السلام عليكم

إحتراماً وتقديراً للأخ آخر فرصة كتبت هذا الموضوع مااقصر معانا و سرعة في التجاوب , الله يجزاه عنّا خير الجزاء دعواتنا له في هذا الشهر الفضيل بالتوفيق والسعادة ..

حجزت موعد يوم الأحد 4يونيو الساعة 1:50 دقيقة في مركز التأشيرات بالرياض عن طريق الموقع وجهزنا الطلبات المطلوبة

تأخرنا 15دقيقة لظروف خارجة عن الإرداة والحمدالله دخلونا بدون مشاكل وأخذنا رقم كان قدامنا 4عوائل صارت الساعة 3 وثلث وقدامنا عائلة وكان فيه موظفتين وموظف العائلة اللي قبلنا عند الموظف وموظفة مشت وبقت موظفة تشتغل بالأوراق قلت لها ممكن تاخذين أوراقنا قالت الدوام بينتهي ويمكن مايمديكم روحي شوفي قسم الأفراد إذا فيه موظف يساعدكم رحت للأفراد قالوا نمشي بالأرقام ومانقدر ناخذكم روحوا كلموا مدير الصالة رحت كلمته قال مستحيل تمشون بدون ماتسوون أوراقكم اليوم موعدكم وراح تخلصون أموركم وماعليكم من حكي الموظفات >>الحمدالله ريحنا كنا ع أعصابنا من الموظفات معصبااات أنفسهم براس خشومهم

جاء موظف هندي أخذ الأبلكيشن قال مو هذا المطلوب قلت أنا طابعته من القنصلية الفرنسية وكمان شفته هينا بالموقع قال لا وراح جاب ابلكيشن ثاني نفسسسه بالضبط بس الفرق علم أوروبا وكان وجه وقفا قلت الشكوى لله وقعدنا نعبي الأوراق من جديد :2:
نص الأوراق مأخذها مثل تعريف الوالدة وكشف حسابها وبطاقة عائلتنا ,
زبدة الأوراق هي:
ورقة الموعد
الأبلكيشن
نسخة واحدة فقط من حجوزات الطيران والسكن والتأمين >>أنا حاطة لكل شخص نسخة ولا أخذها
أول صفحة من الجواز
فيزا شنغن سابقة
كشف حساب وتعريف للوالد
صورة شخصية وااااحدة فقط

بعدها بصّمنا وصورنا وطلعنا

بالنسبة للتأمين أخذته من شركة الدرع العربي للتأمين 4أشخاص كبار بـ399 ريال

المبلغ اللي دفعته :
حجز موعد ل4أشخاص ب480
رسوم الفيزا : الشخص ب250 ل4 أشخاص ب1000ريال وزادوا علينا 20ريال بسبب الابلكيشن

وتقريباً قعدنا بالسفارة ساعة ونص لأن أغلب العوائل الأبلكيشن حقهم خطأ وجابوا لهم جديد

بس الغريب مأرسلوا لنا رسالة إلى الآن؟ شي عادي !؟ أتذكر فيزا بريطانيا بعدها بيوم أرسلوا لنا رسالة أن الجوزات راحت للسفارة

الف مبروك عقبال ما تصدر التأشيرات ان شاء الله.
كان موعدي قبل شهر تقريبا وما قالوا اي شي عن النماذج اللي محملها من موقعهم.

بس سؤال هل النماذج الجديدة اللي سلموها لكم اوراقها متلاصقة ؟ بدون فرق عن نماذجكم.

المشاركة الأصلية كتبت بواسطة الفارس (المشاركة 328640) الف مبروك عقبال ما تصدر التأشيرات ان شاء الله. كان موعدي قبل شهر تقريبا وما قالوا اي شي عن النماذج اللي محملها من موقعهم. بس سؤال هل النماذج الجديدة اللي سلموها لكم اوراقها متلاصقة ؟ بدون فرق عن نماذجكم.

ياليت صورتي النماذج اللي عطوك كان ارفقناها واشتكيناهم للسفارة الفرنسية سواءا بتويتر او بالايميل ان المكتب يطالب بنماذج غير النماذج الموجودة بنفس الموقع.