجب أن تكون فرنسا هي الوجهة الأكثر مكوثا فيها ) لازم أيضا كل الأيام يكون فيها سكن - تذاكر الطيران - تأمين طبي لي و تأمين طبي لزوجتي - كشف حساب شهرين أقل شي بالانجليزي و مختوم من البنك طبعا أنا استخرجت كشف الحساب قبل ٣ أسابيع لهذا رفضته و قالت انه يحب أن لا يكون مضى على كشف الحساب أكثر من ١٥ يوم. لكنها تساهلت معي و وضعت الأوراق على جنب و جعلتنا نبصم و نصور و قالت أترك أوراقك هنا و روح للبنك الآن و جيب كشف حساب حديث و بكذا تكتمل أوراقك و تدفع باقي المبلغ ( ٦٠٠ ريال لشخصين) و نعطيك الفاتورة و فعلا جبت لها كشف الحساب و سلمت لها المبلغ كاش ( انتبهوا ترى ما عندهم الدفع عن طريق البطاقة ) و قالت لي إذا حاب أستلم الجوازات عن طريق أرامكس. ردت أوراق ما يحتاجونها و هي ورقة استئجار السيارة و الرخصة الدولية و كارت العائلة العملية كلها ما استغرقت أكثر من نص ساعة و لله الحمد و كانت الأمور ميسرة و سهلة و بسيطة الآن عندي سؤال. حجوزاتي للفنادق كانت وهمية لأنه في الأصل فرنسا لن تكون البلد الأكثر مكوثا فيها متى أستطيع إلغاء هذه الحجوزات الوهمية و حجز الحجوزات الحقيقية ؟ هل أول ما توصلني رسالة منهم أقوم بعمل الحجوزات الحقيقية أو أول ما أوصل أوروبا ؟ شكرا لكم |
نصيحة للجميع. احجزوا موعد الساعة ٨:٣٠ لأني بعد ما أحضرت كشف الحساب كان فيه عدد كبير من العوائل ينتطرون دورهم. يعني لو اتاخرنا عن موعدنا ١٠ دقايق أو أكثر بقليل لكان دخلنا في الزحمة :29: |
انا عكسك تماما، اخذت آخر موعد متاح بالفرنسية تقريبا الساعة 1 ونصف. بحكم ان الابناء كانوا عندهم اختبارات بالمدارس ولازم اعمل لهم خروج بعد اداء الاختبار وعلشان كذا اخرت موعدي. بالنسبة لحجزك الوهمي فهي مغامرة ولا تضمن وش الاسئلة التي يسالك عنها موظف الجوازات وين ساكن فيه وكم يوم ؟. ويعتمد ايضا على بلد الدخول. فيه بلاد تشدد بمثل هذه الامور واخرى لا. يمكن تطيح بموظف معقد ويمكن تطيح بموظف سمح. الافضل لك انك ما تلغي الحجوزات الا عقب ما تدخل اوروبا. تحياتي. |
ماشاء الله كنت يوم الخميس هناك في المركز الموحد فعلا زحمة كان موعدنا الساعه 9 صباحآ وما خلصنا الا الساعه 10 ونص تقريبا موفقين ان اشاء الله |
وعليكم السلام تجربة سلسة تبين مدى سهولة التقديم موعدكم المبكر سهل عليكم الامور أكثر ما اتوقع حجوزاتكم الوهمية تنتظر لين دخول البلد لذا الغيها بعد استلام رسالة وصول الجوازات بس لابد تعمل بديل لها تظهر أن فرنسا هي الاطول مدة شكراً لطرح تجربتك يا غالي الله يسعدك |
أها يعني لابد تبقى فرنسا الأكثر اقامة طيب أنا وصولي على ألمانيا و باقعد فيها ٥ ليالي بينما النمسا ٦ ليالي و أيضا فرنسا ٦ ليالي في هذه الحالة هل علي إشكال ؟ مع العلم أن عودتي إلى السعودية ستكون من فرنسا شكرا |
هلا اخوي لا عليك إشكال إن شاءالله أصلا تغيير الفنادق وارد وهم عارفين الشئ هذا. سؤال أخي الفاضل ما ذكرت إنك سلمت النموذج؟ هل عبيت النموذج أون لاين ولا بالموقع؟ وشكرا |
نعم صحيح سلمت النموذج. النموذج نزلته من موقع السفارة و بعد ذلك قمت بطباعته ثم كتبت كل البيانات بالقلم الأزرق. البيانات لازم تكون كاملة و دقيقة. |
عبيت البيانات يدوي أم الكترونيا؟ بالتوفيق إن شاءالله |
يدوي |
أهم شي اطبع من الانترنت آخر نموذج اطبعه من موقعهم لانه في المنتديات منتشر كثير نماذج قديمة غير محدثة |
السلام عليكم صباح الخير بشر جاك الرد او باقي .؟؟ انا قدمت في نفس اليوم للحين ماجاني رد !! |
و عليكم السلام و رحمة الله و بركاته للأسف ما جاني رد حتى الآن، مر الآن أسبوع لما أدخل على موقعم لتعقب الطلب يظهر لي الآتي: Processed application for the Applicant is received from the Embassy of France, Riyadh on 25/05/2017. |
اقتباس:
كيف اشيك ع الموقع ..؟؟؟؟؟؟ |
هل الخطاب الموجه من العمل للسفاره ضروري الان عملي مقفل ومااقدر أجيبه |
وهل الموعد صار بفلوس او ادا حجزت بنفسي يكون ببلاش |
اقتباس:
التعريف من العمل ضروري |
اقتباس:
حجز الموعد بفلوس حتى اذا حجزتي بنفسك |
اقتباس:
https://www.visaservices.firm.in/Sau...FweKU81tWrVw== علمني اش يطلع لك |
لا تقلقوا يا اخوان .. قدمت على الفرنسيه بالرياض يوم الثلاثاء 16/5 وما جاني الرد غير امس الخميس 25/5 والتأشيرات بتاريخ 24/5 يعني ما اشتغلوا بالجوازات الا بعد 8 أيام من التقديم |
يعطيك العافية |
اقتباس:
|
حاولت اسوي تتبع للمعامله :65: ما زبطت معاي وللحين ماجاني رد !!! |
ها بشر جاك رد ؟؟؟؟؟ |
شكراا لذكر تجربتك ورحله ممتعه ولا تنسونا من التقارير الجميله |
اقتباس:
|
اقتباس:
ماشاء الله مبروووووووك وعقبالنا 😁 |
نعم استلمتها من يوم تاريخ ٢٨ مايو بشر انت وش صار معك ؟ |
اقتباس:
مبررروووووك انا انتظر للحين قدمت عبر مكتب قال لي انتظر هالاسبوع يجي الرد |
احنا قدمنا على دفعتين الدفعه الاولى اسبوع بالضبط وطلعت والدفعه الثانيه يومين والثالث ارسلولنا نستلمها فعلى حسب عادي انتوا تابعوا واسألوا |
الله يسهلً امرك |
| الساعة الآن 07:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO